Isseyepe Keyda Aaca
1Isseye durumay aacana; iya xaphuwape ayfiya tashey keyana.2Godaa Ayyaanay iya bolla shempana;cincatethaanne akeeka Ayyaanay,zoriyanne wolqaa Ayyaanay,eratethaanne Godaas yayiya Ayyaanay, iya bolla shempana.3Godaas yayyidi ufaytees;ba ayfey be7idaban coo pirdenna;woyko ba haythay si7idaban coo kuuyenna.4Shin I, manqotas xillotethan pirdana;sa7an de7iya metootanchotas suuretethan kuuyana.I ba inxarsaa xam7an sa7aa shocana;ba doona shempuwan iitata wodhana.5Xillotethi iya xeessa danco gidana;ammanetethi iya miyaas saqe gidana.6Suudhumey dorsa marara issife daana;maahey deesha marara issife zin7ana.Mari gaammo butalera issife hemetana;guutha na7i enta heemmana.7Miizinne babanthi issife heemetana;enta marati issife zin7ana;gaammoy boorada kale maana.8Dhammiya na7i shoosha ollan kaa7ana;dhanthi duuxida na7i wodhiya shoosha ollan ba kushiya yeddana.9Ta geeshsha zumaa bollaoonika qohetenna woyko dhayenna.Abbi haathan kumeysadasa7i Godaa eron kumana.10He wode Isseye xaphoy asaas malla gidana;kawotetha ubbay iya koyana;I de7iya bessay bonchetana.11He gallas Goday attida ba asaa, Asoorepe, Gibxefe, Phatroosape, Tophefe, Elaamape, Sana7oorepe, Hamaatapenne yuushoy abban teqetida biittafe nam7antho ehanaw ba kushiya zaaridi yeddana.12I kawotethatas malla dhoqu oothidi denthana; Isra7eelepe laaletidaysata issife gathana; Yihudape sa7aa oyddu baggan zeretidaysata shiishana.13Hessafe guye, Efreema qanaatey iyape kichana; Yihuda morketethay iyape qanxetana. Efreemi Yihuda qanaatenna; Yihudi Efreema morkenna.14Enti wuloha baggan de7iya Filisxeeme biitta bolla gupi wodhana; enti doloha baggan de7iya asaa bonqana. Enti Edoome bollanne Moo7abe bolla banta kushiya wothana; Amooneti entaw haaretana.15Goday Gibxe matan de7iya Zo7o Abbaa melisana; ba melsiya carkuwara ba kushiya Efraxiisa shaafa bolla qaathana. Yaatidi asay mela bessaara pinnana mela laapun guutha shaafa kessidi shaakana.16Isra7eele asay Gibxe biittafe keyiya wode ogey keydaysada, attida iya asay, Asoore biittafe simmiya ogey keyana.