Isayaasa Maxaafa54gof_ltw

Xiyoone Sintha Bonchuwa

1Naate, yelonna maynthe, yexa!Naate, iqeta eronnaare, ufaysan ilila!Azinara de7iya maccase naytapebarka de7iya maccase nayti darana.2Ne dunkaaniya bessaa dalgisa;dunkaaniya gesheta piddi oothada micca;xuumisopa; wodoruwa adussa; dhishiya mintha.3Neeni ushachinne haddirsi dalgana;ne kochati kawotethata laattana;baysatida enta katamatan keexidi daana.
4“Yayyofa; neeni yeellataka;dagammofa; neeni kawuyaka.Ne yalagatetha yeella neeni dogana;ne am7etetha boriya hizape guye hassayaka.5Ne azinay nena Medhidaysa;iya sunthay Ubbaafe Wolqaama Godaa.Isra7eele Geeshshay nena Wozidaysa;I biitta ubbaa Xoossaa geetetana.6Azini aggin, dogetada azzaniya maccasada,yalagatethan azina soope keyida,maccasada neeni hanada de7ishin,taani Goday nena zaarada xeegas.7“Guutha wode taani nena aggas,shin gita qadhen taani nena zaarada ehana.8Suulliya hanqon taani ta som7uwaneepe guutha wodes genthas.Shin merinaa maarotethan taani new qadhetana”yaagees nena woziya Goday.9“Haysi taw Nohe wodiya mela;he wode taani dhayo haathanzaarada sa7aa dhaysike gada caaqidaysada,zaarada ne bolla hanqetonna melanneseeronna mela taani caaqas.10Dereti qaxanaw, zumati banta bessaafe kichanaw danda7oosona;shin ta merinaa siiqoy neepe shaaketenna;ta sarotetha caaqoy neepe kichenna”yaagees new qadhetiya Goday.11“Neno, metootida katame, gotey yaanne haanne shocidaare,minthethiyabay dhayidare,Heko, taani nena boncho shuchan alleeqisada keexana;ne baasuwa sanpare shuchan hiixana.12Ne shucha gimbiya qustiya zo7o inqo shuchan,ne pengiya phooliya al7o shuchan,ne dirsa boncho shuchan gimbana.13Ne nayti ubbay Godaape tamaarana;ne nayta sarotethay darana.14Neeni xillotethan minnada eqana;geneynne un7ethoy neepe haakana.Nena yashisiyaba deenna;dagami neeko shiiqenna.15Nena olanaw dendey de7iko, hessi taape gidenna;nena qohanaw koyey de7iko, I kundana.
16“Heko, huben tama hubidi,ba qopida ola miishiya qoxiya uraa taani medhas;dhaysana mela dhayseysa medhiday tana.17Nena qohanaw oosetida ay miisheyka ne bolla oothenna;nena mootiya inxarsa ubbaas ne zaaro immana.Godaa aylleta laatay haysa;taape enti ekiya xillo haysa” yaagees Goday.
expand_more
Search