ሌሚሶ ማጻፋ15gmv_etw
1ሊቆ ዛሮይ ሃንቆ ኢርጺሴስ፤ፖርዶሎ ቃላይ ጊዲኮሃንቆ ዴንስ።2ኣ ኤራንቻ ኢንጻርሳፌኤራቴ ፑልቴስ፤ጊዶ ኣቲን ዶጋታ ዶናፔኤያቴ ፑልቴስ።3ጎዳ ኣይፌቲ ኡባሶ ጼሌቴስ፤ኢታታኔ ሎኦታ ኡባሎኤ ቤኤቴስ።4ሾንጋይ ዴኢዛ ሎኦ ሃሳያይዴኦ ሚ ማላ፤ጊዶ ኣቲን ባሌ ሃሳያይኣያና ቆሄስ።5ኤያይ ባ ኣዋ ሴራ ካስ፤ጊዶ ኣቲን ዞሬ ኤኪዛይባ ኣኬካቴ ቆንጪሴስ።6ጺሎ ኣሳ ኬንዳሮ ኣቆታይ ዴስ፤ጊዶ ኣቲን ኢታታስጌሊዛ ሚሺ ሜቶ ኤሄስ።7ኣ ኤራንቻታ ዶናይኤራቴ ዜሬስ፤ኤያታ ዎዚናይ ጊዲኮሄሳ ማላ ዴና።8ጎዳይ ኢታታ ያርሾ ሻቴቴስ፤ሱሬታ ዎሳይ ጊዲኮኢዛ ኡፋይሴስ።9ጎዳይ ኢታ ኣሳታ ኦጌ ሻቴቴስ፤ጊዶ ኣቲን ጺሎቴካሊዛይታ ዶሴስ።10ሱሬ ኦጌ ኣጊዲ ካሬ ኬኢዳዴሃንቆይ ናጌስ፤ሴራ ኢጺዛ ኣሲ ሃይቄስ።11ዱፎኒኔ ዮ ጊዶን ዲዛይሲጎዳ ሲንን ቆንጬ፤ሂስቲን ኣሳ ዎዚና ቆፋይዋኒ ኢዛፔ ጌማኔ?12ቂልጪዛ ኣሲ ሴራ ዶሴና፤ኣ ኤራንቻታፔካዞሬ ኦይቼና።13ዎዚና ኡፋይሲ ሲን ፖኢሴስ፤ዎዚና ጬጬይ ጊዲኮኣያና ቆሄስ።14ኣኬኪዛ ዎዚናይ ኤራቴ ኮዬስ፤ጊዶ ኣቲን ዶጋታ ዶናይኤያቴ ባንቺኬስ።15ማንቆታ ዴኦይኡባ ጋላሲካ ባጼ።ኡፋዬቲዛ ኣሳቲ ኡባቶካባንታ ዴኦን ኡፋዬቴቴስ16ኦሺ ዲዛሶን ዲዛ ጊታ ኣቆታፔጎዳ ያሻቴራ ዲዛጉ ኣቆታይ ኣስ።17ኦሺ ዲዛሶንሞ ኣሾ ማናፔሲቆይ ዲዛሶንሳን ሙሲ ኣስ።18ኤሶን ሃንቄቲዛ ኣሲ ኦሽ ኬሴስ፤ዳንዳይዛ ኣሲ ጊዲኮኦሽ ኢርጺሴስ።19ኣዛላ ኣሳ ኦጌይኣጉንን ዲሬቲ ኡቲዴስ፤ሱሬ ኣሳ ኦጌይ ጊዲኮባሳ ጊዴስ።20ኣ ኤራራ ዲዛ ናይባ ኣዋ ኡፋይሴስ፤ጊዶ ኣቲን ኤያ ናይባ ኣዮ ካስ።21ዎዚና ፓጬ ኣሲባ ኤያቴን ኡፋዬቴስ፤ጊዶ ኣቲን ኣኬኪሱሬ ኦጌ ካሌስ።22ዞሬይ ይኮሃልቾይ ኦጌን ኣቴስ፤ዳሮ ዞራንቻቲ ዲዛሶንሃልቾይ ፖሌቴስ።23ኣሲ ቤሲዛ ዛሮ ኢሚዲኡፋይስ ዴሜስ፤ኮሺዛ ዎዴን ኢሜቲዳ ቃላይኣይ ማላ ሎኦ!24ዱጌ ዱፎን ዎዛኦጌ ቦንታ ማላዴኦ ኦጌይ ኣ ኤራንቻፑዴ ካሌዉስ።25ጎዳይ ኦቶራንቻታኬ ላሌስ፤ጊዶ ኣቲን ኣምኤይ ዛዋ ናጌስ።26ጎዳይ ኢታታ ቆፋ ሻቴቴስ፤ጌሻታ ቆፋይ ጊዲኮኢዛ ኡፋይሴስ።27ኡዜ ኣሲ ባሶ ኣሳ ቦላሜቶ ኤሄስ፤ጊዶ ኣቲን ማታኤ ኢጺዛ ኣሲፓጻ ዳና።28ጺሎ ኣሲ ሃሳያናፔካሴቲዲ ቆፔስ፤ጊዶ ኣቲን ኢታ ኣሳ ዶናፔኢታ ቃላይ ጎጌስ።29ጎዳይ ኢታታፔ ሃኮን ዴስ፤ጊዶ ኣቲን ጺሎታ ዎሳ ሲዬስ።30ፓሽካ ሃኖይ ዎዚና ኡፋይሴስ፤ሚሺራቾ ቃላይሜቄ ጪሊሊሴስ።31ዴኦ ኢሚዛ ሴራ ኤኪዛ ኣሲኣ ኤራንቻታራኢሲፌ ዳና።32ሴራ ኢጺዛ ኣሲ ባና ካስ፤ሴራ ኤኪዛ ኣሲ ጊዲኮኣኬካ ዴሜስ።33ጎዳስ ያሺኣ ኤራቴ ታማርሴስ፤ቦንቼታና ኮዪዳ ኣሲኮይሮ ባናካዉሻናስ ኮሼስ።