NAM2gof_etw
ናናወ ኩንደ
1ነኖ፥ ናናወ፥ መንረይስ ከይስ! ሄሳ ግሾ፥ ነ ሚፃ ናጋ፤ ነ ኦግያ ዎቻ፤ ነ ዳንጩዋ ምን፤ ነና ጊግሳ።2ቦንቀይሳት ቦንቅድ፥ ኤንታ ዎይንያ ይስኮካ፥ ጎዳይ እስራኤለ ቦንቹዋ ዛርዳይሳዳ ያይቆባ ቦንቹዋ ዛራና።3ኦላንቾት ዞኦ ጎንዳለ ኦይክዶሶና፤ ዞኦ ማኦ ማእዶሶና። ኤንቲ ኦላስ ጊግያ ዎደ ፓራ ጋረት ቅንኣሮሶና፤ ኤንቲ ባንታ ቶራ ሉፆሶና።4ፓራ ጋረት ኦግያን አዳርሶሶና፤ ኤንቲ ያነ ሃነ ሄመትሸ ካታማ ኦግያን ዩዮሶና። ቃስ ኤንቲ ላጮይ ሎጩ ግያ ፆምፐ ዳኖሶና፤ ዎልአንዳ ኤለሶሶና።5ናናወይ ባ ሀላቃታ ፄግድ ሺሻና፥ ሽን ኤንቲ ይሸ ኦገ ቦላ በታና። ኤንቲ ካታማ ግምበ ድርሳኮ ኤለሳና፥ ሞርከታ ቆሁዋፐ ኤንታ ናግያ ጎንዳለይ ጊግስ።6ሻፋ ባጋራ ደእያ ካታማ ድርሳ ፐንገት ዶየትዶሶና፤ ካዎ ጋይ ዳጋምስ።7ካውያ ድኤታዳ ባሱ፤ እ ማጫ አይለት አዛንድ ሆለዳ ጉጉማና፤ ባንታ ትራ ባቅሸ ዬካና።8ተቀትዳ ሃ ዶይ በስን ጎገይሳዳ ናናወ አሳይ ካታማፐ ባቃታና። አስ ኤንታ ባ ቃላ ቁ ኦድ፥ “ኤቅተ! ኤቅተ!” ያግድ ፄጋና፥ ሽን ኦንካ ጉየ ፄለና።9ሄ ካታማ ሻሉዋስነ፥ እያን ምንጀትዳ ቦንቾ ሚሽያስ ታይቦይ ባዋ። ሄሳ ግሾ፥ ሄ ብራነ ዎርቃ ቦንቅተ!10ናናወይ ባይሳ ግድስ፤ ካይሳትድ፥ ባዞ ግድስ! አሳ ዎዛናይ ያሻን ትልእስ፤ ጋደይ ኮኮርስ፤ ፄሳይ ፃፀትስ፤ ሶምኦይ ቡላትስ!11ጋሞት አቅያ በሳይ፥ ዎዳላ ጋሞት ደእያ በሳይ፥ አደይነ ማጫ ጋሞት ባንታ ማራታራ ያሽ ባይና ጉፕያ በሲ ዳንያ ናናወ ካታማይ ሀእ አዉን ደኢ?12ጋሞይ ባ ማራታስ ግድያባ ኦይክስ፤ ባራ ደእያ ማጫ ጋመስ መንረድ እሚስ። ባ ጎንጎሉዋ ዎን፥ ባ ኦላ አሾን ኩንስ።13ኡባፈ ዎልቃማ ጎዳይ፥ “ሄኮ፥ ታኒ ነ ቦላ ደንዳስ! ታኒ ነ ፓራ ጋረታ ታማን ፁጋና፤ ነ ዎዳላ ጋሞታ ማሽ ማና። ኔኒ ሀራታፐ ኤክዳባ ታኒ ኔፐ ዎስሳና፤ ነ ኪታንቾታ ቃላይ ህዛፐ ስኤተና” ያጌስ።No translations available.