አካባነ ዎርዳንቾ ናበታ
1ሶረይነ እስራኤለይ ኦለቶና ሄ ላይ ሳሮ ደእዶሶና።2ሄን ላይን፥ ይሁዳ ካዎይ እዮሳፈፅ እስራኤለ ካዋ በአናዉ ብስ።3እስራኤለ ካዎይ ባ ሞርናታኮ፥ “ጋላዳን ደእያ ራሞታ ካታማይ ኑባ ግደይሳነ ኑኒ ሀኖ ጋካናዉ ሄ ካታማ ሶረ ካዉዋፐ ኤካናዉ አይኮካ ኦናይሳ ኤረከቲ?” ያግስ።4እ፥ እዮሳፈፃ፥ “ጋላዳን ደእያ ራሞታ ካታማ ኦላናዉ ታራ ባኔ?” ያግድ ኦይችስ። እዮሳፈፅ ዛሪድ፥ “ኤ፥ ኔኒ ኦላ ባናዉ ጊግያ ዎደ ታ ኔራ ባና። ታ ኦላንቾት ነ ኦላንቾታ፤ ታ ፓራት ነ ፓራታ” ያግስ።5ቃስ፥ እዮሳፈፅ እስራኤለ ካዋ፥ “ግዶሽን፥ ስንታዳ ጎዳ ኦይቻ” ያግስ።6እስራኤለ ካዎይ ኦይዱ ፄቱ ናበታ እስፈ ሺሽድ፥ “ጋላዳን ደእያ ራሞታ ካታማ ኦላናዉ ቦየ ቦፖ” ያግድ ኦይችስ። ኤንቲ፥ “ባ፤ ጎዳይ ሄ ካታማ ካዋ ኩሸን አድ እማና” ያግዶሶና።7ሽን እዮሳፈፅ፥ “ኑኒ ጎዳ ኦይቻናዉ ዳንዳእያ ሀራ ናበይ ሀይሳን ባዌ?” ያግስ።8እስራኤለ ካዎይ ዛሪድ፥ “ኑኒ እያ ባጋራ ጎዳ ኦይቻናዉ ዳንዳእያ እስ አደይ ደኤስ። እ፥ ይምላ ናኣ ምክያሳ። ሽን እ ኡባ ዎደ ታባ ኢታባፐ አትሽን፥ ሎኦባ ኦዶና ግሾ ታ እያ እፃይስ።” እዮሳፈፅ፥ “ካዎይ ሄሳ ጎፖ!” ያግስ።9ሄሳ ግሾ፥ እስራኤለ ካዎይ ባ ሞርናታፐ እሱዋ ፄግድ፥ “ይምላ ናኣ ምክያሳ ኤለ ኤካዳ ያ” ያግስ።10እስራኤለ ካዎይነ ይሁዳ ካዎይ እዮሳፈፅ ባንታ ካዎተ ማኡዋ ማእድ፥ ሳማረ ካታማ ገልያ ፐንግያ ማታን ደእያ ዉዱማን ባንታ ካዎተ አራታን ኡትዶሶና፤ ናበት ኡባይ ኤንታ ስንን ትንብተ ኦዶሶና።11ኤንታፈ እሶይ፥ ካናነ ናአይ ሰደቅያስ ብራታ ካጨታ ጊግስድ፥ “ጎዳይ ሀይሳዳ ያጌስ፤ ‘ሶረት ያና ጋካናዉ ነ ኤንታ ሀ ካጨታን ቃይጫና’ ” ያግስ።12ሀራ ናበት ኡባይ፥ “ጋላዳን ደእያ ራሞታ ካታማ ባዳ ኦላ፤ ፆና። ጎዳይ ሄ ካታማ፥ ካዋ ኩሸን አድ እማና” ያግድ ኦድዶሶና።13ምክያሳ ፄጋናዉ ኪተትድ ብዳ አደይ፥ “ሄኮ፥ ናበት ኡባይ እስ ዶና ግድድ፥ ‘ካዎይ ሀ ኦላ ፆናና’ ያግድ ኦድዶሶና። ሄሳ ግሾ፥ ሀያና ነ ኦዳይካ ኤንታይሳ መላ ግዶ፤ ነ ሎኦባ ኦዳ” ያግስ።14ሽን ምክያስ፥ “ጎዳይ ኤርያ መላ፥ ጎዳይ ታዉ ኦድያባ ታ ኦዳና” ያግስ።15ምክያስ ካዋኮ ይዳ ዎደ፥ ካዎይ፥ “ምክያሳ፥ ኑ ጋላዳን ደእያ ራሞታ ካታማ ኦላናዉ ቢኖ ቦፖ” ያግድ ኦይችስ። ምክያስ፥ “ባዳ ኦላ፤ ነ ፆናና። ጎዳይ ሄ ካታማ ካዋ ኩሸን አድ እማና” ያግስ።16ካዎይ፥ “ነ ጎዳ ሱንን ታዉ ቱማ ኦዳና መላ ታ ነና አፑን ቶሆ ጫቀ?” ያግስ።