1Cinca asi daaney oonee?Ubbabaas birshethaa erey oonee?Cincatethi pashkisidi, dhumida som7uwa poo7isees.
Kawos Kiitetta
2Kawos kiiteta; kase neeni kiitetanagada Xoossa sinthan caaqadasa.3Kawa sinthafe ellesada keyopa; kawoy ba koydaba oothanaw danda7iya gisho iita ooso oothanaw dendofa.4Ubbabaa oothanaw kawas maati de7iya gisho, “Ayis haysa oothadii?” yaagidi iya oychanaw danda7ey oonee?5Iya kiitaa poliya asi qohetenna; cinca asi like wodiyanne oothiya ogiya erees.6Ase deexo metoy gakikoka ubbabaas wodeynne ogey de7ees.7Sinthafe hananaba eriya asi baawa; “Haysi hanana” gidi odanaw danda7ey oonee?8Shempoy shaaketidi biya gallas oykidi teqanaw danda7iya asi baawa; woyko hayqoy ba gallasan yoonnaada digganaw danda7iya asi baawa. Ola wode oonika oletike gaanaw danda7onnaysada iitatethi iita oothiya uraa yeddenna.9Salope garsan haniyaba ubbaa taani akeekada qopiya wode asi baw de7iya maata hara asi qohanaw go7eteysa be7as.10Iita asati bonchon moogetishin be7as. Enti iitatetha oothida katamaa asay shiiqidi enta sabbishin si7as; hessi ubbay hada.11Asi qopidi iitabaa oothiya gaasoy, iitabaa oothida asata ellesidi seerey bayna gishosa.12Nagaranchoy xeetu toho iitabaa oothishin iya barey aduqikoka, Xoosse yayyeysatasinne boncheysatas sa7i lo77anaysa ta erayis.13Iitati Xoosse yayyonna gisho sarotethi entaw baawa; enti Xoosse yayyonna gisho enta barey kuyada qaammana.Asi Xoossa Oge Erenna
14Ha sa7an oosetiya hara hadabay de7ees. Hessika, geeshsha asati, nagaranchoti ekanaw bessiya seera ekiya wode nagaranchoti geeshshati ekanaw bessiya lo77oba ekeysa; hessi ubbay hada.15Asi miyabaape, uyabaapenne bana ufaysiyabape aadhidi lo77obay salope garsan hari bayna gisho, asi ba de7on ufaytiko lo77o gas. Xoossi iyaw immida laythan I daaburidi demmidaban ufaytanaw danda7ees.16Taani cincatethi aybeko eranawunne asi ha sa7a bolla daaburiya daabura akeekanaw halchas; wursethan asi dhisko dhayidi oothiya oosoy de7eysa be7as.17Taani Xoossi oothidaba ubbaa be7as. Salope garsan oosetida ooso asi pilgidi eranaw danda7onnaysa eras. Asi ay mela daaburidi pilgi xeellikoka, iya birshethaa eranaw danda7enna. Qassi cinca asi haysa erayis gaanaw danda7enna.