Isayaasa Maxaafa44gof_ltw

Dooretida Isra7eele

1Shin ta aylliya Yayqooba, ta doorida Isra7eele,ha77ika si7a.2Nena medhida, ne aaye ulon nena giigisidaGoday haysada yaagees.Ta aylliya Yayqooba,taani doorida Yishuruuna, yayyofa.3Taani saamotida biittan haatha gussana;mela biitta bolla shaafa gogisana.Ta Ayyaana ne nayta bolla,ta anjuwa ne kochaa bolla gussana.4Enti haatha doonan dolida maatada,shaafa lanqen de7iya mithada aacana.5Issoy bana, taani Godaaba yaagana;hankoy bana Yayqooba sunthan xeegana;haray ba kushiya bolla, “Taani Godaaba” yaagidi caddana;I Isra7eele iya sunthan xeegetana.6Goday, Isra7eele Kawoynne iya Woziday,Ubbaafe Wolqaama Goday haysada yaagees:“Koyroy tana; wursethay tana;taape hara Xoossi baawa.7Ta meli oonee? De7iko ane awaajo;ane ta sinthan eqidi odo.Benipe doomidi, hanidaba odo;sinthafe hananaba qonciso.8Yayyofite; dagammopite;taani haysa benipe doomada odabikina?Kasetada erisabikina?Hessas hinte taw marka.Taape attishin, hara Xoossi de7ii?Hara Zaalli baawa;oonika baynaysa ta erayis” yaagees.9Eeqa misileta medhiya ubbay hada;iyan ufaytiyabati enta go7okona.Enta markati qooqeta entaw eri baawa;enti yeellatana.10Bana go77onna eeqaXoossa oothidi giigisiday oonee?11Eeqa medhey asepe attishin, hara gidenna;inne iya laggeti yeellatana;ubbati issife shiiqidi eqo, yayyo, yeellato.12Birata qoxeysi eeqa oothanawba birata taman seerisidi mala immanawba mino kushiyan naariqan qoxees.Hessa giigisishe koshatees;iya wolqay wurees;saamotesinne labbanees.13Anaaxey wodoron likidiirsaasen iya bolla malla wothees;liiqisiya miishen liiqisees.Lo77o asa malan medhidiba eeqa keethan wothees.14I hessa oothanaw ziga qanxees;wola woyko xiidda wora giddofe doorididiccana mela oothees.Woyko ziga tokidiiran diccana mela naagees.15Iyape baggaa eethanaw go7etees;iyape baggaa ekidi, eethidi kayees;baggaa eethidi kathi kathees.Attidaysa ekidi xoosse oothidi iyaw goyinnees;eeqa medhidi iya sinthan gufannees.16Iyape baggaa eethidi kathi kathees;baggan asho caacidi kallidi mees.Qassi tama kayishe, “Eroshsho, tama goopa;waani ho77i” yaagees.17Qassi attida mithaa massidi,goyinniya xoossa misile kessees.He misiliya sinthan gufannidi, iyaw goyinnees;“Neeni taw xoosse gidiya gisho,tana ashsha” yaagidi woossees.18Enti aykoka erokona; aykoka akeekokona;enti be7onna mela enta ayfey goozetis;akeekona mela enta wozanay gordetis.19Eeqa oothiya asaa giddofe ba wozanan,“Iyape baggaa taman eethas;iya bonquwan kathi kathas;iyan asho caacada mas.Iyape attidaysa ixetida eeqa oothada medho?attida cugetha mithas gufannada goyinno?”yaagidi qopiya woyko akeekiya asi baawa.20I bido mees; iya cimetida wozanayiya hara soo kaalethis.I ba shempuwa ashshanaw danda7enna;“Haysi ta ushacha kushen de7ey wordo gidenna”gaanaw danda7enna.21Goday haysada yaagees:“Yayqoobaa, haysa akeeka;Isra7eele, neeni ta aylle gidiya gisho haysa hassaya.Taani nena medhas; neeni ta aylle;neno Isra7eele, taani nena dogike.22Taani ne nagaraa pittada diggas,ne naaquwa caaganada quchas.Taani nena wozida gisho,taako simma” yaagees.
23“Hinteno saloto, Goday haysa oothida gisho,ufaysan yexite; neno biittaw, ilila.Hinteno dereto, worawnneiya giddon de7iya mitha ubbay mazmure yexite.Goday Yayqooba wozis;Isra7eele giddon bonchetis.24Ne aaye ulon nena medhidaysi,nena wozidaysi Goday haysada yaagees:Ubbabaa Medhiday, salota tarka micciday;sa7aaka tarka hiixiday, taani Godaa.25Taani wordo nabeta tinbitiya hada oothas;marota kaayowa eeyatethi kessas.Taani cincata cincatethaa shira yeggas;enta eraa eeya oothas.26Taani ta aylleta qaala minthana;ta nabeta tinbitiya polana.Taani Yerusalaame katamaa,‘Neeni asay de7iya bessi gidana’ yaagas;Yihuda katamata,‘Hinte simmidi keexetana; hinte gimbey ooraxana’ yaagas.27Taani goggiya haathata melisana gishociimmo haatha, ‘Ne mela’ yaagana.28Qiroosako, ‘Neeni ta asaa heemmeysa;neeni ta halchuwa poleysa’ yaagana.I, Yerusalaame katamaa, ‘Neeni simmada keexetana’;xoossa keethaa, ‘Ne baasoy yegetana’ ” yaagana.
expand_more
Search