1Taarike Maxaafa16gmv_ltw

1Istti Xoossa Taabotaa ehidi Dawiti Taabotaa woththanaas tolida dunkaaneza giddon woththida; histtidi xuugettiza yarshonne issifeteththa yarsho Xoossas yarshida.2Dawiti xuugettiza yarshozanne issifeteththa yarsho yarshidaappe guye GODAA sunththan dereza anjjides.3Hessafe guye Isra7eele asa ubbaas, maccassaassinne attumasaas, hu7en hu7en issi issi guuththa uketh, issi issi qanxxo ashonne issi issi zabibe kompagishides.4GODAA Taabotaa sinththan ooththana malanne GODAA Isra7eele Xoossa woossanaas, sabbanaassinne galatanaas Dawiti Lewe qommotappe guuththata sunththides.5Leweta halaqay Aasaafe; izappe garsara Zakaraasa; Zakaraasara dizayti Yi7i7eele, Shamiramoote, Yihi7eele, Matitiya, Elyaabe, Bannayanne Obeed-Eedoomenne Yi7i7eele; heyti maasinqonne diith diixxana mala summida; Asaafi gidikko daala qaaththanaas summides.6Qeese Bannayaynne Yahazi7eeley Xoossaa Taabotaa sinththan ubba wode zaye punnana mala summida.

Galata Yeththa

7He gallas Dawiti kasetidi Aasaafessinne izara ooththiza laggetas GODAA galatiza mazamure immides.8GODAA galatite;iza sunththaa xeygite;izi ooththida ubbaakawoteththatas yootite.9Iza sabbite;galata mazamurekka izas yexxite;izi ooththida malalisiza oosoubbaa yootite.10Iza geeshsha sunththaanbonchchite;GODAA koyzaytawozinay ufayetto.11GODAANNE iza wolqqa xomosite;ubba wode iza koyite.12Izi ooththida malalisiza oosota,malaatatanne iza pirdaa akeekite.13Intteno Xoossa aylleIsra7eele zereththatoo!Intteno doorettidaYaaqoobe naytoo!14Izi GODAY nu Xoossa;iza pirday ubbaa bollanna.15Ba caaqqida qaalaa mernaas,ba azazidayssaka shii yeletagakkanaas qoppees.16Abrahaames caaqqida caaqaa,Yisaaqas immida hidota qaalaa,17Yaaqoobes woga gidana mala,Isra7eelesikka mernaa caaqoqaala gidana mala minththides.18«Kanaaney neesxinxxo gidana malata nena laatissana» gides.
19Istti qoodan guuth gidi diza wode,deraasikka imath gidi diza wode,20issi dereppe hara dere,issi kawoteththafehara kawoteth toylattida.21Oonikka istta un7eththana malaaaththi immibeenna;istta gishshas kawota seerides;22«Ta tiydayta bochchofte;ta nabeta qohopite» gides.
23Biitta ubbay GODAAS yexxite;izi ashshizayssahach hach yootite.24Kawoteththatasiza bonchcho awajjite;izi ooththida malalisizamiishshata dereubbaas yootite.25GODAY gita;izas bessiza galataykka dhoqqa;xoossata ubbaafe aadhdhees;izas yayyanaas bessees.26Ayzaabeta xoossatiubbay eeqa xoossata;GODAY gidikkosalota medhdhida Xoossa.27Bonchchoynne teemay izas dees;minoteththinne ufayssiiza Keeththan dees.28Intteno asa zare ubbatoo!GODAA sabbite;«Bonchchoynne wolqqayGODAASSA» gi yootite.29GODAA sunththaas bessizabonchcho immite;yarsho ekkidi iza sinth shiiqite;iza geeshshateththa bonchchogishshas GODAAS goynnite.30Biittan diza as ubbayiza sinththan kokkorite;Sa7ay minni eqqides;mulekka qaaxxenna.31Saloti ufayetetto!sa7aykka hashshu go!Kawoteththata giddon isttas,«GODAY kawotides!» getto.32Abbaynne iza giddon dizaubbay guummetto;dembatinne istta bolla dizaubbati ufayetetto.33Izi biitta bolla pirdanaas yaana.He wode wora miththatiGodaa Xoossaasinththan ufayssan yexxana.34GODAY kiya;iza maaroteththayka mernaassa;hessa gishshas GODAA galatite.35«Abeet nuna ashshiza GODAWU!Nuna ashsha;ne geeshsha sunththaanu galatana mala,nu nena galatanbonchchana malakawoteththata giddofe nunashiishshada ashsha» giite.36GODAA Isra7eele Xoossaymernaappe mernaa gakkanaas galatetto!Hessafe guye dere ubbay, «Amiin» giidi GODAA galatides.

Yerusalaameninne Geba7oonen Hanida Goyno Maara

37GODAA Taabotaa sinththan hach hach goynos koshshizaaz ubba wode istti ooththana mala Dawiti Aasaafenne iza dabbota woththides.38Qasseka Obeed-Eedoomenne iza dabbota usuppun tammanne osppunata isttara ooththana mala woththides; Edotaane naa Obeed-Eedoomenne Hoosa dirsaa penge naagana mala woththides.39Qeese Saadooqenne izara ooththiza qeeseti Geba7oonen dhoqqasohon diza GODAA Dunkaaneza sinththan ooththana mala heen woththides.40Gaasoykka GODAY Isra7eeles immida wogaa mala istti ubba wode xuugettiza yarshoy yarshettizason maaladonne omars xuugettiza yarsho yarshanaassa.41Iza maarotay mernaas gidida gishshas GODAA galatana mala Hemaane, Edotaanenne doorettida harata Dawiti isttara issife essides.42Hemaanessinne Edotaanes xurumba punnanaas, daala giirissanaasinne mazamure yexxishe go7ettiza hara massarata bolla aawateththi isttas imettides; Edotaane nayti dirsa penge naagana mala alaafeteththi imettides.43Hessafe guye ubba asay baso baso bides; Dawitikka baso asaa anjjanaas soo simmides.
expand_more
Search