1Ta hintewunne Loodoqe kataman de7iya asaas, hessadaka tana ayfen be7iboona asa ubbaas ay mela baaxetiyako hinte erana mela koyayis.2Ta baaxetiya gaasoyka enti banta wozanan minnidi, siiqon qashetidi, polo gidida kumetha akeeka duretetha demmidi Xoossaa xuuraa Kiristoosa erana melasa.3Iyan Xoossay minjida eraynne cincatetha ubbay de7ees.4Ta hessa oonika hintena cimo qaalan balethonna mela koyada gayis.5Ta hintefe haakada de7ikoka ayyaanan hintera de7ayis. Hinte duussaa maaranne Kiristoosa hinte minnidi ammaneysa be7ada ufaytayis.
Kiristoosan Kumetha De7o
6Hinte Godaa Kiristoos Yesuusa ekidaysada iyan de7ite.7Iyan xapho yeddite; iyan keexetite. Hinte tamaaridaysada ammanon minnite; Xoossaas kumidi palahida galataa immite.8Kiristoosape gidonashin, asa woganinne ha alamiya coo wogan katida timirteninne asape yida eratethan oonika hintena cimi balethidi di77onna mela naagetite.9Xoossaa Xoossatethay Kiristoosa asatethan kumethi de7ees.10Hinteka maatasinne wolqa ubbaas huuphe gidiya Kiristoosan kumideta.11Hinte Kiristoosa ammanidi qaxaretideta. Hessika asa kushen gidonashin, hintena iita hanotethaafe diggiya Kiristoosan oosetida qaxaretethi.12Hinte xammaqetida wode Kiristoosara issife moogetidi, Kiristoosa hayqope denthida Xoossaa wolqaa ammanidi, Kiristoosara issife dendideta.13Hinte, hinte nagaraa gishonne hinte ceega asatethaa qaxaretonna gisho hayqidi de7ishin, Xoossay hinte nagaraa atto gis. Kiristoosara hintew de7o immis.14I nuna mootiyanne nuura eqetiya, nu bolla xaafetida acuwa daakidi masqaliya bolla dhishidi ogepe diggis.15Kiristoosi wolqatanne maatata masqaliyan xoonidi, enta ola dancuwa bilisidi, di7etida asada enta qoncen yuushshi bessis.16Hessa gisho, miyaban woyko uyaaban, ba7aale gallas woyko ageeni xeeriya qamma bonchon oonika hinte bolla pirdofo.17Haysati sinthafe yaanaw de7iyabatas eesho, shin tumay Kiristoosa.18Qoodhepe qommo ashketethaninne kiitancho goyinnon ceeqetiya oonika hintena hinte woytuwape ashshofo. Hessa mela asi ba be7ida qoncethan nashetishe ba asho qofan coo otortees.19Hessa mela asaas huuphe gidida Kiristoosara gahetethi baawa. I asatethaa ubbaa shayaninne keson keson gathi oythidi muzidi dichees. Xoossay hessa mela ogen asatethaa ubbaas dichi immees.Ooratha De7o
20Hinte Kiristoosara hayqidi ha alamiya haariya ayyaanata wolqaafe la77a keydeta. Yaatin, ayis shaaketonna asada gididi ha wogatas haretetii?21He wogati, “Oykofa; laacofa; bochofa” geeteteysata.22Ha ubbay asa woganne timirte gidiya gisho ooso bolla pee7idaape guye dhayana.23Ha kiitati bonchonne cincatethi daanidi bentanaw danda7oosona. Ha wogati Xoosse daro dosisiyaba, ashkenne hinte asatethaa haarisiyaba daanosona, shin nu iita amotetha bolla entaw wolqi baawa.