Mazamure Maxaafa
53
/
gmv_ltw
Dawiti Zammareta Kaabbos Hassa7an Shiishshida Ginxo
1
Eeyati bantta wozinan,
«Xoossi baawa» geettes;
istti moorettidayta;
istta oosoykka harassizaaza;
istta garsafe
lo7o ooththizay deenna.
2
Xoossa koyzaytinne akeekizayti
de7izakko be7anawu
Xoossi saloppe duge
asa nayta xeellees.
3
Istti ubbayka Xoossaafe haakkida;
ubbayka issife tunida;
lo7o ooththiza asi deenna;
haray atto issaadeyka baawa.
4
Xoossi, «Asi kath miza mala
ta deraa bonqqi mizayti,
Xoos woossi eronttayti,
heyti iita ooththizayti
yuushshi qoppettennee?» gees.
5
Xoossi ba asaa morkkizayta
meqeththaa laallana;
istti kase dagammi erontta
dagama dagammana.
Xoossi istta kadhida gishshas
istti yeellatana;
6
Isra7eeles atoteththi
Xiyooneppe yidaakko!
Xoossi ba deraappe di7ettidayssa
zaariza wode
Yaaqoobe zareti ufayettana;
Isra7eele asay ufayettana.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter