Isayaasa Tinbite
3
/
gmv_ltw
Yerusalaame Bollanne Yuhuda Bolla Yaana Pirda
1
Be7ite, GODAY Ubbaafe Wolqqama GODAY
asas koshshiza kath,
haaththinne maado ubbaa
Yerusalaameppenne
Yuhudappe diggana.
2
Qaratanne olanchchata,
pirdizaytanne nabeta,
muurennizaytanne cimata,
3
hamsa halaqatanne ola gadawata,
zoranchchatanne hiillanchchata,
cinccateththan bitizayta
ubbaa dhayssana.
4
Tani yelaga nayta
istta bolla shuumana;
qeeri nayti istta haarana.
5
Derey dere bolla,
asi issoy issaa bolla,
shooroy shooro bolla,
yelaga nayti cimata bolla,
shufuroy bonchchettidayta bolla
dendana.
6
Asi ba aawa keeththan
ba ishanttafe oykkidi,
«Nees may7oy diza gishshas
nuna kaaleththizayssa gida;
ha laalettida sohoza aawateth
ne ekka» gaana.
7
Histtiin izi he wode
ba qaala dhoqqu histtidi,
«Tani aykkoka maaddike;
tason may7oynne miza kaththi
baynda gishshas tana
dere kaaleththizaade
histtofte» gaana.
8
Yerusalaamey gandigarawus;
Yuhudaykka kundana matadus;
gaasoykka istti
bantta haasayaninne
ooson GODAARA eqettishe
iza bonchchoza toochcheettes.
9
Istta ayfesoy
istta bolla markkattees;
istti Sodoome asaa mala
bantta nagaraa qottontta
qonccen haasayeettes;
istti bantta bolla iita miish
ehiza gishshas
isttas aayye ana!
10
Xillotas, «Xilloti ba lo7o ooso
ayfe maana;
hessa gishshas
isttas lo7o gidana» ga yoota.
11
Iitatas aayye ana!
Istta bolla iita miishshi yaana;
ays giikko istti
bantta ooso mala ekkana.
12
Yelagati ta deraa un7eththeettes;
maccassatikka istta haareettes;
Ta derezoo!
Inttena kaaleththizayti
inttena baleththida;
intte biza ogeppeka
inttena kare kessida.
Goday Ba Asaa Bolla Pirdana Pirda
13
GODAY pirdanaas shilotan uttides;
deraa bolla pirdanaas dendides.
14
GODAY dere cimatanne
kaaleththizayta pirdanaas
issi bolla shiishshidi,
«Tani woyne tokkizasohoza
iissideta;
manqotappe intte bonqqidayssi
intte qol7an dees.
15
Ta deraa ays meton liiqisidetii?
Manqota ays yeesseetii?
Hayssa yootiday tana Goda,
Ubbaafe Wolqqama
GODAA Xoossaa» gees.
Xiyoone Maccassatas Imettida Seera
16
GODAY, «Xiyoone maccassati
otorettida;
bantta qoodhe warxi histtishe,
bantta ayfen som7i bessishe,
bantta duca qaaththishe,
bantta tohon diza sagayo
giirissishe hemetteettes.
17
Hessa gishshas tani GODAY
Xiyoone maccassata hu7e
citton goo7issana;
tani GODAY istta hu7e
bo7asana» gees.
18
He gallas GODAY Xiyoone maccassata alleqo miishshata, heytikka toho sagayota, hu7e alleqota, qoodhe gozdata,
19
hayththa gutichchata, kushe sagayota, ayfeso kammiza quraaceta,
20
hu7e goosseta, sagayota, hu7e alleqota, xeessan dancciza danccota, shitto bilqaaxeta, ashenkitaabeta,
21
siidhe midigata, biradhdhe midigata,
22
seelo may7ota, garsara may7iza may7ota, kaabbata, kushe karaxiiteta,
23
Heregata, laynota, giddora may7iza may7ota, binana qachchiza alleqotanne ayfeso kammiza qolleta ubbaa dafi ekkana.
24
Shitto xinqqon, dancco wodoron,
goofare bo7an,
seelo may7o maaqan,
puulateth pigen laammana.
25
Inttes attuma asati giththa mashshan,
olanchchati olan hayqqana.
26
Xiyoone pengeti
kallo gaden wodhdha uttada
yeekkiza maccassa mala
yeekkananne zilalana.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter