ሀራ ካዎተት ፕርደታና
1“ሄ ጋላሳንነ ሄ ዎድያንታኒ ይሁዳነ የሩሳላመ አሳድኤተፈ ዛራዳ አንጃና።2ታኒ ካዎተታን ደእያ አሳ ሺሻዳ፥ዮሳፈፃ ዛንጋራ ዎሳና።ታ አሳ እስራኤለ ቦላ ኤንቲ ኦዳ ኢታ ኦሱዋ ግሾ፥ታኒ ኤንታ ያን ፕርዳና።ኤንቲ ካዎተታ ግዶን ታ አሳ ላልዶሶና፤ታ ቢታ ባንታዉ ሻክ ኤክዶሶና።3ታ አሳ ቦላ ሳማ የግዶሶና፤ላይማትያ ማጫስ ደማናዉ፥ አደ ናይታ እምዶሶና፤ዎይነ ኡሻስ ማጫ ናይታ ባይዝዶሶና።4“ህንተኖ፥ ፅሮሳ፥ ስዶናነ ፍልስፄመ ቢታ አሳቶ፥ ህንተ ታ ቦላ አይ ኦናዉ ቆፕደቲ? ታ ቦላ ሀሎ ከያናዉ ኮዬቲ? ህንተ ሄሳ ኮይኮ፥ ታኒ ኤለሳዳ ህንተ ኦሱዋ ህንተ ቦላ ዛራና።5ታ ብራ፥ ታ ዎርቃነ ታ አልኦ ሚሽያ ኡባ ኤክድ ህንተ ኤቃ ኬ ገልስደታ።6ይሁዳነ የሩሳላመ አሳ ኤንታ ቢታፈ ሃስ ኤፍድ፥ ግርከ አሳስ ባይዝደታ።7ሄኮ፥ ህንተ ባይዝዳ በሳፈ ታኒ ሀእ ኤንታ ከሳዳ ህንተ ኦዳባ ኡባ ህንተ ሁጰን ዛራና።8ታኒ ህንተ አደ ናይታነ ህንተ ማጫ ናይታ ይሁዳ አሳስ አ እማና። ኤንቲ ሃሆ ቢታን ደእያ ሳባ አሳስ ኤንታ ባይዛና። ታኒ ጎዳይ ሀይሳ ኦዳስ።9“ሀይሳዳ ያግድ ካዎተታ ግዶን አዋጅተ፤ኦላስ ጊግተ፤ ምኖ አሳታ ደንተ፥ኦላንቾት ሺቅድ ኦላስ ከዮ።10ህንተ ማራሻ ማሸ፥ህንተ ባጫ ቶራ ኦድ ቆፅተ!ዳቡራንቾይ፥ ‘ታኒ ምኖ!’ ያጎ።11ህንተኖ፥ ዩሹዋን ደእያ ካዎተቶ፥ኤለ ከይተ፤ ሃ ሺቅተ” ያግተ።አቤት ጎዳዉ፥ ነ ኦላንቾታ ዱገ የዳ!12“ካዎተት ደንድድ፥ዮሳፈፃ ዛንጋራ ዮ፤እስራኤለ ዩሹዋን ደእያ ካዎተታ፥ኡባ ቦላ ፕርዳናዉ ታኒ ያን ኡታና።13ኤንታ ኢታተይ ዳሮ፤ጫካ ዎደይ ጋክዳ ካዳ ኤንታ ጫክተ።ዎይነ አይፈይ ኦላን ኩምን የይሳዳ፥ኤንታ የተ።14ፕርዳ ዛንጋራን ጎዳይ ፕርድያ ጋላሳይ ጋክስ፤ሄሳ ግሾ፥ ታይቦን ዳሮ አሳይ ሄ ዛንጋራን ሺቅስ።15ሄ ጋላስ አውነ አጌን ማና፤ፆልንቶት ባንታ ፖኡዋ ድጋና።16ጎዳይ ፅዮነን ግድድ ደቻና፤የሩሳላመን ባ ቃላ ስሳና፤ሳሎይነ ሳእ ኮኮራና።ሽን ጎዳይ ባ አሳስ፥እስራኤለስ ባቃትድ አትያ በሲ ግዳና።”ፆሳ ደረይ አንጀታና
17“ሄ ዎደ ህንተ፥ ታኒ ታ ጌሻ ዙማ ቦላ፥ፅዮነን ደእያ ጎዳ ህንተ ፆሳ ግደይሳ ኤራና።የሩሳላመ ካታማይ ጌሽ ግዳና፤አላጋት ዛሪድ የሩሳላመ ኦሎኮና።18ሄ ጋላስ ደረት ማልአንቶ ዎይነ ኡሻን ፆካና፤ዙማት ማ ጎጋና።ይሁዳ ቢታን ደእያ ሻፋ ኡባንሃ ፑልታና።ጎዳ ኬን ፑልቶይ ቃና፤ሴፅማ ዛንጋራ ኡሻና።19“ግብፀይ ባይሳ ግዳና፤ኤዶመይ ቦድላ ባዞ ግዳና።ኤንቲ ይሁዳ አሳ ቦላ ኢታባ ኦዶሶና፤ፅሎ አሳ ሱ ጉስዶሶና።20ሽን ይሁድነ የሩሳላመይ መርናዉ፥የለታ ኡባስ ደእያ በሲ ግዳና።21ታኒ ሀሎ ከዮና አግዳ ኤንታ ሱሃሉዋ ቡሮ ከያና” ያጌስ ጎዳይ።