ናቡካዳናፆራ አሙሁዋ
1ናቡካዳናፆር ካዎትዳ ናምአን ላይን አሙሆ አሙህስ። ሄ አሙሆይ እያ ዳጋንን፥ ስኮይ እያ ኤኮና እፅስ።2ሄሳ ግሾ፥ እ አሙህዳ አሙሁዋ እያዉ ኦዳና መላ ማሮት፥ ብታንቾት፥ ሙሩነይሳትነ ፆልንቶ ታይበይሳት ያና መላ ካዎይ ኪትስ። ኤንቲ ይድ እያ ስንን ኤቅዶሶና።3ካዎይ ኤንታኮ፥ “ታና ዳጋንያ አሙሆ አሙሀስ፤ ሄ አሙሆይ አይበኮ ኤራናዉ ኮያይስ” ያግስ።4ፆልንቶ ታይበይሳት ሶረ ዶናን፥ “ካዋዉ፥ መርናዉ ካዎታ! ነ አሙሁዋ ኑስ ነ አይለታስ ኦዳ፤ ኑ ነዉ እያ ብርሸ ኦዳና” ያግዶሶና።5ካዎይ ኤንታኮ፥ “ህንተ ሀ አሙሁዋነ እያ ብርሸ ታና ኤርሶና እፅኮ፥ ታ ህንተና ቃንፃና፤ ህንተ ኬይ ቡረ የግያ በሲ ግዳናይሳ ታ ህንተዉ ምንዳ ኦዳይስ።6ሽን ህንተ አሙሁዋነ እያ ብርሸ ታዉ ኦድኮ፥ እሞታ፥ ዎይቶነ ዳሮ ቦንቾ ታፐ ደማና። ሄሳ ግሾ፥ አነ አሙሁዋነ እያ ብርሸ ታና ኤርስተ” ያግስ።7ኤንቲ ዛሪድ፥ “ካዎይ አሙሁዋ ኑስ ባ አይለታስ ኦዶ፤ ኑ እያ ብርሸ ኤርሳና” ያግዶሶና።8ካዎይ ዛሪድ፥ “ታ ምኖ ቆፋ ህንተ ኤርያ ግሾ ዎደ አዱሳናዉ ህንተ ኮየይሳ ታ ኤራይስ።9ህንተ አሙሁዋ ታዉ ኦዶና እፅኮ፥ እስ ፕርድ ህንተና ናጌስ። ሀኖታይ ላመታና ግድ ህንተ ኡፋይስ ኦያ ግሾ ታዉ ዎርዶነ ገነ ቃላ ኦዳናዉ ማቀትደታ። ሄሳ ግሾ፥ አሙሁዋ ታዉ ኦድተ። ያትኮ፥ ህንተ እያ ብርሸ ኤርሳናዉ ዳንዳኤይሳ ታ ኤራና” ያግስ።10ፆልንቶ ታይበይሳት ዛሪድ፥ “ካዎይ ኦይችያ ኦይሻ ዛራናዉ ዳንዳእያ እስ አስካ ቢታን ባዋ። አይ ግታነ ዎልቃማ ካዎይ ማሮታ፥ ብታንቾታነ ፆልንቶ ታይበይሳታ ሄሳ መላባ ኦይችድ ኤረና።11ካዎይ ኦይችዳ ኦይሾይ ዴፆ፤ አሳ ግዶን ዶና ፆሳታፐ አትሽን፥ ሄሳ ካዋስ ቆንጭሳናዉ ዳንዳኤይ ባዋ” ያግዶሶና።12ካዎይ ዳሮ ይሎትድ፥ ባብሎነን ደእያ ጭንጫታ ኡባ ዎናዳ ኪትስ።13ጭንጫታ ዎናዉ አዋጆይ ከይስ፤ ዳነላነ እያ ላገታ ዎናዉ አስ ኪተትስ።14ካዋ ናገይሳታ ሀላቃይ አርዮክ፥ ባብሎነን ደእያ ጭንጫታ ዎናዉ ከይያ ዎደ ዳነል እያ ጭንጫተንነ ሂላን ኦድስስ።15እ ካዋ ናገይሳታ ሀላቃ አርዮካ፥ “ካዎይ ሀይሳ መላ ኢታ አዋጆ አይስ ከስዴ?” ግድ ኦይችስ። አርዮክ ሀኖታ ዳነላስ ኦድስ።16ዳነል ካዋኮ ገልድ፥ አሙሁዋ ብርሸ ኤርሳናዉ ባዉ ዎደይ እመታና መላ ዎስስ።17ሄሳፈ ጉየ ዳነል ባ ሶ ስሚድ፥ ባ ሄ ላገታስ፥ አናንያስ፥ ምሳኤላስነ አዛርያስ ሀኖታ ኦድስ።