ላይማ ማጫሳፐ ናገታ
1ታ ናአዉ፥ ታ ቃላ ናጋ፤ታ ኪታ ነ ዎዛናን ዎ።2ደኦን ዳናዉ ታ ኪታ ኦ፤ታ ትምርትያ ነ አይፈ ናኤዳ ናጋ።3ነ ኩሸን ኤንታ ቃቻ፤ነ ዎዛናን ኤንታ ፃፋ።4ጭንጫተ ነ ምችዳ፥አኬካ ነ ማታ ዳቦዳ ፄላ።5ኤንቲ ነና ላይማ ማጫሳፐነባ ቃላን ጭምያ ሀራ ማጫሳፐ ናጋና።6እስ ጋላስ ታ ማስኮተራ ካረ ፄላስ።7ኤራተ ፓጭዳ ናአተታ በአስ፤ኤንታ ግዶፈ እሶይ ዳሮ ኤያ።8ሄ ናአተይ ኦገራ ብሸ፥እስ ላይማ ማጫሰ ኬ ማታራ አስ፤እ ሶ ኤፍያ ኦግያ ስሚድ እ ሶኮ ብስ።9ሄ ዎደ ሳእ ላዴስ።10ማጫስያ እያ ደማሱ፤እያ ላይማ ግደይሳ እ ማኦይ ኤርሴስ፤እያ አሳ ጭማናዉ ሀልቻዳ ከያሱ።11እያ ፃልታማነ ዬል ባይና ማጫስ፤ሶን ዎፑ ጋዳ ኡቱኩ።12እያ እስ ቶሆ ኦገን፥ እስ ቶሆ ግያን፥እስ ቶሆ ዳባባን ኤቃዳ ናጋዉሱ።13እያ ሄ ናአተ ቆማዳ ዬራሱ፤እያ ትሽ ኦዳ ፄላሸ ሀይሳዳ ያጋሱ፤14“ታኒ ታ ያርሹዋ ያርሻዳ፥ታ ቃንገ ሀች ጋስ።15ያታዳ ነና ሞካናዉ ከያስ፤ነና ዳሮ ኮያስ፤ ህዛ ነና ደማስ።16ታኒ ግብፀፈ ይዳ፥አሌቀትዳ አፍላ ሂፃስ።17ታኒ ታ ሂፃ፥ካርበፈ፥ አልሙነፐነ ቃራፋፐ፥ኦሰትዳ ሽቱዋ ፑካስ።18ሃያ፤ ዎንታና ጋካናዉ ሲቆ አሎስ፤ቆመትድ ኡፋይቶስ።19ታ አዝናይ ሶን ዴና፤ሃሆ ቢታ ብስ።20ሚሸ ካርፂታ ኩንድ ብዳ ግሾ፥አጌና ኩሞና ሶ ስመና” ያጋሱ።21ባ ማልኦ ኦዳን እያ ባለሱ፤ባ ሊቆ እንፃርሳን እያ ጭማሱ።22ቦር ሹከታናዉ በይሳዳ፥ጋር ኤሶትድ ፅሄን ገለይሳዳ፥እ እዮ ካልድ ብስ።23ቶር እያ ዎዛና ጫድዳዳ ሀንስ፤ግተ ግዶ ገልዳ ካፎ ዳንስ፤ሄስ ኡባይ እያ ሸምፑዋ ይሳናዉ ሀነይሳ ኤርቤና።24ህዛ ታ ናአዉ፥ ታና ስአ፤ታ ዶናፐ ከይያ ቃላ ሀይዛ።25ነ ዎዛናይ ማጫሳ ጌዶ ቦፖ፤እ ኦግያን ገላዳ ዮፓ።26እያ ጫዳ የግዳይሳት ዳሮ፤እያ ዎዳይሳት ጉ ግዶኮና።27እ ሶይ ዱፎኮ ኤፍያ ኦገ፤ሀይቆኮ ካለያ ሆሮጋ።