ሉቃሳ ዎንገላ3gof_etw
ፃማቅያ ዮሃንስ ኦገ ፕቴስ
1ካዎይ ፅባርዮስ ሮመ ቢታን ካዎትን፥ ታማነ እቻሻን ላይን፥ ጰንፀ ጵላፆስ ይሁዳ ሃርያ ዎደ፥ ሄሮዲስ ጋልላ ሃርያ ዎደ፥ እያ እሻ ፍልጶስ እፁርያሳነ ፅራኮንዶሳ ሃርያ ዎደ፥ ልሳንዮስ አብላንሳ ሃርያ ዎደ፥2ሃናራነ ቃያፋራ ካህነ ሀላቃ ግድ ደእሽን፥ ፆሳ ቃላይ ዛካርያሳ ናኣ ዮሃንሳኮ መላ ቢታ ይስ።3ዮሃንስ፥ “ህንተ ናጋራፐ ስምተነ ፃማቀትተ። ፆሳይ ህንተ ናጋራ አቶ ጋና” ያግድ ታማርስሸ ዮርዳኖሰ ሻፋ ሄራን ደእያ ቢታ ኡባ ብስ።4ሄስካ ናበይ እሳያስ ባ ማፃፋን፥“መላ ቢታን ባ ቃላ ቁ ኦድ፥ዋስያ ኡራ ቃላይ፥‘ጎዳ ኦግያ ጊግስተ፥ሆሮጋካ ፕድ ኦተ።5አፎ ኡባይ ኩማና፥ዙማይነ ደረይ ዝቅ ጋና።ዎበ ኦገይ ሉላና፥ጊጎና ሆሮጋይ ቅንፅ ጋና።6አሾ ማእዳ ኡባይ፥ፆሳ አሹዋ በአና’ ”ግድ ፃፍዳይሳዳ ሀንስ።7ዮሃንስ፥ ባ ኩሸን ፃማቀታናዉ ይዳ አሳኮ፥ “ህንተኖ፥ ሾሻ ናይቶ ያናዉ ደእያ ሀንቁዋፈ አታና መላ ህንተና ዞርዳይ ኦኔ?8ህዛ፥ ህንተ ስሙዋ ቆንጭስያ ሎኦ ኦሶ ኦተ፥ ህንተ ዎዛናን፥ ‘ኑስ፥ ኑ አዋይ አብራሃመይ ደኤስ ግድ ጬቀቶፍተ።’ ሃ ስእተ፥ ሀ ሹቻታፐ ፆሳይ አብራሃመስ ናአ ከሳናዉ ዳንዳኤስ።9ሄኮ፥ ቤፀይ ም ፃጶን ደኤስ። ህዛ፥ ሎኦ አይፈ አይፎና ም ኡባይ ቃንፀትድ ታማን የገታና” ያግስ።10አሳይ፥ “ያትን ኑኒ አይ ኦኖ?” ያግድ ኦይችዶሶና።11ዮሃንስ ዛሪድ፥ “ናምኡ አፍል ደእያ አስ ባይናይሳስ እሞ። ካ ደኤይስ ባይናይሳስ እሞ” ያግስ።12ቃራፃ ቃንፅሰይሳት ፃማቀታናዉ ይድ፥ “አስታማርያዉ፥ ኑኒ አይ ኦኖ?” ያግዶሶና።13እ ዛሪድ፥ “ህንተ ቃንፅሳናዉ ኪተቶይሳፈ አድ ኤኮፍተ” ያግስ።14ቃስ ዎታዳረት ይድ፥ “ኑኒ አይ ኦኖ” ያግድ ኦይችዶሶና። ዮሃንስ፥ “ኦደባካ ዎልቃን ዳፍድ ኤኮፍተ፥ ኦናካ ዎርዶን ሞቶፕተ፥ ህንተ ዳሞዘይ ህንተዉ ግዶ፤ ኡፋይትድ ደእተ” ያግስ።15አሳይ ክርስቶሳ ናግሸ ደእያ ግሾ፥ ዮሃንሳ፥ “እ ክርስቶሳ ግዳንደሻ?” ግድ ቆፕዶሶና።16ዮሃንስ ኡባስ ዛሪድ፥ “ታኒ ህንተና ሃን ፃማቃይስ፥ ሽን ታፐ አድ ዎልቃመይስ ያና። ታኒ እያ ጫማ ዎዶሩዋ ብላናዉ በሶና አስ። እ ህንተና ጌሻ አያናንነ ታማን ፃማቃና።17ዉዱማን ደእያ ካ ፖሎ ጌሻናዉ ፕይ እያ ኩሸን ደኤስ። ጌሻ ካ ባ ሻልያን ቆላና፤ ካልያ ዮና ታማን ፁጋና” ያግስ።18ቃስ ዮሃንስ አሳ ዳሮ ዞረ ዞርድ ዎንገላኦድስ።19ሽን ዮሃንስ ሄሮዲስ ባ እሻ ማችዉ፥ ሄሮድያዳ፥ ኤክዳ ግሾነ ሀራ ኢታ ኦሶታ ግሾ ሃንቄትዳ ዎደ፥20ሄሮዲስ ካሰይሳ ቦላ ሀራባ ኡባ ጉጅድ ዮሃንሳ ዎይነ ገልስስ።የሱሳ ፃማቀተ
