Read ህዝቄላ ማፃፋ 27

ህዝቄላ ማፃፋ27gof_etw

ፅሮሳስ ከስዳ ዘለልስ

¹ጎዳ ቃላይ ሀይሳዳ ያግሸ ታኮ ይስ።²“አሳ ናአዉ፥ ፅሮሳስ ዘለልስ ከሳ።³ዩሾይ አባን ተቀትዳ ቢታን ደእያነ አባ ጋፃን ደእያ ዳሮ አሳራ ዛልእያ፥ ካታማስ፥ ኡባ ሃርያ ጎዳይ ሀይሳዳ ያጌስ።“ ‘ነኖ ፅሮሳ፥ ታኒ ፑላነቦረይ ባይና ማላ ሎኦ’ ” ያጋዳሳ።⁴ነ ዛዋይ አባ ጉልኣና፤ነና ኬፀይሳት ሎይድ ኦድ ኬፅዶሶና።⁵ነ ሳንቃ ሳንራ ፂዳን ኦዶሶና፤ነ ማርካብያ ቱሳ ልባኖሰ ዝጋን ጊግስዶሶና።⁶ሃ ፕያ ምትባሳነ ዎላፐ ኦሰትዶሶና።ነ ማርካብያ ሂፃይ ቆጵሮሳ ፂዳን፥እያ ዩሾይ ዳንጋርሳ ዛለን አሌቀትስ።⁷ነ ሻራይ ባንድራዳ ሃሆን በንታና መላ፥ግብፀታ ሊኖፐ አሌቀትድ ኦሰትስ።ነ ካማ ገሸይ ቆጵሮሳፐ ይዳ፥ካሎሰ ኦቻ ቴራ ዳንያ ማኦፐ ኦሰትዳይሳታ።⁸ነ ማርካብያ ኮልፅሰይሳት ስዶናነ አርዋዳ ካታማታፐ ይዳይሳታ፤ነ ማርካብያ ላገይሳት ሎህዳ ነ አሳታ።⁹ማርካብያ ጊግሰይሳት ገባላፐ ይዳ ኤራንቾታነ ካለያ ሂላንቾታ፤አባን ብያ ማርካበ ኡባን ደእያ ኦሳንቾት ዎ ከያ ግድ ነ ግዶን ዛልኦሶና።

