Read እዮባ ማፃፋ 42

እዮባ ማፃፋ42gof_etw

እዮባ

¹ሄሳፈ ጉየ፥ እዮብ ጎዳኮ ሀይሳዳ ያግድ ዛርስ፤²“ነ ኡባባ ኦናዉ ዳንዳኤይሳነነ ቆፋ ተቃናዉ ዳንዳኤይ ባይናይሳ ታኒ ኤራስ።³ነ፥ ‘ኤር ባይና ታ ዞርያ ቆሰይ ኦኔ?’ ያጋዳ ታና ኦይቻዳሳ፤ቱማ ታኒ ታዉ ገልቦናባ፥ታ ኤራፐ ቦላ ግድዳ ማላልስያባ ኦደታስ።

⁴“ኔኒ ታኮ፥ ‘ታኒ ኦድያ ዎደ ሀይዛ፤ታኒ ኦይችያ ዎደ ዛራ’ ያጋዳሳ።⁵ታኒ ካሰ ነባ ሀይን ስአስ፤ሽን ሀእ ታ ነና አይፈን በአስ።⁶ሄሳ ግሾ፥ ታ ኦዳን የላታዳ፥ብዶ ቦላነ ባና ቦላ ኡታዳ ፓፃይስ” ያግስ።

ኩሻ ሃሳያ

⁷ጎዳይ ሄሳ እዮባስ ኦድዳፐ ጉየ፥ ተማናፐ ይዳ ኤልፋዛኮ ሀይሳዳ ያግስ። “ታ አይልያ እዮባዳ ህንተ ታባ ልከ ኦደትቦና ግሾ፥ ነ ቦላነ ነ ናምኡ ላገታ ቦላ ታ ሀንቆይ ኤፅስ።⁸ሄሳ ግሾ፥ ሀእ ላፑን ኮርማታነ ላፑን ማራዘታ ኤክድ ታ አይልያ እዮባኮ ብድ፥ ፁሳ ያርሾ ህንተ ባላስ ያርሽተ። ታ አይልያ እዮብ ህንተዉ ዎሳና፤ ታኒ እያ ዎሳ ስአዳ ህንተ ሀኑዋ መላ ህንተና ሴርከ። ህንተ ታ አይልያ እዮባዳ ታባ ልከ ኦድበከታ” ያግስ።⁹ሄሳፈ ጉየ፥ ተማናፐ ይዳ ኤልፋዝ፥ ሹሀፐ ይዳ በልዳዶስነ ናእማፐ ይዳ ሶፋር ብድ፥ ጎዳይ ኤንታ ኪትዳይሳዳ ኦዶሶና። ጎዳይ እዮባ ዎሳ ስእስ።

እዮብ ዳኮ ዎይተትስ

¹⁰እዮብ ባ ላገታስ ዎስዳፐ ጉየ፥ ጎዳይ እያ ዛሪድ ዱረይስ፤ እያዉ ካሰይሳ ግሾ ናምኡ ኩሸ እሚስ።¹¹ሄሳፈ ጉየ፥ እያ እሻት፥ እያ ምቸትነ ካሰ እያ ኤረይሳት ኡባይ እያኮ ይድ፥ እያ ሶን እያራ ግብራ ምዶሶና። እያዉ አዛንዶሶና፤ ጎዳይ እያ ቦላ ኤህዳ መቶ ኡባን እያ ምንዶሶና፤ ቃስ እያዉ ብራነ ዎርቃ ሳጋዮ እምዶሶና።¹²ጎዳይ እዮባ ዉርሰ ላይ ኮይሮ ላይፈ አድ አንጅስ። እዮባስ ታማነ ኦይዱ ሙኩሉ ዶርሳት፥ ኡሱፑን ሙኩሉ ግማለት፥ እስ ሙኩሉ ዋፃ ቦራትነ እስ ሙኩሉ ማጫ ሀረት ደኦሶና።¹³ቃስ እያዉ ላፑን አደ ናይታነ ሄ ማጫ ናይት የለትዶሶና።¹⁴ባይራ ማጫ ናእዉ ይምሞ፥ ናምአንዉ ቃፅኦ፥ ሄንዉ ቀረንሀፉኮ ያግድ ሱንስ።¹⁵እዮባ ማጫ ናይታዳ ማላ ሎኦ ማጫ ናእ አዉ ቢታን በንትቤና። ኤንታ አዋ ኤንታዉ ኤንታ እሻታራ ላታ ቢታ እሚስ።¹⁶ሄሳፈ ስምን፥ እዮብ ፄታነ ኦይታሙ ላይ ደእስ። ባ ናይታነ ባ ናይታ ናይታ ኦይዳን የለተ ጋካናዉ በእስ።¹⁷እዮብ ዳሮ ዎደ ደእድ፥ ሎኦ ጭማ ጭምድ ሀይቅስ።

እዮባ ማፃፋ 42 / gof_etw

እዮባ

ኩሻ ሃሳያ

እዮብ ዳኮ ዎይተትስ

እዮባ ማፃፋ42gof_etw