21ዮሃንስ ቃሸታናፐ ስን አሳ ኡባ ፃማቅድ ስምን፥ ቃስ የሱሲካ ፃማቀትስ። እ ዎስሽን ሳሎይ ዶየትስ።22ጌሻ አያናይ ሆለዳ በንትሸ እያ ቦላ ኡትስ። ሳሎፐ “ታኒ ዶስያ ናአይ ነና፤ ነ ታና ኡፋይሳሳ” ግያ ቃላይ ይስ።23የሱሲ ታማርሶ ኦይክያ ዎደ እያዉ ሀስታሙ ላይ ግድሽን፥ አሳይ እያ ዮሰፋ ናአ ግድ ቆፕስ።ዮሰፍ ኤለ ናአ፥24ኤለይ ማታ ናአ፥ማት ሌወ ናአ፥ ሌወይ ማልካ ናአ፥ማልክ ዮና ናአ፥ ዮን ዮሰፋ ናአ፥25ዮሰፍ ማታታ ናአ፥ ማታት አሞፀ ናአ፥አሞፀይ ናሆመ ናአ፥ ናሆመይ አስሊመ ናአ፥አስሊመይ ናገ ናአ፥26ናገይ ማኣተ ናአ፥ማኣተይ ማታታ ናአ፥ ማታት ሳማየ ናአ፥27ሳማየይ ይሁዳ ናአ፥ ይሁድ ዮናና ናአ፥ ዮናነይ ራሰ ናአ፥ራሰይ ዛሩባበላ ናአ፥ ዛሩባበል ሳላትያላ ናአ፥ሳላትያል ኔራ ናአ፥28
ኔር ማልካ ናአ፥ማልክ ሀደ ናአ፥ ሀድ ቆሳማ ናአ፥ቆሳም ኤልሞዳና ናአ፥ ኤልሞዳን ኤራ ናአ፥29ኤር ዮሰአ ናአ፥ ዮሰእ አላዛራ ናአ፥አላዛር ዮራመ ናአ፥ ዮራመይ ማታ ናአ፥ማታ ሌወ ናአ፥30
ሌወይ ስሞና ናአ፥ስሞን ይሁዳ ናአ፥ ይሁድ ዮሰፋ ናአ፥ዮሰፍ ዮናና ናአ፥ ዮናነይ ኤልያቄመ ናአ፥31ኤልያቄም ማልያ ናአ፥ ማልይ ማይናነ ናአ፥ማይናነይ ማታ ናአ፥ ማት ናታና ናአ፥ናታን ዳዊታ ናአ፥32
ዳዊቲ እሰየ ናአ፥እሰየይ እዮቤዳ ናአ፥ እዮቤድ ቦኤዛ ናአ፥ቦኤዝ ሳልሞና ናአ፥ ሳልሞና ናአሶና ናአ፥33ናአሶን አምናዳበ ናአ፥ አምናዳበይ ራመ ናአ፥ ራመይ አርነ ናአ፥አርነይ አስሮመ ናአ፥34
አስሮመይ ፋረሳ ናአ፥ፋረስ ይሁዳ ናአ፥ይሁድ ያይቆባ ናአ፥ያይቆብ ይሳቃ ናአ፥ ይሳቅ አብራሃመ ናአ፥አብራሃመይ ታራ ናአ፥35
ታር ናኮራ ናአ፥ናኮረይ ሳሩጋ ናአ፥ ሳሩግ ረሁ ናአ፥ረሁይ ፋለቃ ናአ፥ ፋለቅ ኤቤራ ናአ፥ኤቤሮይ ሴላ ናአ፥36
ሴል ቃይናማ ናአ፥ቃይናም አርፋክሳደ ናአ፥ አርፋክሳድ ሴማ ናአ፥ሴም ኖሄ ናአ፥ ኖሄይ ላመሀ ናአ፥37ላመህ ማቱሳላ ናአ፥ ማቱሳል ሄኖከ ናአ፥ሄኖከይ ያረዳ ናአ፥ ያረድ ማላልኤላ ናአ፥ማላልኤል ቃይናና ናአ፥38
ቃይናን ሄኖሳ ናአ፥ሄኖስ ሴታ ናአ፥ ሴት አዳመ ናአ፥አዳመይ ፆሳ ናአ።