17ምክያስ፥ “እስራኤለ ኦላንቾት ኡባይ ሄንንቾይ ባይና ዶርሳዳ ደርያ ቦላ ላለትዳይሳ ታ በአስ። ጎዳይ፥ ‘ሀይሳታስ ጎድ ባዋ። ኤንቲ ኡባይ ባንታ ሶ ሶ ሳሮ ቦ’ ” ያግስ።18እስራኤለ ካዎይ እዮሳፈፃኮ፥ “እ ታባ ኢታባ ኦዴስፐ አትሽን፥ ሎኦባ ኦድ ኤረና ጋዳ፥ ታ ነዉ ኦዳብክና?” ያግስ።19ምክያስ ጉጅድ፥ “ህዛ ጎዳይ ግያባ ስአ! ጎዳይ ባ አራታን ኡትን፥ ሳሎ ኪታንቾት ኡባይ እያ ኡሻቻንነ ሀድርሳን ኤቅዳሽን በአስ።20ጎዳይ፥ ‘አካብ ጋላዳን ደእያ ራሞታ ካታማ ብድ፥ ያን ሀይቃና መላ ባለናይ ኦኔ?’ ያግስ። እሶይ ሀይሳዳ ግያ ዎደ ሀንኮይ ቃስ ሄሳዳ ጌስ።21ዉርሰን እስ አያን ከይድ ጎዳ ስንን ኤቅድ፥ ‘ታ እያ ባለና’ ” ያግስ።22ጎዳይ፥ “ነ ዋታ ባለኔ?” ያግስ። አያናይ፥ “ታ ባዳ፥ እያ ናበታ ኡባ ዶናን ዎርዶ አያና ግዳና” ያግስ። ጎዳይ፥ “ነ እያ ባለና፤ ነዉ ሄስ ሀናና። ባዳ ባለ” ያግስ።23ምክያስ ጉጅድካ፥ “ሄኮ፥ ጎዳይ ነ ቦላ ዮ ኤሀናዉ ቃችዳ ግሾ ነ ናበታ ኡባ ዶናን ዎርዶ አያና ዎስ” ያግስ።24ሄሳፈ ጉየ፥ ከናና ናአይ ሰደቅያስ ሺቅድ፥ ምክያሳ ባቅድ፥ “ጎዳ አያናይ ታና አግድ ዋንድ ነዉ ኦዳናዉ ብዴ?” ያግስ።25ምክያስ፥ “ሄኮ፥ ኔኒ ቆሰታናዉ ቆልአ ገልያ ጋላስ ሄሳ ደማና” ያግስ።26እስራኤለ ካዎይ ባ ኦላንቾታፐ እሱዋ፥ “ምክያሳ ኦይካዳ ካታማ ሃርያ አሞነስነ ታ ናኣ እዮኣሳስ ኤፋዳ እማ።27ካዎይ ስማና ጋካናዉ ሀ አድያ ቃሾ ኬን ዎተ። ታኒ ሳሮ ስማና ጋካናዉ፥ ጉ ኡይፈነ ሃፈ ሀራባ አይኮካ እያዉ እሞፕተ” ያግስ።28ምክያስ፥ “ቱማ ነ ሳሮ ስምያባ ግድኮ፥ ጎዳይ ታዉ ኦድቤና” ያግስ። ቃስካ፥ ምክያስ፥ “አሳ ኡባይ ታ ኦድዳይሳ አኬክተ” ያግስ።አካባ ሀይቁዋ
29ሄሳፈ ጉየ፥ እስራኤለ ካዎይነ ይሁዳ ካዎይ እዮሳፈፅ ጋላዳን ደእያ ራሞታ ካታማ ብዶሶና።30እስራኤለ ካዎይ እዮሳፈፅ፥ “ታ ማኡዋ ላማዳ፥ ሀራ አስ ዳናዳ ኦላ ገላና፤ ሽን ኔኒ ነ ካዎ ማኡዋ ማአ” ያግስ። እስራኤለ ካዎይ ማኡዋ ላምድ፥ ሀራ አስ ዳንድ ኦላ ገልስ።31ሶረ ካዎይ ባ ፓራ ጋረታ ኪትያ ሀስታማነ ናምኡ አሳታኮ፥ “ካዋ ፃላል አትሽን፥ ሀራ ኦደራካ ኦለቶፍተ” ያግድ ኪትስ።32ፓራ ጋርያ ኪተይሳት እዮሳፈፃ በእዳ ዎደ፥ “ቱማ ሀይስ እስራኤለ ካዋ” ያግዶሶና። እያራ ኦለታናዉ ስምን እዮሳፈፅ ዋስስ።33ፓራ ጋረታ ኪተይሳት፥ እ እስራኤለ ካዋ ግዶናይሳ በእድ፥ እያ የደይሳ አጋግዶሶና።34ግዶሽን፥ እስ አደይ ጮ ባ ዶንግያ ዱክድ፥ እስራኤለ ካዋ ኦላ ማኦይ ጋሄትያ በሳራ ጫድን፥ እስራኤለ ካዎይ ባ ጋርያ ላግያ አድያኮ፥ “ጋርያ ጉየ ዛራዳ፥ ታና ኦላ ግዶፈ ከሳ፤ ታኒ ኢታ ጫቸ ጫደታስ” ያግስ።