Read እዮባ ማፃፋ 23

እዮባ ማፃፋ23gof_etw

እዮባ ሃሳያ

¹እዮብ ሀይሳዳ ያግድ ዛርስ፤²ሀችካ ታ ጫመታዳ ዙዙማይስ፤ታ ኦለይ ምኖ ግድኮካእያ ኩሸይ ታ ቦላ ዴፀይሳ አግቤና።³እያ ደማና በሳ ታ ኤርዳ ግዳርክና፤እ ደእያ በሳ ታ ጋካርክና!⁴ታኒ ታ መቱዋ እያ ስንን ዎናሽን!ታ ዶና ሞቶን ኩንናሽን!⁵እ ታዉ ዛራናይ አይበኮ ኤራናሽን፥እ አይ ግያኮ በአናሽን!⁶እ ባ ግታ ዎልቃን ታራ ኤቀታነሻ?አካይ፥ እ ታና ስአና።⁷ያን ሱረ አስ እያራ ሞተታናዉ ዳንዳኤስ፤ታ ዳይናይ ታና መርናዉ ሻትንና።

⁸ሽን ታኒ ዶሎሀ ቢኮ እ ያን ዴና፤ታኒ ዉሎሀ ቢኮ እያ ያን ደምከ።⁹እ ፑደሀን ኦያ ዎደ ታኒ እያ በእከ፤ዱገሀ ባጋ ስምያ ዎደ ታኒ እያ ደምከ።¹⁰ሽን እ ታ ታንጉዋ ኡባ ኤሬስ፤እ ታና ፓጭያ ዎደ ታኒ ዎርቃዳ ጌያዳ ከያና።¹¹ታ ቶሆይ እያ ታንጉዋ ካልድ ቤስ፤እያ ኦግያፐ ሀድርስ ኡሻች ስማብከ።¹²እያ ዶናፐ ከይያ ኪታፐ ታኒ ሻከታብከ፤እያ ቃላ ታ ዎዛናን ዎስ።

¹³ፆሳይ ላመተና፤እያራ ኤቀታናይ ባዋ፥እ ኮይዳባ ኦስ።¹⁴እ ታ ቦላ ቆፕዳይሳ ፖልስ፤ሄሳ መላ ሀራ ዳሮ ሀልቾት እያዉ ደኦሶና።¹⁵ሄሳ ግሾ፥ እያ ስንን ኤቃናዉ ዳሮ ያሼስ፤ሄሳ ኡባ ቆፕያ ዎደ ኮኮራይስ።¹⁶ፆሳይ ታ ዎዛናይ ዶጫና መላ ኦስ፤ኡባ ዳንዳእያ ፆሳይ ታና ዳጋንስ።¹⁷ሳካና ማይ ታ ሶምኡዋ ጎዝኮካ፥ታና ሄ ማይ ሃሳያ ድግቤና።

እዮባ ማፃፋ 23 / gof_etw

እዮባ ሃሳያ

እዮባ ማፃፋ23gof_etw