Read እሳያሳ ማፃፋ 5

እሳያሳ ማፃፋ5gof_etw

ዎይነ ጋደ ሌምሶ

¹ታ ዶስያ አድያ ዎይነ ጋድያባ፥ሲቆ የ የፃና።ታኒ ዶስያ አድያስ፥አራዳ ዙማ ቦላ እያዉ ዎይነ ጋደይ ደኤስ።²ቢታ ቦክድ፥ ሹቻ ቆር ከስድ፥ሎኦ ዎይነ ቶክስ።ናጎ ሻኮ እያ ግዶን ሻክስ፤ዎይንያ ጉምእያ በሳ ጊግስስ።ሄሳፈ ጉየ፥ ሎኦ አይፈ አይፋና ግድ ናግስ፤ሽን ጫላ አይፈ አይፍስ።³“ህንተኖ፥ የሩሳላመን ደኤይሳቶ፥ህንተኖ ይሁዳ አሳዉ፥ታፐነ ታ ዎይነ ጋድያ ግዶንደእያ ኦዳ አነ ፕርድተ።⁴ታኒ ታ ዎይነ ጋድያስ ኦዳይሳፈሀራ አይ ኦናባይ አትዴ?ሎኦ አይፈ አይፋና ጋዳ ናጋስ፥ሽን አይስ ጫላ አይፈ አይፍዴ?⁵ሀእ ታኒ ታ ዎይነ ጋድያ ቦላኦናባ ህንተዉ ኦዳና።ታኒ እያ ድርሳ ድጋና፤ዎይነይ ያናዳ ኦና።ታኒ ግምብያ ላላና፤ዎይነ ጋደይ የታና።⁶ታኒ ሄ ጋድያ ቁኤ ኦና፤ዎይነይ ፅንተተና፥ ሀርመተና።ሄ በሳን ክንቾተይነ አጉን ዶላና፤እር እያ ቦላ ቡኮና መላታኒ ሻራ ኪታና” ያግስ።

⁷ኡባፈ ዎልቃማ ጎዳዎይነ ጋደይ እስራኤለ አሳ።እ፥ ኡፋይትያ አታክልተ በሳይ ይሁዳ አሳ።ኤንታ ሱረ ፕርዶሶና ግድ ናግስ፤ሽን ሱ ጉስዶሶና።ፅሎተ ኦሶና ግድ ናግስ፤ሽን ኡንአ ዋሶይ ዳራና መላ ኦዶሶና።

ኢታታ አየ!

