Asay Banta Nagara Paaxidosona
1Iziri Xoossa keetha sinthan kundidi yeekishe woossiya wodenne nagaraa paaxiya wode macci, addeynne na7i de7iya Isra7eele asay iyako shiiqidi, yibbata yeeho iyara yeekidosona.2Elama yara gidida Yi7eela na7ay Sakan haysada yaagis; “Nuuni nu yuushon de7iya allaga maccasata ekidi, nu Xoossaas ammanetiboko. Gidoshin, ha77ika Isra7eeles ufaysi de7ees.3Ta godaw, neeninne nu Xoossa kiita naageysati zoridaysada nuuni ha maccasaanne entafe yeletida nayta ubbaa yeddanaw qaala geloos. Hessi ubbay Godaa higgey geysada poleto.4Izira ha oosoy ne kushen de7ees, denda; nuuni nena maaddana; minna!” yaagis.5Iziri dendi eqidi, kahineta, Leewetanne Isra7eele asaa ubbaa ha geetetidaysata oothana mela caaqisis; entika caaqidosona.6Iziri Xoossa keetha sinthafe dendidi, Eliyaseeba na7ay Yohaani de7iya kifile gelis. Yan di7ope simmida asay nagaras yeekishe aqida gisho, he bessan kathi mibeenna; haatheka uybeenna.7Di7ope simmida asay Yerusalaame shiiqana mela, Yihudaninne Yerusalaamen awaajidosona.8Ha heedzu gallasata giddon he bessan shiiqonna oonika de7iko, iyaw de7iyabay ubbay eketana melanne ika di7ope simmida asa shiiquwape kurettana mela halaqatinne cimati oda kuuyidosona.9He geetetida heedzu gallasata giddon, uddufuntho ageenan laatamantho gallasan Yihudanne Biniyaame asa ubbay Yerusalaame shiiqidosona. Ha deexo odaanne wolqaama ira gaason, kokorishe, Xoossaa keetha sinthan de7iya dabaaban uttidosona.10Kahine Iziri dendiidi haysada yaagis; “Hinte ammanetonna ixideta; allaga maccasata macho ekidi, Isra7eele naaquwa bolla naaqo gujideta.11Hinte nagara Godaas, hinte aawata Xoossas paaxite; iya ufaysiyaba oothite. He biittan de7iya Ayhude gidonna asaapenne hinte ekida Ayhude gidonna hinte machetape shaaketite” yaagis.12Shiiqida asay banta qaala dhoqu oothidi, haysada yaagidosona. “Ne giyaba ubba nuuni oothana!13Shin haysan shiiqida asay daro; hessa bolla wolqaama iri bukees. Nuuni irape attiya bessi haysan baawa. Ha nagaran qohida asay daro gidida gisho, issi gallasan woyko nam7u gallasan ha oda polanaw danda7oko.14Ha shiiqida asaa sunthan nu halaqati Yerusalaamen gam7idi, koshshiyaba ootho. Hessa gaason dendada Xoossaa wolqaama hanqoy nuupe simmana gakanaw, nu katamatan de7iya Ayhude gidonna maccasata ekida ubbay keerida qamman katamata cimatinne daynnatara issife Yerusalaame yo.15Asaheela na7ay Yoonataaninne Tequwa na7ay Yahizi enta qofaa phalqidosona; Masulaaminne Leewe gidida Sabati entana maaddidosona” yaagidosona.16Di7ope simmida asay gidaysada oothidosona. Kahiney Iziri ubba kochatape halaqata dooridi, ubbaa enta sunthan sunthan xaafis. Tammantho ageenan koyro gallasan halaqati oda pilgidi be7o doomidosona.17Koyro ageenan koyro gallasay gakanaw, Ayhude gidonna maccasata ekida asata ubbaa pilgidi wursidosona.Allaga Macho Ekida Asata
18Kahine kochata giddofe allaga maccasata ekidaysati haysata; Iyosadeqa na7a Iyyasu kochatapenne iya ishata giddofe Ma7iseya, Alaazara, Yaribanne Godoliya.19Enti banta macheta yeddanaw qaala gelidosona; banta nagara gisho, wudiyape issi issi maraze naaqo yarsho oothidi yarshidosona.20Imera yarape Allaga macheta ekidaysati Hanaananne Zabada.21Harima yarape Ma7iseya, Eeliyaasa, Shamaya, Yi7eelanne Ooziya.22Paskora yarape Eliyo7anaya, Ma7iseya, Isma7eela, Natina7eela, Yozabaatanne Elsi.23Leewetape, Yozabaata, Same7a, Qalixa geetetiya Qelaya, Fataya, Yihudanne Alaazara.24Zammaaretape, Eliyaseeba. Penge naageysatape, Saluma, Xelemanne Ure.25Isra7eeletape, Faroosa yarape Ramiya, Yizaya, Malkiya, Mayamina, Alaazara, Malkiyanne Banaya.26Elama yarape Mataana, Zakaryaasa, Yi7eela, Abda, Yiremootanne Ela.27Zata yarape Eliyo7ana, Eliyaseeba, Mataana, Yiremoota, Zabadanne Aziiza.28Babaya yarape Yohaana, Hanaana, Zabayanne Atilaya.29Baana yarape Masulaama, Maluka, Adaya, Yasuuba, Shaalanne Yiremoota.30Pahati-Moo7aba yarape Adina, Kalala, Banaya, Ma7iseya, Mataana, Basili7eela, Binuyanne Minaase.31Karima yarape Alaazara, Yisheya, Malkiya, Shamaya, Simoona,32Biniyaame, Malukanne Samaraya.33Hasuma yarape Mataana, Mataata, Zabada, Elfalaxa, Yeremaya, Minaasenne Same7a.34Baana yarape Madaya, Amraama, Ula,35Banaya, Bedaya, Kalqe,36Waaniya, Maremoota, Eliyaseeba,37Mataana Matinayanne Ya7isa.38Binuya yarape Sama7a,39Selema, Naatana, Adaya,40Makinadabaya, Sasaya, Saraya,41Azari7eela, Selema, Samara,42Saluma, Amaarenne Yoosefa.43Nabo yarape Yi7eela, Matita, Zabada, Zabina, Yadaya, Iyyu7eelanne Banaya.44Ha ubbay Ayhude gidonna macheta ekidaysata; issoti issoti na7aka yelidosona.