Read እዮባ ማፃፋ 32

እዮባ ማፃፋ32gof_etw

ኤልሁ ሃሳያ

¹እዮብ፥ “ታኒ ፅሎ አስ” ግዳ ግሾ፥ ሀ ሄ አሳት እያዉ ዛሮ እሞ አጋግዶሶና።²እዮብ ፆሳፈ አድ ባና ፅሎ ኦዳ ግሾ፥ ራማ ያራፐ ግድዳ ቡዛ ቢታፈ ይዳ ባርከላ ናአይ ኤልሁይ እዮባ ቦላ ሀንቀትስ።³ኤንቲ እያ ጮ ባላ ግድ ፕርድድ፥ እያዉ በሲያ ዛሮ እማናዉ ዳንዳእቦና ግሾ ኤልሁይ ሀ ሄ ላገታ ቦላካ ሀንቀትስ።⁴ኤልሁይ ኤንታፈ ካሎትያ ግሾ ኤንቲ ኡባይ ሃሳያ ዉርሳና ጋካናዉ ናግስ።⁵ሀ ሄ አሳት እዮባስ በሲያ ዛሮ እማናዉ ዳንዳእቦናይሳ በእድ እ ዳሮ ይሎትስ።⁶ቡዛ ቢታፈ ይዳ ባርከላ ናአይ ኤልሁይ ሀይሳዳ ያግድ ሃሳያ ዶምስ።“ታኒ ህንተፈ ናአታይስ፤ህንተ ታፐ ባይራተታ፤ሄሳ ግሾ፥ ታኒ ታ ቆፋ ህንተዉ ኦዳናዉ ያያስ።⁷ታኒ፥ ‘ጭማት ኦደቶ፤ባንታ ዳሮ ላይን ደምዳ ጭንጫተ ታማርሶና’ ” ጋዳ ቆፓስ።⁸ሽን አሳ ግዶን አቅድ ጭንጫተ እመይ፥ኡባ ዳንዳእያ ፆሳ አያና።⁹አሰ ጭንጫ ኦይ ጭማተ ግደና፥ዎይኮ አሳስ አኬካ እመይ ላይ ዳሮተ ግደና።¹⁰ሄሳ ግሾ፥ ስእተ፤ታካ ታ ቆፋ ህንተዉ ኦዳና።¹¹ህንተ ሃሳያ ዎደ፥ታኒ ስእ ጋዳ ሀይዛስ፤ህንተ ኦዳና ቃላ ኮይሽን ናጋስ።¹²ህንተ ገይሳ ኡባ ዉርሳዳ ስአስ፤ሽን ህንተፈ ኦንካ እዮባ ባላ ግድ አማንበና፤ህንተፈ ኦንካ እያ ፓላማስ በሲያ ዛሮ እምቤና።¹³እዮባ ኦዳስ ካልስያ ዛሮ እማናዉ ዳንዳኤይ፥ፆሰፈ አትሽን፥ አሰ ግዶና ግሾ፥ህንተ፥ “ኑስ ጭንጫተ ደኤስ” ጎፕተ።¹⁴እዮብ ፓላምዳይ ታራ ግዶናሽን ህንተራ፤ታኒ ህንተ ኦዳዳ እያዉ ዛሮ እምከ።

¹⁵ኤንቲ ዳጋምድ፥ጋናባ ይዳ ግሾ፥ዛሮ እማናዉ ዳንዳእቦኮና።¹⁶ያትን ኤንቲ ኦደትያባ ይድ ስእ ግድ ኤቅኮ፥ታኒ ናጋናዉ ኮሺ?¹⁷ግደና፥ ታኒ ኦድያባይ ደኤስ፤ታካ ታ ቆፋ ቆንጭሳና።¹⁸ታ ኦዳናባይ ዳሮይ ደእያ ግሾ፥ታ ግዶን ደእያ አያናይ ታና ኦዳ ግድ ሱጌስ።¹⁹ታ ጋይ ጎዘትዳ ማናጨዳ፥ዎይኮ ማልአንቶ ዎይነ ኡሽ ኩምዳ ኦጎሮዳቃና ሀኔስ።²⁰ታ ኦዳዳ ከሳናዉ በሴስ፤ታ ዶና ዶያዳ ዛሮ እማናዉ ኮሼስ።²¹ሀ ኦዳን ታኒ ኦናካ ማድከ፥ዎይኮ ኦናካ ጮ ሳቢከ።²²አሰ ጮ ሳቢያባይ ታዉ ኤረተና፤ታ ሄሳ ኦያኮ ታና መዳይስ ፕርዳናሽን።

እዮባ ማፃፋ 32 / gof_etw

ኤልሁ ሃሳያ

እዮባ ማፃፋ32gof_etw