Read ዬ ማጻፋ 80

ዬ ማጻፋ80gmv_etw

ዛማሬታ ካቦስ «ጪሻ» ጌቴቲዛ ዲ ጊጊሶን ማርካቴስ ዬጼቲዳ ኣሳፌ ማዛሙሬ

¹ኣቤት ኢስራኤሌ ሄንንቻዉ!ዮሴፌ ናይታዉዴ ማላ ካሌዛይሶ!ኔኒ ኑ ዎሳ ሲያ፤ኪሩቤታ ቦላራ ዲዛኣራታን ኡቲዳይሶ!ኔ ፖኦን ቆንጫ።²ኤፍሬሜ፥ ቢኒያሜኔ ሚናሴሲንን ቆንጫ ቤታ፤ኔ ዎልቃ ዴንዳያዳ ኑና ኣሻ።

³ኣቤት ጾሳዉ!ኑና ዛራ፤ኑኒ ኣታና ማላኔ ኣይፌሶ ኑስ ፖኢሳ።⁴ኣቤት ጎዳዉኡባፌ ዎልቃማ ጾሳዉ!ኔ ኣሳ ዎሳ ቦላኣዉዴ ጋካናስኔ ሃንቄታኔ?⁵ኔኒ ኢስታ ዬሆቁማ ማላ ሚዛዳሳ፤ቃሴ ኣፉንሃ ማላ ኡሻዳሳ።⁶ኑ ሾሮቲ ኑ ቢታ ኤካናስባንታ ጊዶን ኦዬታና ማላኦዳሳ፤ኑ ሞርኬቲካኑ ቦላ ሚጪዳ።

⁷ኣቤት ኡባፌዎልቃማ ጾሳዉ!ኑና ዛራ፤ኑኒ ኣታና ማላኔ ኣይፌሶ ኑስ ፖኢሳ።⁸ኔኒ ጊብጼፔ ዎይኔ ኣኖ ኤሃዳሳ፤ካዎቴታ ዬዴዳኢስታ ቢታን ኢዞ ቶካዳሳ።⁹ኔኒ ኢዚስ ቢታ ቄጻ ጊጊሳዳሳ፤ሂስቲን ጻጶ ዬዳዳቢታ ኡባ ጋካዱስ።¹⁰ዙማቲ ኢዚ ኩዋን፥ሊባኖሴ ዚጋቲኢዚ ሃጋታን ካሜቲዳ።¹¹ባ ሃጋታ ሜዲቴራኔኣባ ጋካናስቃሴ ባ ጼራታ ኤፊራጺሴሻፋ ጋካናስ ዬዳዱስ።

¹²ሂስቲን ኦጌራ ኣዛ ኡባይኢዚ ኣይፌ ዱ ማና ማላኢዚ ዩሾዛን ዲዛ ጊምቤዛኣይስ ላላዲ?¹³ባዞ ጉዱንኢዚ ቦላ ዱሪ ካኤስ፤ቃሴ ዎራ ዶኣቲኡባይ ኢዞ ሜቴስ።¹⁴ኣቤት ኡባፌዎልቃማ ጾሳዉ!ኔኒ ኑኮ ሲማ፤ሳሎራ ዱጌ ጼላዳ ኑና ቤኣ፤ሃኖ ዎይኔ ሚዮ ናጋ።¹⁵ኢዛ ኔ ኡሻቻ ኩሼይቶኪዳ ፑቴ፤ኔኒ ኔስ ጋዳ ዲቺዳ ኣጫ።

¹⁶ሞርኬቲ ኔ ዎይኔ ቄጺዲታማን ጹጊዳ፤ሄሳ ጊሻስ ኔኒ ኢስታኔ ሃንቆዛ ሱሌን ይሳ።¹⁷ኔ ኩሼይኔ ኡሻቻ ባጋራ ዲዛ ኣሳኔኒ ኔስ ዲቺዳ ኣሳ ናጎ።¹⁸ሃይሳፌ ጉዬ ኑኒኔና ኣጊዲ ጉዬ ሲሞኮ፤ኑና ሼምፖራ ፓጻ ዎ፤ኑኒካ ኔና ጋላታና።

¹⁹ኣቤት ኡባፌዎልቃማ ጾሳዉ!ኑና ዛራ፤ኑኒ ኣታና ማላኔ ኣይፌሶ ኑስ ፖኢሳ።

ዬ ማጻፋ 80 / gmv_etw

ዛማሬታ ካቦስ «ጪሻ» ጌቴቲዛ ዲ ጊጊሶን ማርካቴስ ዬጼቲዳ ኣሳፌ ማዛሙሬ

ዬ ማጻፋ80gmv_etw