35ሄ ጋላስ ኦላይ ጎብያ ዎደ፥ እስራኤለ ካዎይ አካብ ባ ፓራ ጋርያ ግዶን ዘምፕድ፥ ሶረታ ስንን ታክስ። እያ ሱይ ፓራ ጋርያ ግዶ ጉክን፥ እ ኦማርስ ሀይቅስ።36አዋይ ዉላናዉ ማትሽን፥ “አሳ ኡባይ ባ ካታማ ካታማ ቦ! አሳ ኡባይ ባ ቢታ ቢታ ቦ!” ግያ ኪት ስኤትስ።37ኤንቲ ካዋ ሳማረ ካታማ ኤፍድ ያን ሞግዶሶና።38ላይማ ማጫሳት ሜጨትያ፥ ተቀትድ ኡትዳ ሳማረ ሃን ጋርያ ሜጭዶሶና። ጎዳይ ካሰ ኦድዳ ቃላዳ እያ ሱ ካናት ላጭዶሶና።39አካብ ሀንዳ ሀራባይ፥ እ ኦዳባ ኡባይ፥ ዳንጋርሳ ዛለን ካዎ ጋ ኬፅዳባነ ግምብዳ ካታማታባይ ኡባይ እስራኤለ ካዎታ ታርከ ማፃፋን ፃፈትስ።40አካብ ሀይቅድ ባ ማይዛታን ጋሄትስ፤ እያ በሳን እያ ናአይ አካዝያስ ካዎትስ።ይሁዳ ካዋ እዮሳፈፃ
41እስራኤለ ካዎይ አካብ ካዎትዳ ኦይዳን ላይን አሳ ናአይ እዮሳፈፅ ይሁዳን ካዎትስ።42እ ካዎትያ ዎደ ላይ እያዉ ሀስታማነ እቻሻ፤ እ የሩሳላመን ላታማነ እቻሹ ላይ ካዎትስ። እያ አይያ ሽልሀ ናእዉ አዙቦ።43እዮሳፈፅ ባ አዋ አሳ ኦግያን ሄመትስ፤ እ ሄ ኦግያፐ ገደ ሃ ግቤና፤ ጎዳ ስንን ሱረባ ኦስ። ግዶሽን፥ ቃ ጎይኖ በሳታ ይስቤና፤ አሳይ ሄ በሳን ያርሾነ እፃነ ጩይሰ አግቤና።44እዮሳፈፅ እስራኤለ ካዉዋራ ስገትስ።45እዮሳፈፅ ሀንዳ ሀራባይ፥ እያ ምኖተይነ እ ኦለትዳ ኦላይ ይሁዳ ካዎታ ታርከ ማፃፋን ፃፈትስ።46እያ አዋይ አስ ካዎትዳ ዎድያፐ ዶምን፥ አትዳ አደራ አደራ ላይማተይሳታ ቢታፈ ድግስ።47ሄ ዎደ ኤዶመ ቢታን ካዎይ ባዋ፤ ሄ ቢታን ሹመትዳ ሀላቅ ሃርስ።48ኦፍራ ቢታፈ ዎርቃ ኤሀና መላ እዮሳፈፅ ግታ ማርካበታ ኦስስስ፤ ሽን ሄ ማርካበት ኤፅዮን-ጋብራን መቀረትዶሶናፐ አትሽን፥ ኩም ብቦኮና።49ሄ ዎደ አካባ ናአይ አካዝያስ፥ “ታ ኦሳንቾት ነ ኦሳንቾታራ እስፈ ማርካብያን ቦ” ያግስ፤ ሽን እዮሳፈፅ እፅስ።50እዮሳፈፅ ሀይቅድ ባ ማይዛታን ጋሄትስ። ባ ማይዛ ዳዊታ ካታማን ሞገትስ። እያ በሳን እያ ናአይ እዮራም ካዎትስ።እስራኤለ ካዋ አካዝያሳ
51ይሁዳ ካዎይ እዮሳፈፅ ካዎትዳ ታማነ ላፑን ላይን፥ አካባ ናአይ አካዝያስ እስራኤለ ቦላ ሳማረን ካዎትስ፤ እስራኤለ ቦላ ናምኡ ላይ ካዎትስ።52አካዝያስ ጎዳ ስንን ኢታባ ኦስ፤ ባ አዋነ ባ አየ ኦግያንነ እስራኤለ አሳ ናጋራ ኦስስዳ፥ ናባፃ ናኣ እዮርባማ ኦግያን ሄመትስ።53አካዝያስ ባኣለ ኤቃስ ኦስ፤ እያ ጎይንስ። እያ አዋይ ካሰ ኦዳይሳዳ፥ ጎዳ እስራኤለ ፆሳ ሀንቀስ።