Dawiti Amooneta Xoonuwa
1Hessafe guye, Amoone kawoy Na7oosi hayqin iya na7ay iya bessan kawotis.2Dawiti, “Iya aaway Na7oosi taw keehida gisho taani iya na7aa Hanunas keehana” yaagis. Hanuna aaway hayqida gisho Dawiti iya minthethanaw ase kiittis. Dawiti kiitida asati Hanuna minthethanaw Amoone gakida wode,3Amoone moorinnati Hanunako, “Dawiti ne aawa bonchidi nena minthethanaw ha asata kiittis gada na qopay? I ha asaa kiittiday ha katamaa wochidi, olanaasa” yaagidosona.4Hanuni Dawiti kiitida asata oykidi, enta buuchaa meedis; enta ma7uwa garsafe dulle gakanaw qanxidi enta yeddis.5Hessa gisho, asati daro yeellatidosona. Dawiti hessa si7idi, entara asi kiittidi, “Hinte buuchay diccana gakanaw Iyaarko kataman de7ite; hessafe guye haa yiite” yaagis.6Amooneti banta kushen Dawiti enta morkana mela oothidaysa erida wode Masephexoomeninne Sooren de7iya Ma7ikanne Suubba katamatape para gaaretanne parata garxanaw 34,000 kilo giraame bira santime yeddidosona.732,000 para gaareta, parata, Ma7ika kawanne iya olanchota miishen garxin yidi Medaban dunkaanidosona. Qassi Amooneti banta katamaape keyidi olas giigetidosona.8Dawiti hessa si7ida wode Iyo7aabanne olanchota yeddis.9Amooneti keyidi katamaa pengen olas salpidosona. Enta maaddanaw yida kawoti banta bessaa oykidi denban shiiqidosona.10Iyo7aabi oli sintharanne guyera teqidaysa be7ida wode Isra7eeleta giddofe mino olanchota dooridi, Soore olanchota sinthan salpisis.11Attida asaa ba ishaa Abisa aawatetha garsan wothis; enti Amooneta sinthan salpidosona.12Iyo7aabi ba ishaa Abisako, “Soore asati ta bolla wolqaamiko, neeni yada tana maadda. Amoone asati ne bolla wolqaamiko, taani yada nena maaddana.13Hiza minna! Nu asaa gishonne nu Xoossaa katamata gisho ane minnidi oletoos. Goday bana lo77iyaba ootho” yaagis.14Hessafe guye, Iyo7aabinne iyara de7iya asay Soore olanchotara oletanaw keyidosona. Yaatin, Soore asay iya sinthafe baqatidosona.15Soore asay baqatidaysa Amoone asay be7ida wode entika iya ishaa Abisaya sinthafe baqatidi katama gelidosona. Hessafe guye, Iyo7aabi Yerusalaame simmis.16Soore asay Isra7eele asay enta xoonidaysa erida wode ase kiittidi Efraxiisa shaafape hefinthara de7iya Soore asaa ehidosona. Toora moconay Adraazari, Shofaaki enta kaalethees.17Dawiti hessa si7ida wode Isra7eele olanchota shiishidi, Yordaanose shaafa pinnidi Soore asaara oletanaw enta sinthan salpidosona. Dawiti entara oletanaw salpin entika iyara oletidosona.18Soore asay Isra7eeleta sinthafe baqatidosona; Dawiti Soore asaape para gaare laagiya 7,000 asaanne 40,000 toho asaanne enta toora mocona Shoofaka wodhis.19Adraazara olanchoti Isra7eeletan xoonetidaysa erida wode Dawitara sigetidi, iyaw haaretidosona. Hessafe guye, Soore asay Amoone asaa maaddanaw dosibookona.