ይሁዳ ካዋ አካዝያሳ
1አራበታራ ይዳ ፓንጋት፥ እዮራማ ባይራ ናይታ ኡባ ዎዳ ግሾ የሩሳላመ አሳይ እዮራማ ናኣ፥ ኡባፈ ካሉዋ፥ አካዝያሳ እያ በሳን ካዎዶሶና። ሄሳ ግሾ፥ እዮራማ ናአይ አካዝያስ ኤንታ ቦላ ካዎ ግድስ።2አካዝያስ ካዎትያ ዎደ እያዉ ላይ ላታማነ ናምአ።እ የሩሳላመን እስ ላይ ካዎትስ፤ እያ አይያ ጎቶላ፥ ዛንብራ ናኣ ናአ።3አካዝያስ ኢታተን ባናዳ እያ አይያ ዞርዳ ግሾ እ አካባ ሶ አሳ ኦግያን ሄመትስ።4እያ አዋይ ሀይቅዳፐ ጉየ አካባ ሶ አሳይ እያ ዞርያ ግሾ ያና ጋካናዉ አካባ ሶ አሳዳ እካ ጎዳ ስንን ኢታባ ኦስ።5አካዝያስ አካባ ሶ አሳ ዞርያ ካልድ፥ አካባ ናኣ፥ እስራኤለ ካዋ እዮራማራ እስፈ ሶረ ካዋ አዛሄላ ኦላናዉ ጋላዳን ደእያ ራሞታ ብስ። ያን ሶረ አሳት እዮራማ ጫድዶሶና።6እዮራም፥ ሶረ ካዋ አዛሄላራ ኦለትዳ ኦላን ጫደትዳ ግሾ ፓፃናዉ እዝራኤለ ብስ። እዮራማ ናአይ፥ ይሁዳ ካዎይ፥ አካዝያስ፥ ጫደትዳ አካባ ናኣ እዮራማ፥ ኦይቻናዉ እዝራኤለ ብስ።7አካዝያስ እዮራማ ኦይቻናዉ ብዳ ቡሳ፥ ፆሳይ አካዝያሳስ ሀይቆ ጋሶ ኦስ። አካዝያስ እዮራማ ሶ ጋክዳ ዎደ አካባ ኮቻ ይሳና መላ ጎዳይ ዶርዳ፥ ናምሳ ናኣ እዩ፥ ሞካናዉ ናምአይ ከይዶሶና።8እዩይ አካባ ኮቻ ቦላ ፕርዳ ፖልያ ዎደ ይሁዳ ሀላቃታነ አካዝያሳ ማድያ እያ ዳቦታ ናይታ ደምድ ዎስ።9እዩይ አካዝያሳ ኮይሽን ሳማረን ቆሰትድ ደእያ በሳፈ እዩ አሳት ደምድ እያኮ ኤህድ ዎዶሶና። “ባ ኩመ ዎዛናን ጎዳ ኮይዳ እዮሳፈፃ ናአ” ያግድ ሞግዶሶና። ሄሳ ግሾ፥ አካዝያሳ ሶ አሳፐ ካዎታናዉ ዳንዳእያ አስ ኦንካ አትቤና።ጎቶሎነ እዮኣሳ
10አካዝያሳ አይያ ጎቶላ ባ ናአይ ሀይቅዳይሳ ስእዳ ዎደ ደንዳዳ ይሁዳ ካዋ ኮቸ ኡባ ይሳሱ።11ሽን ካዋ እዮራማ ናእያ ዮሳቤታ ሀይቃናዉ ደእያ ካዎ ናይታ ግዶፈ አካዝያሳ ናኣ እዮኣሳ ካይሳዳ ኤካሱ። እያነ እያ ድችያሮ ቆልአን ቆሳሱ። ሄሳዳ ኦዳ ጎቶላ ዎናዳ ካዋ እዮራማ ናእያ አካዝያሳ ምችያ ካህንያ ዮዳሄ ማችያ ዮሳቤታ እያ ቆሳሱ።12ጎቶላ ሃርያ ዎደ ኡባን ናአይ ኤንታ ማታን ፆሳ ኬን ኡሱፑን ላይ ቆሰትድ ደእስ።