¹⁰“ፋርሰፈ፥ ሊደፐነ ሊበፐ ይዳ ኦላንቾት፥ነ ኦላንቾታ ማድድ ኦለትዶሶና።ባንታ ጎንዳልያነ ባንታ ኦላ ባርኔፃ ነ ግዶን ካቅዶሶና፤ኤንቲ ነና ቦንችዳ አሳታ።¹¹አርዋዳነ ሄለካ ኦላንቾት፥ነ ድርሳ ግምብያ ናጎሶና።ጋማዳ አሳይ ነ አዱሳ ግምብ ሻኮ ቦላ ናጎሶና፤ባንታ ጎንዳልያ ነ ግምብያ ቦላ ካቅዶሶና፤ነ ፑላታና መላ ኦዳይ ኤንታና።¹²ነ ዳሮ ዱረተ ጋሶን ታርሰስ ኔራ ዛልእስ፤እ ብራ፥ ብራታ፥ ቆርቆሮነ እርሳሰ ኔራ ላምድ ዛልኦሶና።¹³ያዋን፥ ቱባልነ ሞሳህ ኔራ ዛልእዶሶና፤አይለታነ ናሰ ብራታ እምድ፥ ነ ሚሽያራ ላምዶሶና።¹⁴ቤት-ቶርጋማ አሳይቶጋ ፓራታ፥ ኦላ ፓራታነ ባቁሎታ እምድ፥ ነ ሚሽያራ ላምስ።¹⁵ድዳና አሳይ ኔራ ዛልእዶሶና፤ ዩሾይ አባን ተቀትዳ ቢታታን ደእያ አሳይ ዳንጋርሳ ዛለነ ዞጰ ም ነዉ ኤሆሶና።¹⁶“ነ ዳሮ ዱረተ ጋሶን፥ ሶረ አሳት ኔራ ዛልእዶሶና፤ ኤንቲ ጭሊሎ አልኦ ሹች፥ ዞኦ አልኦ ሹች፥ የሌሎ አሌቆ፥ ኦቻ ቴራ ዳንያ ማኡዋ፥ አልኦ ሊኖነ አሌቀትዳ ማኦ ኤህድ ነ ሚሽያራ ላምዶሶና።¹⁷ይሁዳነ እስራኤለ አሳይ ኔራ ዛልእዶሶና፤ ኤንቲ ምንተ ጋደ ግስተ፥ ማልዶ፥ ኤስ፥ ዛይተነ ልያ ባልሳመ ዛይተ ነ ሚሽያራ ላምዶሶና።¹⁸ነ ዳሮ ዱረተነ ሻሎይ ደእያ ግሾ፥ ዳማስቆይ፥ ከልቦና፥ ዎይንያነ ዛሃራ ዶርሳ እክሰ እምድ ነ ሚሽያራ ላምዶሶና።¹⁹ኡዛለን ደእያ ዳነነ ያዋና አሳይ ነ ዱማ ዱማ ሚሸታ ሻምዶሶና። ኤንቲ ነ ሚሽያራ ላማናዉ አሌቀትዳ ብራታነ ዱማ ዱማ ሳዎ ኤህዶሶና።²⁰“ድዳና አሳይ ኮራ ግላሰ ኤህድ ዛልእዶሶና።²¹አራበትነ ቀዳረ ሀላቃት ኡባይ ነ ዛልኤ ሚሽያስ ዶርሳ ኡርገታ፥ ማራዘታነ ዴሻታ ኤህዶሶና።²²ሳባነ ራማ ዛልአንቾት አልኦ ሹቹ፥ ዎርቃነ ዶረትዳ ሳዎታ እምድ፥ ነ ሚሽያራ ላምዶሶና።²³ካራነ፥ ካነ፥ ኤደነ፥ ሳባ አሶረነ ከልማዳ ካታማት ኡባይ ኔራ ዛልእዶሶና።²⁴ኤንቲ ሎኦ ማኦታ፥ ካሎሰ ዳንያ ማኡዋ፥ አሌቀትዳ ማኡዋ፥ ጋዛ ስጋጃታ፥ ሎይ ዶቅዳ ስባጎታነ ዎዶሮታ እምድ፥ ነ ግያን ዛልኦሶና።²⁵“ታርሰሳ ማርካበት ነ ሚሸታ ጫንዶሶና። ኔኒ ዳሮባይ ጫነትን፥ አባ ቦላ ብያ ማርካበ መላ ግዳዳሳ።²⁶ነ ማርካብያ ላገይሳት ነና ኤክድ፥ አባ ግዶ ግና ኤፍዶሶና፤ ሽን ዶሎሀ ጫርኮይ ነና አባ ግዶን መንረስ።²⁷ኔኒ መቀረትዳ ዎደ ነ ዱረተይነ ነ ዛልኤ ሚሸ ኡባይ፥ ነ ማርካብያ ላገይሳት፥ ነ ማርካብያ ጊግሰይሳት፥ ነ ዛልአንቾትነ ነ ግዶን ደእያ ኦላንቾት ኡባይ አባ ግዶን ሙከትዶሶና።²⁸ኤንታ ዋሶይ አባ ጋፃ ደእያ ቢታ ዳጋንስ።²⁹“ማርካብያ ቦላ ኡትድ ሃ ፕይሳት ኡባይ ማርካበታፐ ከይድ፥ አባ ጋፃን ኤቅዶሶና።³⁰ኤንቲ ኡባይ ባንታ ሁጰን ባና ቆልድ፥ ብዶን ጎንዶረትሸ፥ ነ ዩዋ ግሾ ኢታ ዬሆ ዬክዶሶና።³¹ነዉ ካዮትድ፥ ባንታ ሁጵያ ሜድድ፥ ካዮ ማኦ ማእዶሶና፤ ኤንቲ ዳሮ አዛንድ ነዉ ዬክዶሶና።³²ኤንቲ ሀይሳዳ ያግድ ነዉ ዘሌልዶሶና፦“ሀእ አባ ግዶን ስእ ግዳ፥ፅሮሳ መል ኦኔ?”

³³“ነ ዛልኤ ሚሸይ አባ ፕንድ ያ ዎደ፥ዳሮ አሳ ካልሳዳሳ፤ነ ሻሉዋን ቢታን ደእያ ካዎት ዱረትዶሶና።³⁴ሽን ሀእ ጪሞ አባን መቀረታዳሳ፤ነ ዛልኤ ሚሸይነ ነዉ ኦያ አሳ ኡባይ፥ኔራ አባ ግዶን ሙከትድ ይዶሶና።³⁵ዩሾይ አባን ተቀትዳ ቢታን ደእያ አሳ ኡባይነ ቦላ ጋክዳባ በእድ ዳጋምዶሶና።ኤንታ ካዎት ዳሮ ያይዶሶና፤ኤንታ ሶምኦይ ያሻን ሹልስ።³⁶ነ ዉርሰይ ዳጋንያባ ግድስ፤ኔኒ ዛራዳ ዳካ።ሄሳ ግሾ፥ ቢታ ኡባን ደእያዛልአንቾት፥ ሽንቻለ ግዶሶና” ያግስ።

ህዝቄላ ማፃፋ 27 / gof_etw

ፅሮሳስ ከስዳ ዘለልስ

ህዝቄላ ማፃፋ27gof_etw