ማዝሙረ ማፃፋ56gof_etw
ፆሳ ቦላ ዘምፓ
ፍልስፄመ አሳይ ጌተ ካታማን ዳዊታ ኦይክዳ ዎደ ዳዊቲ ዛማረታ ሀላቃስ ፃፍዳ ዎሳ
“ሃሆ በሳን ዎላ ቦላ ኡትዳ ሆሌስ” ጌተትያ ዲ ጩን የፀትዳ ዎሳ
1አቤት ፆሳዉ፥ አሳይ ታና ኡንኤያ ግሾነኡባ ዎደ ታ ሞርከት ታና የደያ ግሾ ታዉ ቃታ።2ታ ሞርከት ኩመ ጋላስ ታና የኦሶና፤ኦቶሮን ታና ኦልያ አሳይ ዳሮ።3ታና ያሽያ ዎደታ ነናን አማነታይስ።4ታኒ ፆሳን አማነታይስ፤ ያይከ፤እያ ቃላ ጋላትያ ፆሳን አማነታይስ፤አስ ታና አይ ኦኔ?5ኩመ ጋላሳን ታ ሞርከት ባላ ኮዮሶና፤ታና ቆሀናዉ ኡባ ዎደ ቶቦሶና።6ኤንቲ ታ ቦላ ማቀቶሶና፤ታና ቆሀናዉ ጌዶሶና።ታ ታንጎ ኡባ ካሎሶና፤ታና ዎናዉ ኮዮሶና።7ኤንቲ አይ ኦገራካ ከስ ኤካና መላ ኦፋ፤ነ ሀንቁዋን ሄ ካዎተታ ካዉሻ።8ታ ዋይያ ታይባ፤ነ ታ አፉ ማካዳሳ፤ኤንቲ ነ ማዝጋብያን ደኦኮና?9ታ ነና ፄግያ ዎደ፥ታ ሞርከት ጉየ ስማና፤ፆሳይ ታ ባጋ ግደይሳ ታ ሄሳን ኤራይስ።10ታ እያ ቃላ ጋላትያ ፆሳን፥ታ እያ ቃላ ጋላትያ ጎዳን፥11ታ ሄ ፆሳን አማነታይስ፤ ያይከ።አስ ታና አይ ኦኔ?12አቤት ፆሳዉ ታ ነዉ ቃንግዳባይ ደኤስ፤ሄሳ ጋላታ ያርሾ ኦዳ ታ ነዉ እማና።13ደኦን ደኤይሳታ ቦላ ፖእያ ፖኡዋንፆሳ ስንን ስመረታና መላ፥ታ ሸምፑዋ ሀይቆፐ፥ታ ቶሁዋ በፐ አሻዳሳ።