ማጫስዉነ ዳውያ
1ሄሳፈ ጉየ፥ ሳሎን ዎልቃማ ማላት በንትስ። አዋ ማአዳ፥ አጌና ቦላ ኤቃዳ፥ ታማነ ናምኡ ፆልንቶ ካላቻ ባ ሁጰን ዎዳ ደእያ፥ እስ ማጫስያ በንታሱ።2ሄ ማጫስያ ቃን፤ ሽን እዮ እቀ ኦይክን ኡንኤታዳ ዋሳሱ።3ቃስ ሀራ ማላት ሳሎን በንትስ። ላፑን ሁጰትነ ታሙ ካጨት ደእያ ግታ ዞኦ ዳወይ በንትስ። እ ባ ሁጰታ ቦላ ላፑን ካላቻ ዎስ።4ሄ ዳወይ ባ ጎይናን ፆልንቶታፐ ስኩዋ ሳሎፐ ዳፍድ ሳአን የግስ። ሄ ዳወይ ናአይ የለት ዎዳ መላ ምታናዉ ኮይድ፥ የላናዉ ኤቀትያ ማጫሰ ስንን ኤቅስ።5ሄ ማጫስያ ካዎተ ኡባ ብራታ ፃምአን ሃራናዉ ደእያ አደ ናአ የላሱ። ናአይ ፆሳኮነ እያ አራታኮ ፑደ ኤከትስ።6ማጫስያ 1,260 ጋላስ ጋካናዉ እዮ ናጋና መላ ፆሳይ እዉ ጊግስ ዎዳ በሳ መላ ቢታ ባቃታሱ።7ሳሎን ኦል መትስ። ምካኤል ባ ኪታንቾታራ ዳውያራ ኦለትስ፤ ዳወይ ባ ኪታንቾታራ ግድድ ዛር ኦለትስ።8ሽን ዳወይ ፆነትድ ሳሎን ኤንታዉ ደእያ በሲ ይዶሶና።9ግታ ዳወይ፥ በን ሾሻይ፥ ሳአን የገትስ። እካ ዳቡሎሳ ዎይኮ ፃላሄ ጌተትያ አላምያ ባለይሳ። እ ባ ኪታንቾታራ እስፈ ዱገ አላምያ የገትስ።10ሄሳፈ ጉየ፥ ሳሎን ሀይሳዳ ግያ ቃላ ስአስ።“ሀእ አቶተይ፥ ዎልቃይነ ካዎተይ፥ ኑ ፆሳሳ፤ማታይ ክርስቶሳስ ግድስ።ህዛ፥ ቃማነ ጋላስ ፆሳ ስንን፥ኑ እሻታ ሞተይስ ሳሎፐ ዱገ ሆለትስ።11ኤንቲ ዶርሳ ሱንነ ባንታ ማርካተ ቃላን፥እያ ኦልድ ፆንዶሶና።ኤንቲ ባንታ ሸምፑዋስ ምሸቶናባንታና ሀይቆስ አድ እምዶሶና።12ሄሳ ግሾ፥ ሳሎንነ እያ ግዶን ደኤይሳቶ ኡፋይትተ።ሽን ቢታነ አባ አየ!ህዛ፥ ፃላሄይ ባዉ ጉ ዎደይ አትዳይሳ ኤርዳ ግሾ፥ዎልቃማ ሀንቆን ህንተኮ ዎስ”ያግስ።13ቃስ ዳወይ ባና ሳአ የግዳይሳ በእዳ ዎደ አደ ናአ የልዳ ማጫስዉ ጎድስ።14ማጫስዉ ሾሻይ ቆሆና መላ ሄ ላይነ ባጋ ማሸነ ኡያሸ እያ ናገትያ በሲ መላ ቢታ ፕራዳ ባና መላ ናምኡ ዎልቃማ አርጋን ቀፈይ እዉ እመትስ።15ያትድ፥ ማጫስዉ ድኦይ ድእድ ኤፋና መላ ዳወይ ሻፋ ሃ መላ ባ ዶናፐ ማጫሰ ጉየራ ጮይስ።16ሽን ቢታይ ማጫስዉ ማድስ፤ ቢታይ ባ ዶና ዶይድ ዳውያ ዶናፐ ከይዳ ሃ ምትስ።17ሄ ዳወይ ማጫሰ ቦላ ዳሮ ሀንቀትድ፥ እ ኮቻታ፥ ፆሳ ኪታ ናገይሳታነ የሱሲ ቆንጭስዳ ቱማስ አማነትዳይሳታ ኦላናዉ ብድ።18አባ ጋፃን ደእያ ሻፍያን ኤቅስ።