ማዝሙረ ማፃፋ90gof_etw
መርናዉ ደእያ ፆሳ
ፆሳ አስ ግድዳ ሙሰ ዎሳ
1ጎዳዉ፥ ኔኒ የለታፐ የለታ ጋካናዉ፥ኑኒ ደእያ በሲ ግዳዳሳ።2ደረት መታናፐ ካሰ፥ሳእ ኦሰታናፐ ካሰ፥መርናፐ መርና ጋካናዉ ነ ፆሰ።3ኔኒ፥ “አሳ ናይቶ፥ ጉየ ቢታኮ ስምተ” ያጋዳ፥ኤንታ መትዳ ቢታኮ ጉየ ዛራሳ።4ሙኩሉ ላይ ዝነ አዳ ጋላሳ መላ፤ዎይኮ እስ ቃማ ግዶን እስ ሳተ መላ።5ኔኒ አሳ ቆፖና ድኦዳ ኤፋሳ፤ኤንቲ አሙሆ መላ፤ዎንታ ዎንታ ዶልያ ማታ መላ።6ማት ዎንታ ድጭድ ጭዬስ፤ኦማርስያ ዎደ ሹልድ መሌስ።7ኑኒ ነ ይሉዋን ዉርዳ፤ነ ሀንቁዋ ሱሎን ዳጋምዳ።8ኑ ኢታ ኦሱዋ ነ ስንን ዎዳሳ፤ኑ ጌምዳ ናጋራ ነ ሶምኡዋ ፖኡዋን ዎዳሳ።9ኑ ጋላሳ ኡባይ ነ ሀንቁዋን አስ፤ኑ ላይ ኦለን ዉርሶስ።10ኑ ደኦ ላይይ ላፑን ታማ፤ዎይኮ ዳርኮ ሆስፑን ታማ።ሄስካ መቶይነ ዋየይ ኩምዳይሳ፤ኑ ላይይ ኤሶን ዉሬስ፤ ኑካ ኤሶን አኦስ።11ነ ሀንቁዋ ዎልቃ ኤረይ ኦኔ?ነ ሀንቁዋ ሱሎይ ዎልቃማ።12ኑ ላይ ማራ ኦገን ኑ ጎኤታና መላ፥ኑና ጭንጫተ ታማርሳ።13ጎዳዉ፥ ነ ሀንቆይ አዉደ ጋካናሴ?ሀያና ነ አይለታስ ቃታ።14ኑ ላይ ኡባንኑ ኡፋይታናዳነ የፃናዳ፥ዎንታ ዎንታ ነ ሲቁዋ ኑና ካልሳ።15ነ ኑና መቶዳ ጋላሳታ ኬና፥ኑኒ ኡንኤትዳ ላይታ ኬና ኑና ኡፋይሳ።16ኑስ ነ አይለታስ ነ ኦሶይ ቆንጮ፤ነ ቦንቾይ ኤንታ ናይታስ በንቶ።17ጎዳ ኑ ፆሳ ኬሀተይ ኑ ቦላ ግዶ፤ኑ ኩሸ ኦሶ ኡባ ኑስ አይፍሳ፤ኤ፥ ኑ ኩሸ ኦሶ ኡባ አይፍሳ።