Mazamure Maxaafa
69
/
gmv_ltw
share
Share
Dawiti Zammareta Kaabbos Ciishshata Giigiso Geetettiza Waaxan Yexxida Mazamure
1
Abeet Xoossawu!
Haaththa kixay taas
qoodhe gakkida gishshas
ne tana ashsha.
2
Tohoy eqqizasoy baynda
caren mitettadis;
ciimma haaththa giddo geladis;
haaththa dambalay
tana mittana hanees.
3
Tani maado demmanaas
waassashe daaburadis;
taas qoodhe poorandeyka
melides.
Ta Xoossa naagon dishin
ta ayfey baljumides.
4
Tana mela coo ixxizayti
ta hu7e binanappe daro.
Wordora tana morkkizaytinne
tana dhayssanawu
koyzayti darida.
Ta kaysa ekkontta miish
tana qanxxa gida.
5
Abeet Xoossawu!
Ta eeyateththa neni eraasa;
ta ooththida nagaray
neeppe qotettibeenna.
6
Abeet Godawu,
Ubbaafe Wolqqama GODAWU!
Nena hidota ooththidayti
yeellatopetto;
Abeet Isra7eele Xoossawu!
Nena minththi koyzayti
ta gaason kawuyofetto.
7
Tani cash ne gishshas
gaada dandayadis;
ta ayfesoy yeellatides.
8
Tani ta ishanttas imath,
qasse ta aayey naytas
allaga gidadis.
9
Tani ne keeththas
mishettiza mishoy
tana tama mala xuuggees;
Asay nena cayida cashshay
tana gakkides.
10
Ta xoomashe yeekkadis;
hessankka ta qidhettadis.
11
Tani kayo may7o may7adis;
isttaskka tani tosses
info
attadis.
12
Tani katama geliza pengen
uttizaytas zigirsas attadis;
maththottizaytas
yeththas gidadis.
13
Abeet GODAWU!
Tani gidikko nena woossays.
Abeet Xoossawu!
Ne doorida wode
ta woosa siya;
ne mernaa siiqon
ne ashshiza ashoza tana bessa.
14
Caren mitettontta mala
tana ashsha.
Tana ixxizaytappe tana naaga;
ciimma haaththafekka tana ashsha.
15
Di7o haaththi tana efoppo;
ciimma abbay tana mittofo;
ciimma ollay ta bolla woddofo.
16
Abeet GODAWU!
Ne mernaa siiqo kiyateththa mala
taas zaaro imma;
Ne qadheta daron taakko simma.
17
Taappe ne ayllezappe
ne sinththa genththofa;
tani waayettiza gishshas
taas eeson zaaro imma.
18
Neni taakko shiiqada tana wozza;
ta morkketappekka
tana kessa la7a yedda.
19
Ta bolla gakkida cashsha, yeellateththaanne
kawushshateththaa ne eraasa;
ta morkketakka hu7en hu7en
ne demmaasa.
20
Cashshi ta wozina madunththiin
ta hidota qanxxadis.
Taas qadhettiza as koyadis;
gido attiin issi asikka deenna.
Tana minththeththiza as koyadis;
gido attiin issaadeka
demmabeekke.
21
Tani gafida wode
taas cammiza kath immida.
Tani saamettida wode
taas caala phanqida
ushshu immida.
22
Istti miza maadday
isttas woximade gido.
Istti yarsho yarshidi
miza maadday isttas gite gido.
23
Xeellontta mala
istta ayfey goozetto;
istta zokkoy quunni atto.
24
Neni ne hanqoza istta bolla gussa;
istti qoppontta dishin
ne boshay istta bolla gakko.
25
Istta duussasoy kays gido;
istta dunkaanen oonikka dooppo.
26
Ays giikko neni qaxxaydayta
istti yedeththeettes;
qasse neni madunththida
asata bolla
meto darseettes.
27
Istti nagara bolla nagara
gujji gujji baana mala aggaaga;
ne istta maaroppa.
28
Istti de7o maxaafappe qucettetto;
xillotara issife mazgabettofetto.
29
Gido attiin tani sakettashenne
waayettashe de7ays.
Abeet Xoossawu!
Ne tana ashshadanne naaga.
30
Tani Xoossa sunththa
yeththan galatana;
galata yeththan
iza gitateththaa qonccisana.
31
Hayssi sangettontta boorappenne
korma yarshofe
aadhdhidi GODAA ufayssana.
32
Qohettidayti tana
Xoossay ashshidayssa
be7idi ufayetetto.
Intteno Xoossako shiiqizayto
intte wozinay minetto.
33
Ays giikko GODAY hiyeesata siyees;
qasho keeththan de7iza
ba asaakka kadhenna.
34
Saloynne sa7ay,
abbaynne iza giddon
woxxi qaaxxiza ubbati
Xoossaa galatetto.
35
Gaasoykka Xoossi
Xiyoone ashshana;
Yuhuda katamata zaaridi essana.
Iza derey he biitta laattidi
heen de7ana.
36
Iza oosanchchata zarey
he biitta laattana;
iza sunththa siiqizayti
heen de7ana.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
chevron_right
Next Chapter