ደኦ ሹችነ ጌሻ ደረ
1ህዛ፥ ኢታተ ኡባ፥ ጭሞ ኡባ፥ ጩቦተ ቃናተነ ዝግርስ ኡባ ህንተፈ ድግተ።2ጎዳይ ኬሀ ግደይሳ ህንተ ኤርድ ሜዘትዳይሳዳ ሀእ የለትዳ ጉ ናይታዳ ህንተ አቶተን ድጭሸ ባናዉ ፆሳ ጌሻ ቃላ ማ ኡባ ዎደ አሞትተ።4አሳን ቦረትድ ፆሳን ዶረትዳ አልኦ ግድዳ ደኦ ሹቻ፥ ጎዳ የሱሳኮ ሺቅተ።5ህንተ አያና ኬ ኬፀትያ ደኦ ሹቻታ። ህንተ የሱስ ክርስቶሳ ባጋራ ፆሳ ኡፋይስያ አያና ያርሾ ያርሽያ ጌሻ ካህነታ።6ጌሻ ማፃፋን፥“ሄኮ፥ ታኒ ፅዮነ ካታማን ጎዳ ፃጱዋ ምንያ፥ዶረትዳ፥ አልኦ ሹቻ ዎስ፤እያን አማንያ ኦንካ ዬላተና”ያጌስ።7ሀ ሹቻይ ህንተዉ አማነይሳታስ አልኦ፥ ሽን አማኖናይሳታስ፥“ግምበይሳት ካድ እፅዳ ሹቻይጎዳ ፃጱዋ ምንያ፥ኡባፈ አያ ሹቹ ግድስ።”8ቃስካ፥“ሀ ሹቻይ አሰ ብያ ሹቻነ አሰ ኩንድስያ ዛላ”ያጌስ። ኤንቲ ሄሳስ ቃደትዳ ግሾ ፆሳ ቃላ ኪተቶና እፅድ በትዶሶና።9ሽን ፆሳይ ማፐ ማላልስያ ባ ፖኡዋኮ ህንተና ፄግዳይ፥ ህንተ እያ ሎኦተ ሀራታስ ኦዳናዉ ዶረትዳ ኮቸ፥ ካዎ ካህነ፥ ጌሻ ደረነ ፆሳ ዱማ ደረ።10ህንተ ካሰ ፆሳ ደረ ግደከታ፥ ሽን ሀእ ህንተ እያ ደረ። ህንተ ካሰ ማሮተ ደምበከታ፥ ሽን ሀእ ማሮተ ደምደታ።ፆሳ አሳዳ ደእተ
11ታ እሻቶ፥ ህንተ ሀ ሳአን እማነ በተ አስ ግድዳይሳዳ ህንተ ሸምፑዋ ኦልያ አሾ አሞፐ ሃካና መላ ታኒ ህንተና ዎሳይስ።12አማኖና አሳይ ህንተና ኢታ ኦያ አሳዳ ዝግርያ ዎደ ፆሳይ ኑና በአናዉ ያ ጋላስ፥ ኤንቲ ህንተ ሎኦ ኦሱዋ በእድ ፆሳ ጋላታና መላ ህንተዉ ሎኦ ደኦይ ደኦ።13ጎዳ ግሾ ግድ ማታራ ደእያ አሳታስ ሃረትተ፤ ኡባፈ ቦላ ግድያ ግሾ ካዋስካ ሃረትተ።14ኤንቲ ኢታ ኦይሳታ ሴራናዉነ ሎኦ ኦይሳታ ሳባናዉ ካዉዋፐ ኪተትዳ ግሾ ደርያ አይሰይሳታስ ሃረትተ።15ህንተ፥ ህንተ ሎኦ ኦሱዋን ኤሮና ኤያ አሳ ዶና ኦይናይስ ፆሳ ሸነ።16ፆሳ አይለ ግድድ ላአተን ደእተፐ አትሽን፥ ህንተ ላአተ ኢታ ኦሶስ ካማ ኦፍተ።17አሳ ኡባ ቦንችተ፤ አማንያ አሳ ሲቅተ፤ ፆሳ ያይተ፤ ካዎ ቦንችተ።ክርስቶሳ ዋየ ሌምሶ
18አይለቶ ሎኦ ጎዳታስነ ኬሀ ጎዳታ ፃላላስ ግዶናሽን፥ ኢታታስካ ቦንቾን ሃረትተ።19አስ ፆሳ ግሾ ግድ በሶና ዋየ ዋየትኮ ፆሳይ እያ አንጃና።20ሽን ህንተ ናጋራ ኦን ህንተና ደችያ ዎደ ህንተ ዳንዳእኮ ህንተዉ አይ ጋላት ደኢ? ሽን ሎኦባ ኦድ ዋየ ዳንዳእኮ ፆሳይ ህንተና ሄሳስ አንጃና።21ፆሳይ ህንተና ፄግዳይ ሄሳ ግሾሳ፤ ክርስቶስ ህንተዉ ዋየትስ፤ ህንተ እያ ካላና መላ፥ ህንተዉ ሌምሶ ግድስ።22እ ናጋራ ኦቤና፤ እያ ዶናን ዎርዶይ በንትቤና።23ኤንቲ እያ ጫይያ ዎደ፥ ዛሪድ ጫይቤና። ሽን ዋየ ኤክሸ ፅሎ ፕርድያ ፆሳስ ባ ፕርዳ አጋግስፐ አትሽን፥ ማንድቤና።24ኑኒ ናጋራስ ሀይቅድ ፅሎተስ ዳና መላ ክርስቶስ ባ አሹዋን ኑ ናጋራ ማስቃልያ ቦላ ቶክስ፤ ህንተ እያ ማዱንን ፓፅደታ።25ካሰ ህንተ ኦገ ባልድ ይዳ ዶርሳታ መላ፥ ሽን ሀእ ህንተ ሸምፑዋ ሄመይሳኮነ ናገይሳኮ ስምደታ።