ማዝሙረ ማፃፋ66gof_etw
ነ ኦሶት ማላልሴስ
ዛማረታ ሀላቃስ የፀትያ ሳባ ማዝሙረ
1ቢታ ኡባይ ህንተ ቃላ ቁ ኦድ፥ኡፋይሳን ፆሳ ጋላትተ።2ፆሳ ሱንስ ቦንቾን የፅተ፤ቦንቾ ጋላታ እያዉ እምተ።3ፆሳስ ሀይሳዳ ያግተ፤“ነ ኦሶት ዋንድ ማላልሲ?ነ ዎልቃይ ዳርዳ ግሾ፥ነ ሞርከት ያሻን ነ ስንን ኮኮሮሶና።4ቢታ ኡባይ ነና ጎይኔስ፤ነና ሳቤስ፤ነ ሱንስ ጋላታን የፆሶና” ያግተ። ሳላሀ5ሃይተ፤ ፆሳይ ኦዳባ በእተ፤አሳ ግዶን ማላልስያ ኦሶ ኦስ።6እ አባ ሃ ሻክድ፥ካሰ ኑ አዋት ዮርዳኖሰ ሻፋ ባንታ ቶሆን የድ መላ ቢታራ ፕንዶሶና።ሄሳን እ ኦዳባን ኑኒ ኡፋይትዳ።7እ ባ ዎልቃን መርናዉ ሃሬስ።ካዎተታ ባ አይፈን ፄሌስ፤ሄሳ ግሾ፥ ማካለይሳት እያ ቦላ ደንዶፎ። ሳላሀ8አሳዉ፥ ኑ ፆሳ ጋላትተ፤ህንተ እያ ጋላትያ ጋላታይ ስኤቶ።9እ ኑና ፓፃ ዎስ፤ኑ ኩንዶና መላ ናግስ።10አቤት ፆሳዉ ነ ኑና ፓጫዳሳ፤ብር ታማን ፓጨትድ ጌየይሳዳነ ኑና ጌሻዳሳ።11ነ ኑና ፅሄን ገልሳዳሳ፤ኑ ዞኮን ዴፆ ቶሆ ዎዳሳ።12ሞርከት ኑ ሁጰራ ቶግድ አናዳ ኦዳሳ፤ኑ ሃ ግዶራነ ታማ ግዶራ አዳ፤ሽን ሀእ ኑና እንጀ በሲ ኤሀዳሳ።13ታ ፁሳ ያርሾ ኤካዳ ነ ኬ ገላና፥ታ ቃንገ ጋና።14ታ መቶትዳ ዎደ ታ ዶናይ ግዳ ቃላ፥ታ እንፃርሳፈ ከይዳ ቃንገ ጋና።15ታ ነዉ ሞዋ፥ ፁሳ ያርሾ ኦዳ ሺሻና።ማራዘታ ሳዎ ቶንኩ ግያ ያርሾ ኦዳ ሺሻና፤ኮርማነ ኮለታ ነዉ ያርሻና። ሳላሀ16ህንተኖ፥ ፆሳስ ያየይሳቶ፥ኡባይ ሃ ይድ፥ ስእተ፤ፆሳይ ታዉ ኦዳባ ታ ህንተዉ ኦዳና።17ታ ቃላ ቁ ኦዳ ዎሳስ፤ታ እንፃርሳን እያ ጋላታስ።18ታኒ ዎዛን ኤርሽን ናጋራ ገንዳባ ግድያኮ፥ጎዳይ ታና ስኤና።19ሽን ፆሳይ ቱማ ታና ስእስ፤ታ ኦይሻ ዛርስ።20ፆሳይ ታ ዎሳ እፅቦና ግሾ፥ባ መርና ሲቁዋታና ድግቦና ግሾ ጋላተቶ።