⁸በሲ ይን፥ ህንተ ፃላላ ቢታ ቦላ ዳና ጋካናዉ፥ኬ ኬ ቦላ፥ ጋደ ጋደ ቦላ፥ጉጀይሳቶ ህንተና አየ!⁹ኡባፈ ዎልቃማ ጎዳይ ሀይሳዳ ግድ ጫቅሽን ታ ስአስ።“ሄ ግታ ኬት ካይሳታና፤ሄ ሎኦ ኬታን ዳናዉ አስ ያና።¹⁰ታሙ ዋፃን ቶክዳ ዎይንያፐ፥እስ ኦቶ ጉምኤ ዎይነ ፃላላ ኤካና።ሆስፑን ታሙ ክሎ ግራመ ዘርዳ ጋደፐ፥ታማነ ሆስፑን ክሎ ግራመ ፃላላ ኤካና” ያግስ።¹¹ማያ ኡሻ ኮያናዉዎንታ ጉራ ደንደይሳታነዎይነ ኡሻይ ፁጋና ጋካናዉ፥ያን ቃምስያ አሳ አየ!¹²ኤንታ እማቱዋን ማስንቆይ፥ዲ፥ ካራቦይ፥ ሱሱልኤይነዎይነ ኡሽ ደኤስ።ሽን ኤንቲ ጎዳ ኦሱዋ በእቦኮና፤እያ ኩሸ ኦሱዋ አኬኮኮና።¹³ህዛ ታ አሳይ አኬካ ይዳ ግሾ፥ ድኤታና፤አይሰይሳት ኮሻን ሀይቃና፤ አሳይ ሳሞን ፁገታና።¹⁴ዱፎይ ባ ጎምፓ ዳልግስስ፤ባ ዶና ዛው ባይና ዶይስ።የሩሳላመን ደእያ ግታ አሳ፥ ዳሮ አሳ፥ዎጫመይሳታነ ኡፋይተይሳታ ምታና።¹⁵አስ ቶሸታና፤ አሳ ኮቸ ኡባይ ካዉያና፤ ኦቶርትያ ኡባይ ጉፃና።¹⁶ሽን ኡባፈ ዎልቃማ ጎዳይ፥ ባ ሱረ ፕርዳን ቁ ቁ ጋና፤ ፆሳ ጌሻተይ እያ ፅሎተን ቆንጫና።¹⁷ሄ ዎደ ዶርሳት ሄ በሳን ሄመታና፤ ዶርሳ ኡርገት ላለትዳ ኬ በሳታን ማና።¹⁸ጭሞ ዎዶሮን ናጋራ፥ ጋረ ዎዶሮን ኢታተ ጎቸይሳታ አየ!¹⁹“አነ ፆሳይ ኤለሶ! ኑኒ በአና መላ ባ ኦሱዋ ኤሶዮ! ኑኒ ኤራና መላ እስራኤለ ጌሻይ ቆፕዳ ቆፋ ፖሎ” ያገይሳታ አየ!²⁰ኢታ ሎኦ፥ ሎኡዋ ኢታ፤ ማ ፖኦ፥ ፖኡዋ ማ፤ ጫሙዋ ማልኦ፥ ማልኡዋ ጫሞ ገይሳታ አየ!²¹ባንታና ጭንጫነ ቃራ ገይሳታ አየ!²²ዎይነ ኡሻን ኤረትዳ አሳነ ማይያ ኡሹ ዋላካናዉ ዎዛን ምኖ ግድዳ አሳ አየ!²³ቆህዳ ኡራ ፅልሳናዉ ዎፈ ኤክድ፥ ፅሎ አሳ ሱረ ፕርዳ ጌላየይሳታ አየ!²⁴ኤንቲ ኡባፈ ዎልቃማ ጎዳ ህግያ እፅዳ ግሾነ እስራኤለ ጌሻ ቃላ ካዳ ግሾ ታማ ላጮይ ካለ ኦይከይሳዳነ ቡረይ ታማን ሜተትድ የይሳዳ ኤንታ ፃጶይ ዎቃና። ኤንታ ጪሻይ ባናዳ ላለትድ ያና።²⁵ሄሳ ግሾ፥ ጎዳ ሀንቆይ እያ አሳ ቦላ ኤፅስ፤ እያ ኩሸይ ደንድድ፥ ኤንታ ይስስ። ደረት ቃፅዶሶና፤ ሀይቅዳ አሳ አሀይ ኦገ ቦላ ቡረዳ ሀንስ። ሄ ኡባንካ እያ ሀንቆይ ስምቤና፤ እያ ኩሸይ ሀእካ ደንድዳ በሳን ደኤስ።²⁶ጎዳይ ሃሆ ሶን ደእያ ካዎተታስ ማላ ቃን ኤስስ፤ ሳኣ ጋፃን ደእያ አሳ ሱይቅድ ፄግስ፤ ኤንቲ ድርግሸ ፑቱ ጎሶና።²⁷ኤንታ ግዶን ዳቡረይነ በተይ ባዋ፤ ኤንታፈ እሶይካ ስከና ዎይኮ ዝንኤና። ፄሳን ዳንጭዳ ሳቀይ ብርሸተና፤ ኤንታ ጫማ ዎዶሮይ ዱፀና።²⁸ኤንታ ቶራይ ቃራ፤ ኤንታ ዶንገይካ ዋፀትድ ደኤስ። ኤንታ ፓራታ ቶሆይ ቃራ ሹቻ መላ፤ ኤንታ ፓራ ጋረታ ገርቶይ ጎተ መላ።²⁹ኤንቲ ጋሞ መላ ጉሞሶና፤ ዎዳላ ጋሞ መላ ጉዶሶና። ኤንቲ ሳርቡቅሸ ምያባ ኦይክድ፥ ቶክ ኤክድ ቦሶና፤ ኤንታፈ ዎድ ኤከይ ኦንካ ባዋ።³⁰ሄ ዎደ ኤንቲ ግታ አባ ጉንዳ እስራኤለ ቦላ ጉማና። እስ አስ ሄ ቢታ ፄልያ ዎደ ምነ ዋየይ በአና፤ ፖኦይ ሻራን ምተታና።

እሳያሳ ማፃፋ 5 / gof_etw

ዎይነ ጋደ ሌምሶ

ኢታታ አየ!

እሳያሳ ማፃፋ5gof_etw