Efesoone Asaas5gmv_ltw

1Hessa gishshas intte dosettiza nayta mala Xoos misatite.2Kirstoosi nuna siiqida mala qasseka nu gishshas bana sawiza yarsho ooththi Xoossas immida mala intteka siiqon simerettite.3Laymay woykko tunateththi woykko uuzeteththi mulekka intte giddon beetoy attiin zigirsika siyettofo; hessa malay geeshsha Xoossa asas bessenna.4Intte galata galatizayta gidite attiin ase yeellachchiza laafa haasayay, coo eeyateththa yo7oy inttes bessontta gishshas hessa malay intte garsan dooppo.5Qasseka intte laymatizaytas woykko tunatas woykko uuzettizaytassinne eeqas goynnizaytas Kirstoosa kawoteththaninne Xoossa Kawoteththan isttas laatasoy bayndayssa intte erite.6Inttena oonikka wordo haasayan baleththofo; gaasoykka Xoossa hanqoy izas azazettontta nayta bolla yaanay haytantta malanna.7Hessa gishshas hessantta malara zuppetopite.8Kase intte dhuma shin Godaan ha7i intte poo7o; intte poo7o nayta mala diite.9Poo7os ayfey lo7eteththan, xilloteththaninne tumateththan ubbaan dees.10Hessaththoka Godaa ufayssiza miish koyite.11Ayfey baynda dhuma oosora inttes aykko gaagoteththi dooppo; hessafe iita ooso qoncce kessite.12Dhuman diza asati geeman ooththiza miishsha gishshas haasayaykka yeellachchees.13Poo7oy poo7idaazi wuri qonccen beettees.14Gaasoykka ubbaa bessizay poo7o; hessa gishshas,«Nenoo, dhiskizaysso beegga!Hayqoppe denda!Kirstoosi nees poo7isana» geetettides.15Hessa gishshas erateththi bayndayta mala gidontta intte waanidi erata mala daanaakko naagettite.16Hayssi wodezi iita gidida gishshas hessa lo7eththi erite.17Hessa gishshas eeyata gidopite; Godaa sheney aazakko yuushshi qopite.18Ayanay kumidayta gidite attiin maththosiza ushshan maththottofte; hessi coo mela miishsha laaleththa.19Ayana yeththan galatara gaththi yexxishe intte giddon issoy issaara haasayettite; intte sabaninne yeththan kumeththa wozinappe Godaa galatite.20Hessan Xoossa Aawaa, Godaa Yesus Kirstoosa sunththaa ubba miishshas ubba wode galatite.

Machchonne Azina

21Intte Kirstoosa bonchchos giidi yashshara issoy issaas azazettite.22Machcheto intte Godaas haarettiza mala intte azinatas haarettite.23Kirstoosi ba asho gidida Woosa Keeththays hu7e gidida mala azinaykka ba machcheys hu7e.24Hessa gishshas Woosa Keeththiya Kirstoosas azazettiza mala machchetikka ba azinatas ay hanonkka azazettanaas bessees.25Azinatoo! Kirstoosi Woosa Keeththayo siiqida malanne bana izi gishshas aaththi immida mala intteka intte machcheta siiqite.26Ba qaala baggara haaththan meecci geeshshi dummasides.27Hessaththoka qitay woykko ayfeso xirphoteththi woykko issi iitay izi bolla beettontta geeshshinne balay izi bolla bayndaaro bonchcho Woosa Keeththe histtidi shiishshanaassa.28Azinatikka hessaththo ba machcheta ba asho mala siiqanaas bessees; ba machcho siiqizaadey bana siiqees.29Barkka bana ixxizaadey oonikka deenna; ba ashos meessinne bana naagees; Kirstoosikka Woosa Keeththas hinniththo ooththides.30Nuni Kirstoosa asateththa.31Hessa gishshas, «Asi aayonne aawa aggidi ba machcheyra issino gidees; nam7ayka issi asho gideettes» geetetti Geeshsha Maxaafan xaafettides.32Hayssi daro xuura yo7o; tanikka hayssa Kirstoosa gishshassinne Woosa Keeththa gishshas yootays.33Gidikkoka inttefe issi issaadey ba machcho bana siiqiza mala siiqo; machchaka ba azinaa bonchchu.
expand_more
Search