ዬ ማጻፋ 16 - ጌሻ ማጻፋ | Seed Bible

ዬ ማጻፋ16gmv_etw

ዳዊቴ ዎሳ

¹ኣቤት ጎዳዉ!ታ ባቃታ ኣቲዛሶይ ኔና፤ኔ ኪኦን ታና ቆታ።

²ታኒ ጎዳስ፥ «ኔኒ ታ ጎዳ፤ኔፔ ኣቲን ሃራ ሎኦይታስ ዴና» ጋዲስ።³ሳኣን ዴኢዛ ጌሻቲኣይ ማላ ቦንቼቲዳይቴ!ታኒ ኢስታን ኡፋዬታይስ።⁴ዎርዶ ጾሳታ ካሊዛይቲባንታ ቦላ ሜቶ ዳርሴቴስ።ጊዶ ኣቲንታኒ ኤቃ ጾሳታስ ሹኪኬ፤ኢስታስ ሱንካ ጼይጊኬ።

⁵ጎዳዉ! ታስ ላታ ጺንጾይኔቃዳይ ኔና፤⁶ኔ ታስ ዋዳ ዛዋይሎኦ ጊዲዴስ፤ኬሂፔ ሎኦ ጺንጾይታና ጋኪዴስ።⁷ታና ዞሪዛ ጎዳ ጋላታይስ፤ኦማርስ ታ ዎዚናይታና ታማርሴስ።⁸ታኒ ኡባቶ ጎዳ ሲንሳይስ፤ኢዚ ታ ኡሻቻን ዲዛ ጊሻስታኒ ኮኮሪኬ።

⁹ሄሳ ጊሻስታ ዎዚናይ ኡፋዬቴስ፤ታ ሼምፖይካ ዎፑ ጌስ፤ታ ኣሳቴይካ ሂርጋይ ባይንዳሼምፒ ዴስ።¹⁰ኔ ታና ሲኦሌን ኣጋካ፤ኔ ጌሻዛዎቃና ማላ ኣጋካ።¹¹ኔኒ ታና ዴኦ ኦጌ ቤሳሳ፤ኔ ማታን ኩሜ ኡፋይሲ፥ኔስ ኡሻቻንሜርና ኡፋይሲ ዴስ።

Search