Ermaasa zilas
3
/
gmv_ltw
Maareteththan Beettiza Hidota
1
Godaa hanqo guufen waaye be7ida
asi tana.
2
Izi tana ba sinththafe
kessi yeddides;
poo7oy baynda gede dhuman
tana gelththides.
3
Izi kumeththa gallas
zaari zaaridi tana shocides.
4
Izi ta asateththaaka ceegissides;
ta meqeththatakka
menththereththides.
5
Izi tana metoninne
iita tugga giddo yeggides.
6
Hayqqidi gam7ida asa mala
tani dhuman
daana mala ooththides.
7
Ta kezontta mala
ta yuushoza dirdes;
mino sansalatan
tana qachchides.
8
Tani maado koyada
waassa xeygiinkka
izi ta waasaa
siyanaas koyibeenna.
9
Ta ogeza masettida
shuchchan gordides;
ta aadhdha biza
ogezakka geellasides.
10
Izi taas zamadi uttida
zardo mala gidides;
qasseka qotetti naagiza
gaammo mala gidides.
11
Tana ta biza ogeppe
goochchi kessidi
duusereththi yeggides;
tana asi bayndason olaagides.
12
Izi ba wondafe
dafi oykkides;
tana caddanaas
ba yiish giigsi woththides.
13
Izi yiishshaa yeddidi
taas wozina ayfen caddides.
14
Tani ta dere asaas
qidhe miish gidadis;
gallas kumeth ta bolla
qidhe mazamure yexxeettes.
15
Izi ta de7oza camon kunththides;
izi tana ciye ushshu kalssides.
16
Izi ta ach shuchchan menththides;
izi tana gudullan yedhettides.
17
Ta shemppoys saroteththi dhaydes;
ufayssi izi aazakkonne
ta baladis.
18
Hessa gishshas,
«Ta bonchchoy
taappe shaakettides;
tani Xoossafe naagiza hidota
ubbay dhaydes» gadis.
19
Ta waayenne ta toylateththaa
ta qoppishin ta de7oy
tana cammides.
20
Ubbaa wodekka ta hayssa qoppishin
ta wozinay ceecees.
21
Gidikkoka tani
hayssa qoppiza wode
taas sinththafe hidotay dees.
22
Hessika nuni dhayontta aggiday
GODAA siiqoy
daro gidida gaasonna;
iza qadhetaykka mernaas
wurontta gishshassa.
23
Istti maalado maalado ooraththa;
Ne ammaneteththayka daro.
24
Taas qaaday GODAA;
hessa gishshas ta izan xalla
hidota ooththays.
25
GODAY bana hidota
ooththizaytassinne
iza koyzaytas lo7o.
26
GODAY as ashshiza ashoza
izaadey co7u gi naagikko lo7o.
27
Asi yelagateththa woden
qambara tookkiko lo7o.
28
GODAY iza toossida gishshas
izi barkka co7u gi utto.
29
Sinththafe izas hidotay daana
dandayza gishshas
bana ziqqi histti haariso.
30
Baqqana koyidaades
izi ba shagala besso;
kawushshateththika ekko.
31
GODAY ase mernaaskka
yeggi aggenna.
32
Izi asa bolla meto ehikkoka
ba mernaa siiqon
simmi qadhettees;
33
Izi odidi asa bolla meto
woykko waaye ehi erenna.
34
Deraan diza qasho asay
ubbay genen yedhettishin,
35
Ubbaafe Dhoqqa Xoossay beyishin
asas asateththa
maatay digettiza wode,
36
qasseka tuma pirday
geellattiza wode
GODAY hessa mala
hanota demmennee?
37
Xoossi azazontta dishin
ba gidaaz polanaas
dandayzay oonee?
38
Iita gidiin woykko lo7o gidiin
ba gidaaz polizay
Ubbaafe Dhoqqa Xoossaa gidennee?
39
Histtiin shemppora
paxa diza asi ba nagaran
qaxxayettishe aazas zuuzumizee?
40
Hessa aggidi nuni
nu oge ane pilggi xeelloos;
GODAAKKOKA simmoos.
41
Ane nuni nu wozinanne
nu kushe salon diza
Xoossako pude denththidi,
42
«Nu GODAWU! Nuni makkallidos;
nagarakka ooththidos;
hessa gishshas neni
nuna maarabeekka.
43
Neni hanqon kumada
nuna gooddadasa;
ne nuna
qadhetay baynda wodhadasa.
44
Woosay neekko aadhdhi
bontta mala
nena shaaran kammadasa.
45
Ne nuna ayzaabeta giddon
orcconne buura kessadasa.
46
Nu morkketi ubbay
ba doona nu bolla doyda.
47
Nuni bashshaninne
laaleteththan metoninne
shiron kumdos» goos.
48
Ta derey wurida gishshas
ta ayfeppe afunththi
di7o mala goggides.
49
Shempontta ubba wode
ta ayfeppe afunththi gukkees.
50
Hessi hananay Xoossi saloppe
duge xeellana gakkanaassa.
51
Tani diza kataman diza
ubbaa maccassata bolla
gakkida metoza
tani ta ayfen be7ida gishshas
ta wozinay ceecides.
52
Gaasoykka baynda
taas morkke gididayti
kafo mala tana shankkatida.
53
Istti tani shemppora
paxa dishin duge ollan yeggida;
shuchchika ta bolla olida.
54
Haaththi kumidi
taas hu7e bollara goggides;
tani dhayadis gaada qoppadis.
55
Ta GODAWU!
Tani ciimma olla giddon dashe
ne sunththa xeygadis.
56
Ta waaso ne siyana mala
ta nena woossiin siyadasa.
57
Ta nena xeygida wode
ne taakko shiiqada,
«Yayyofa» gadasa.
58
Godoo! Ne taas mootettada
tana ashshadasa.
59
GODAWU! Ne ta bolla
gakkida qohoza beyadasa;
ne taas pirda.
60
Ta morkketi ta bolla
halo kessanaas qoppidayssanne
istti ta bolla
zuppetidayssa ne beyadasa.
61
Ta GODAWU!
Istti tana cayida cashshanne
ta bolla maqettida maqqoza
ne siyadasa.
62
Gallas kumeth ta morkketi
ta bolla saasuketteettessinne
zuuzumeettes.
63
Ne istta xeella!
Istti eqqidi gidiin uttidi
ba yeththan tana caddeettes.
64
Ta GODAWU! Ne isttas
istta ooso mala imma.
65
Istta wozina dammisa;
Ne qanggeththi istta gakko.
66
Abeet GODAWU!
Ne istta ne hanqon goodda;
salo garsafe dhayssa.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter