1Yohannisa Kiita5gmv_ltw
Xoossa Naan Ammano
1Yesusi izi Kirstoosa gididayssa ammanizay wuri Xoossafe yelettides. Aawaa dosizay wuri naazakka izaththo dosees.2Nuni Xoos dosikkonne iza azazo naagikko nuni Xoossa nayta siiqizayssa hessan eroos.3Xoossa doso guussi iza azazo naago; iza azazoti deexo gidettenna.4Gaasoykka Xoossafe yelettiday wuri alame xoonees; alame xoonizaykka nu ammano.5Yesusi Xoossa naa gididayssa ammanizaadefe attiin alame xoonizay haray oonee?6Haaththaninne suuththan yiday hayssa Yesus Kirstoosa; izi haaththaninne suuththan yides attiin haaththan xalla yibeenna; hessaka iza gishshas markkattizay Ayana; he Ayanay tumu ayana.7Hessa gishshas izas heedzdzu markkati deettes.8Heytikka ayana, haaththenne suuth; heedzdzata qaalaykka issino.9Nu asa markkateth ammanikko Xoossa markkateththi hessafe aadhdhees; hessika izi ba naaza gishshas immida Xoossa markkateththa.10Xoossa Naan ammaniza ubbaa wozinan iza gishshas markkateththi dees; Xoos ammanonttay wurikka Xoossi ba Naaza gishshas immida markkateththaa ammanontta gishshas iza wordosees.11Iza markkateththika Xoossi mernaa de7o nuus immides; he de7oykka iza Naazan dees gizayssa.12Naazi dizaades de7oy dees; Xoossa Nay bayndaades de7oy deenna.Kuushsha Qofa
13Inttes Xoossa Naan ammanizaytas mernaa de7oy dizayssa intte erana mala ta hayssa inttes xaafays.14Nu Xoossa sinth shiiqanaas nuus diza xalateththi hayssa; nu ay miishshika iza shene mala woossiko izi nu woosaa siyana.15Nu iza woossiza miish izi ubbaa siyizayssa nu erizaa gidikko nu woossida miishshaa ubbaa ekkanayssa nu eroos.16Oonikka ba ishay bana hayqos gaththontta nagara ooththishin beyikko izas woosso; Xoossika hayqos gaththontta nagara ooththidaytas de7o immana; hayqos gaththiza nagaraykka dees; hayqos gaththiza nagara gishshas woosso giikke.17Makkallay wurikka nagara; hayqos gaththontta nagaraykka dees.18Xoossafe yelettiday wuri nagara ooththenna; gaasoykka Xoossa Nay iza naagizayssanne iitay iza bochchonttayssa nu eroos.19Nuni Xoossafe gididayssanne alamey kumeth iita asa kushen dizayssa nu eroos.20Xoossa Nay yidayssanne nuni tuma Xoossaa erana mala akeeka izi nuus immidayssa nu eroos; nunikka tumu gidida iza Naaza Yesus Kirstoosan doos; Izikka tumu Xoossanne mernaa de7o.21Naytoo! Inttenateththaa eeqatappe naagite.No translations available.