18ኤንቲ ባብሎነን ደእያ ሀንኮ ጭንጫታራ እስፈ ሀይቆናዳ፥ ሳሎ ፆሳይ ማሮታ ኦድ፥ ሀ ፁራ ኤንታዉ ቆንጭሳናዳ ዎሳና መላ ኤንታዉ ኦድስ።19ሄ ቃማ ፁራይ ዳነላስ ቆንጭስ። ዳነል ሳሎ ፆሳ ሀይሳዳ ያግድ ጋላትስ፤20“ጭንጫተነ ዎልቅ ፆሳሳ ግድያ ግሾ፥እያ ሱንይ መርናፐ መርና ጋካናዉ ጋላተቶ።21እ ዎደታነ አጌናታ ላሜስ፤ካዎታ አራታን ኡትሴስ፤ አራታፐ ድጌስ።ጭንጫታስ ጭንጫተ እሜስ፤አኬካንቾታስ ኤራ እሜስ።22እ ፁራነ ጌምዳባ ቆንጭሴስ፤እ ማን ደእያባ ኤሬስ፤ፖኦይ እያራ ደኤስ።23ታ ማይዛታ ፆሳዉ፥ታ ነና ጋላታይስ፤ ሳባይስ።ነ ታዉ ጭንጫተነ ዎልቃ እማዳሳ፤ኑኒ ነና ኦይችዳባ ታና ኤርሳዳሳ፤ካዋ አሙሁዋ ኑና ኤርሳዳሳ”ያግስ።ዳነል አሙሆ ብርሽስ
24ሄሳፈ ጉየ፥ ዳነል ባብሎነን ደእያ ጭንጫታ ዎሳናዉ ካዉዋፐ ኪታ ኤክዳ፥ አርዮካኮ ብድ፥ “ጭንጫታ ዎፓ፤ ታና ካዋኮ ገልሳ፤ ታኒ እያ አሙሁዋ ብርሸ እያ ኤርሳና” ያግስ።25አርዮክ ኤለስድ ዳነላ ካዋኮ ገልስድ፥ ካዋኮ፥ “ይሁዳፐ ድኤትድ ይዳ አሳፐ ካዋ አሙሁዋ ብርሸ ኤርሳናዉ ዳንዳእያ አሰ ደማስ” ያግስ።26ካዎይ ብልፃሶራ ጌተትያ ዳነላ፥ “ታ አሙህዳ አሙሁዋነ እያ ብርሸ ታና ኤርሳናዉ ዳንዳአይ?” ግድ ኦይችስ።27ዳነል ሀይሳዳ ያግድ ዛርስ፦ “ካዋዉ፥ ነ ኦይችዳ ፁራ ቆንጭሳናዉ ዳንዳእያ ጭንጫ አስ፥ ማሮይ፥ ብታንቾይነ፥ ሙሩንያ አስ ባዋ።28ሽን ፁራ ቆንጭስያ እስ ፆሲ ሳሎን ደኤስ። ዉርሰ ዎደታን ሀናናባ እ፥ ነና በስስ። ነ አርሳን ዝንአዳ፥ ነ በእዳ አሙሆይነ ቆንጨይ ሀይሳ።29“ካዋዉ፥ ነ አርሳን ዝንአዳ፥ ስንፈ ያናባ ቆፓዳሳ። ሄ ዎደ ፁራ ቆንጭስያ ፆሳይ ስንፈ ሀናናባ ነና በስስ።30ሀ ፁራይ ታዉ ቆንጭዳይ፥ ታ ሀራ አሳፐ ጭንጫ ግድዳ ግሾ ግደና። ሽን ኔኒ ካዎይ፥ አሙሁዋ ብርሸ ኤራናዳነ ነ ሁጰን ስመረትያ ቆፋ አኬካና መላሳ።31“ካዋዉ፥ ነ ዳሮ ግታ፥ ጶልያነ ፄላናዉ ያሽያ ምስለይ ነ ስንን ኤቅዳይሳ በአዳሳ።32ሄ ምስልያ ሁጰይ፥ ዋላህ ባይና ዎርቃፈ፥ እያ ትራይነ ኩሸት ብራፐ፥ ኡሎይነ ዎድረት ናሰ ብራታፐ፥33ሱይለይ ብራታፐነ ቶሆ ያቻ ባጋይ ብራታፐ ባጋይ ቢታፈ መትስ።34ኔኒ ምስልያ ፄልያ ዎደ፥ እስ ሹች አሳ ኩሸይ ቦቾና ቆለትድ፥ ብራታፐነ ቢታፈ መትዳ ምስልያ ቶሆ ያቻ ቦላ ዎድ ጋጭስ።