ማዝሙረ ማፃፋ28gof_etw
ፆሳይ ታዉ ጎንዳለነ ዎልቃ
ዳዊታ ማዝሙረ
1አቤት ጎዳዉ፥ ታ ዛላዉ፥ታ ነና ፄጋይስ፤ነ ታዉ ስእ ጎፓ።ነ ስእ ጊኮ፥ታ ዱፎ ገልዳ አስ ግዳይስ።2ማደ ኮያዳ ታ ዋስያ ዎደ፤ኡባፈ ጌሻ ዱንካንያኮ፥ታ ኩሽያ ምጭያ ዎደ ታ ዎሳ ስአ።3ኢታ ኦያ ኢታ አሳታራ ታና ጋዳ ኦይኮፋ፤ኤንቲ ባንታ ዎዛናን ገነ ቆፕሸ፥ባንታ ዶናን ሳሮተ ሃሳዮሶና።4ኤንታ ኦሱዋዳ ኤንታ ሴራ፤ኤንታ ኢታተዳ ኤንታዉ ቃንፃ።ኤንታ ኩሸ ኦሱዋዳ ኤንታ ፕርዳ፤ኤንታዉ በሲያ ኢታ ኤንታዉ ዛራ።5ኤንቲ ጎዳ ኦሱዋነ እያ ኩሸ መዋስ፥በሰ እሞና ግሾ ጎዳይ ኤንታ ላላና፤ዛሪድ ኤንታ ኬፀና።6ታ ዎሳ ስእዳ ግሾጎዳይ ጋላተቶ።7ጎዳይ ታዉ ዎልቃነ ጎንዳለ፤ታ ዎዛናይ እያን አማነቴስ፤ታ እያን ማደታስ።ታ ዎዛናይ እያን ኡፋይቴስ፤ታ እያ ማዝሙረን ሳባና።8ጎዳይ ባ አሳስ ዎልቃ፤ባ ዶርድ ካዋ አሽያ ሚፃ።9ጎዳዉ፥ ነ አሳ አሻ፤ነባ ግድዳይሳታ አንጃ።ኤንታ ሄመይ ነና ግዳ፤ኤንታ መርናዉ ቶካ።