1ታኒ ናምአን ህንተኮ ቢከ ጋዳ ቆፋ ቃችዳይ ህንተና አዛንና አጋናሳ።2ታኒ ህንተና አዛንኮካ ታ አዛንዳ ህንተፈ ሀር ታና ኡፋይሳናዉ ደኤይ ኦኔ?3ታኒ ህንተዉ ሄ ዳብዳብያ ፃፍዳይ፥ ታ ህንተና በአናዉ ብያ ዎደ ታና ኡፋይሳናዉ በሲያ አሳን ታ አዛናናዉ ኮዮና ግሾሳ። ታ ኡፋይትያ ዎደ ህንተ ኡባይካ ኡፋይታናይሳ ታ አማናይስ።4ታኒ ዳሮ ዋየንነ ኡንአን ቃስ ዳሮ አፉን ፃፍዳይ፥ ህንተና አዛንናሳ ግዶናሽን፥ ታኒ ህንተና ኡባ አይ መላ ዶስያኮ ህንተና ኤርሳና መላሳ።
ቆህዳ አስ አቶ ጉሱ
5አሰ አዛንዳ ኦንካ ደእኮ ታ እያ ናቁዋ ዳርሳናዉ ኮይከፈ አትሽን፥ ታና ግዶናሽን፥ ህንተፈ ዳሮታ አዛንስ።6ህንተፈ ዳርያ አሳይ ሄ ኡራ ሴርዳ ሴራይ እያዉ ግዳና።7ሄሳ ግሾ፥ ሄ ኡራይ ዳሮ አዛንድ፥ ኡፋይስ ቃንፆና መላ ህንተ እያ ማራናዉነ ምንናዉ በሴስ።8ህንተ እያ ሲቀይሳ ዛር እያዉ ቆንጭሳና መላ ታ ህንተና ዎሳይስ።9ታ ሄ ዳብዳብያ ህንተዉ ፃፍዳይ፥ ህንተ ፓጨትድ፥ ኡባባን ታዉ ኪተተይሳ ኤራናዉ ኮይዳ ግሾሳ።10ህንተ ማርያ ኡራ ታካ ማራና። ታኒ ማራናባይ አይብ ደእኮካ፥ ክርስቶሳ ስንን ህንተ ግሾ ጋዳ ማራስ።11ታኒ ሄሳ ኦዳይ ፃላህያ ጭሞ ኦሱዋ ኑ ኤርያ ግሾ፥ ፃላሄን ጭመቶና አታና መላሳ።ክርስቶሳን ደእያ ፆኖ
12ታኒ ክርስቶሳ ዎንገላ ሳባካናዉ ፅሮኣዳ ብዳ ዎደ፥ ጎዳይ ያን ታዉ ኦሶ ኦገ ጊግስድ ዎስ።13ሽን ታኒ ታ እሻ ትቶ ያን ደማቦና ግሾ ታ ዎዛናይ ሸምፕቤና። ሄሳ ግሾ፥ ያን ደእያ አሳ ሳሮዳ እያ ኮያናዉ ማቀዶነ ባስ።14ሽን ክርስቶሳ ባጋራ ኡባ ዎደ ኑና ፆኖን ካለያነ ሽቶ መላ ሳውያ ክርስቶሳባ ኑ ኤርያ ትምርትያ ኡባ በሲ ጋና መላ ኦያ ፆሳ ጋላት ጋኮ።15ኑኒ አትያ አሳ ግዶንነ ይያ አሳ ግዶን ክርስቶሳ ባጋራ ፆሳስ እመትዳ ሳውያ ሽቶ መላ።16ያ አሳስ ሀይቆኮ ኤፍያ ሀይቆ ፔኖ፤ ቃስ አትያ አሳስ ደኦኮ ኤፍያ ደኦ ሳዎ፤ ያትን፥ ሄሳ መላ ኦሶስ ግዳናይ ኦኔ?17ኑኒ ፆሳ ቃላ ዎ ደማናዉ ኮይድ ዋላክድ ዛልእያ ዳሮ አሳ መላ ግዶኮ። ሽን ፆሳይ ኪትዳ ሱረ አሳታ መላ ክርስቶሳን ደእድ ፆሳ ስንን ቃላ ኦዶስ።