35ሄ ዎደ ብራት፥ ኡርቅ፥ ናሰ ብራታይ፥ ብርነ ዎርቀይ ኡባይ ጋጨትድ፥ ቦነን ዉዱማን ደእያ ሱላ መላ ግድን፥ አይኮይካ አቶናሽን ጫርኮይ ፕትድ ኤፍስ። ሽን ምስልያ ቦላ ዎዳ ሹቻይ ዙማ ግድድ ሳኣ ኩምስ።36“አሙሆይ ሀይሳ፤ ሀእ ብርሸ ኑኒ ነዉ ኦዳና።37ካዋዉ፥ ኔኒ ካዎታ ካዎ። ሳሎ ፆሳይ ነዉ ካዎተነ ዎልቃ፥ ምኖተነ ቦንቾ እሚስ።38ኔኒ ቢታ ኡባ ሃራናዳ ኦስ፤ አሰ፥ ዶአነ ሳሎ ካፎ ነ ኩሸን ዎስ። ሄሳ ግሾ፥ ዎርቃ ሁጰይ ነና።39“ኔፐ ጉየ፥ ምኖተን ነና ጋኮና ሀራ ካዎተ ደንዳና። ካልድ፥ ቢታ ኡባ ሃርያ፥ ናሰ ብራታ ግድያ፥ ሄን ካዎተ ደንዳና።40ዉርሰን ኡባ ጋጭድ ሊቅስያ ብራታዳ ምንዳ ኦይዳን ካዎተ ደንዳና። ብራት ኡባ ጋጭድ ሊቅሰይሳዳ እ፥ ባፐ ካሰ ደንድዳ ካዎተታ ጋጭድ ሊቅሳና።41“ቶሆትነ ቶሆ ብራት ባጋይ ብራታፐ፥ ባጋይ ቢታፈ መትዳይሳ ነ በእዳይሳዳ፥ ሄ ካዎተይ ሻከትዳ ካዎተ ግዳና። ብራት ቢታራ ዋላከትን፥ ኔኒ በእዳይሳዳ ባጋይ ብራታዳ ምኖ ግዳና።42ቶሆ ብራት ባጋይ ብራታ፥ ባጋይ ቢታ ግድዳይሳዳ፥ ሀ ካዎተስ ባጋይ ምኖ፥ ባጋይ ሹጎ ግዳና።43ብራት ቢታራ ዋላከትን ኔኒ በእዳይሳዳ ሄ ናምኡ ባጋ አሳይ ገሎንነ ኤኮን ዋላከታና። ሽን ብራት ቢታራ ዋላከታናዉ ዳንዳኦናይሳዳ ኤንቲ እስኖ ግድድ ጋምአናዉ ዳንዳኦኮና።44“ሄ ካዎታ ላይን፥ ሳሎ ፆሳይ ኩንዶና፥ ሀራ አሳስ አድ እመቶና ካዎተ ኤሳና። ሄ ኤቅዳ ካዎተይ፥ ሄ ካዎተታ ኡባ ጋጭድ ይሳና፤ ሽን እ መርናዉ ኤቅድ ዳና።45አሳ ኩሸይ ቦቾና ዙማፐ ቆለትድ፥ ዎድ፥ ብራታፐ፥ ናሰ ብራታፐ፥ ቢታፈ፥ ብራፐነ ቢታፈ መትዳ ምስልያ ጋጭዳ ሹቻ ብርሸይ ሄ ካዎተ። “ግታ ፆሳይ ስንፈ ሀናናባ ካዋ በስስ። አሙሆይ ቱማ፤ ብርሸይካ አማነትዳይሳ” ያግድ ዛርስ።46ሄሳፈ ጉየ፥ ካዎይ ናቡካዳናፆር ዳነላ ቦንችድ፥ ጉፋንስ፤ አሳይ እያ ስንን ያርሾ ያርሻና መላነ እፃነ ጩይሳና መላ ኪትስ።47ካዎይ ዳነላ፥ “ቱማ ነ ፆሳይ ፆሳታ ፆሰ፥ ካዎታ ጎዳነ ፁራ ቆንጭስያ ፆሰ። ኔኒ ሀ ፁራ ቆንጭሳናዉ ዳንዳእዳይ ሄሳ ግሾሳ” ያግስ።48ሄሳፈ ጉየ፥ ካዎይ ዳነላ አድ ቦንችስ፤ ዳሮነ አልኦ እሞታታ እያዉ እሚስ። ባብሎነ ቢታ ሃርያ አሰ ኦስ፤ ባብሎነን ደእያ ጭንጫታ ኡባ ቦላ ሀላቃ ኦድ ሹምስ።49ዳነል ኦይሻን፥ ካዎይ ስድራቃ፥ ምሳቃነ አብዳናጎ ባብሎነ ቢታ አይሰይሳታ ኦድ ሹምስ፤ ሽን ዳነል ካዎ ኬን ጋምእስ።