Read ኤራታ ማፃፋ 12

ኤራታ ማፃፋ12gof_etw

¹ነ ናአተ ላይን ነና መዳይሳ ቆፓ። ኡንአ ጋላሳት ዮና ደእሽን፥ “ሀይስ ታና ኡፋይሰና” ጌተትያ ዎደት ጋኮና ደእሽን፥²አውነ ፖኦይ፥ አጌንነ ፆልንቶት ሞና ደእሽን፥ እር ቡክድ አን፥ ሻር ስሞና ደእሽን፥ ነና መዳይሳ ቆፓ።³ሄ ዎደይ ኬ ናገይሳት ኮኮርያ ዎደ፥ ምኖ አስ ኩንያ ዎደ፥ ጋጨይሳት ታይቦን ጉፅዳ ግሾ ጋቸ አግያ ዎደነ ማስኮተራ ፄለይሳት ዳቡርያ ዎደ ግዳና።⁴ሄ ዎደይ፥ ዎጋ ኦግያኮ ስምዳ ፐንገት ጎርደትያ ዎደ፥ ጋጭያ ዎፃ ግርሳይ ዝቅ ግያ ዎደ፥ ካፎ ዋሶይ አሰ ስኮፈ ባርክስያ ዎደ፥ ማጫ ናይታ የ ግርሳይ ለፕያ ዎደ ግዳና።⁵ሄ ዎደይ፥ ደረ ከያናዉ ፆነትያ ዎደ፥ ዳልጋ ኦገታራ ሄመታናዉ ያሽያ ዎደ፥ ላዉዘ ም ጪይያ ዎደ፥ ቦለይ ቃፃናዉ ፆነትያ ዎደ፥ አሞያባይ አግያ ዎደ ግዳና። ሄ ዎደይ፥ አስ ባ መርና ኬ ብያ ዎደ፥ ዬከይሳት ዳልጋ ኦግያራ ዬክሸ ዩይያ ዎደ ግዳና።⁶ብራ ሳንላታይ ዱፆና ደእሽን፥ ዎርቃ ከረይ መቆና ደእሽን፥ ሃ ኦቶይ ፑልቱዋ ማታን መቆና ደእሽን፥ ሃ ኦላፈ ጎች ከስያ ዎዶሮይ ዱፆና ደእሽን፥⁷ቢታይ ቢታኮ ስሞና ደእሽን፥ ሸምፖይ ባና እምዳ ፆሳኮ ስሞና ደእሽን፥ ነና መዳይሳ ቆፓ።⁸አስታማረይ፥ “ሀዳ! ሀዳ! ኡባባይ ሀዳ” ያግስ።

ኩሻ ቆፋታ

⁹አስታማረይ ጭንጫ ፃላላ ግዶናሽን ኤራካ ግድያ ግሾ ደርያ ታማርስስ። እ ዳሮ ሌምሶታ ፕልግድ እሱዋ እሱዋ እያ ማራን ማራን ዱማይድ ዎስ።¹⁰አስታማረይ ልከ ግድዳ ቃላ ደማናዉ ኮይስ፤ ሄሳ ግሾ፥ እ ፃፍዳባይ ሱረነ ቱማ።¹¹ጭንጫታ ቃላይ ሄንንቾይ ዉደ ላግያ ፄራ ኦጮ ፃምአ መላ። እስፈ ሺቅዳ ሌምሶት ጋ ኦይያ ምስማረ መላ።¹²ታ ናአዉ፥ ሀ ኡባፈ ቦላራ ኔኒ ናገታናዉ ኮሽያባይ ደኤስ። ማፃፋ ፃፍድ ዉርሳናዉ ዳንዳኤተና። ቃስ ዳሮባ ፕልግድ አጎና እፆይ አሳተ ዳቡርሴስ።¹³ሄኮ ኡባባይ ኦደትስ፤ ኡባባስ ኩሻይ ሀይሳ፤ ፆሰ ያይያ፤ እያ ኪታ ናጋ፤ ሄስ አሳስ ዋና ኦሶ።¹⁴ፆሳይ ኦሶ ኡባ ቃስ ጌምዳ ኡባ ሎኦ ግድን ኢታ ፕርዳናዉ ደኤስ።

ኤራታ ማፃፋ 12 / gof_etw

ኩሻ ቆፋታ

ኤራታ ማፃፋ12gof_etw