Read ኤርማሳ ቲንቢቴ 23

ኤርማሳ ቲንቢቴ23gmv_etw

ሲንፌ ያና ሂዶታ

¹ጎዳይ፥ «ታ ሄንሶሆን ዲዛ ታ ዶርሳታ ይሲዛይታሲኔ ላሊዛ ሄንንቻታስ ኣዬ ኣና!» ጌስ።²ጎዳ ኢስራኤሌ ጾሳይ ባ ኣሳ ሄሚዛ ሄንንቻታስ፥ «ኢንቴ ታ ዶርሳታ ላሊዲ ዎራ ዬዲዳ ጊሻሲኔ ኢንቴ ኢስታ ሎኤ ጼሎንታ ኣጊዳ ጊሻስ ኢንቴ ኢታቴስ ቤሲዛ ቂጻቴ ታ ኢማና።³ሄሳፌ ጉዬ ታ ዉዴፔ ኣቲዳይታ ካሴ ታ ጎዳ ዬዲዳ ዴሬ ኡባፌ ታኒ ታርካ ሺሻዳ ካሴ ታ ሄሚዛሶሆ ዛራ ኤሃና፤ ኢስቲካ ሄሳን ዬሌቲዲ ጮራታና።⁴ታኒ ሎኤ ሄሚዛ ሄንንቻታ ኢስታስ ዴንና፤ ኢስቲ ናምኣን ባቤቴናኔ ዳጋሜቴና፤ ኢስታፌ ኢሳዴይካ ዬና» ጌስ።⁵ጎዳይ፥ «ታኒ ዳዊቴስ ጺሎ ዛሬዴንና ዎዴይ ያና፤ኢዚ ቱሙ ፒርዳኔጺሎቴ ኦዛዴ፥ኣ ኤራቴን ሃሪዛ ካዎ ጊዳና።⁶ኢዛ ካዎቴ ላይንዩሁዳይ ኣታና፤ኢስራኤሌይካ ሳሮን ዳና፤ኢዛ ሱን፥‹ጎዳይ ኑስ ጺሎቴ› ጌቴታና።⁷ሄሳ ጊሻስ ኣሳይሃይሳፌ ጉዬ ኢዛ፥‹ኢስራኤሌ ኣሳ ጊብጼ ቢታፌኬሲዲ ኤሂዳ ጎዳይ ቤኢን›ጊ ጫቆንታ ዎዴይ ያና ጌስ ጎዳይ።⁸ጊዶ ኣቲን፥ ‹ኢስራኤሌ ዛሬታፑዴሃ ባጋ ቢታፌኔኢዚ ኢስታ ላሊዳ ሃራ ዴሬታፔኬሲዳ ዴኦ ጎዳይ ቤኢን›ጊ ጫቃና ዎዴይ ያና፤ሄሳፌ ጉዬ ኢስቲባንታ ዴሬን ዳና» ጌስ።

ዎርዶ ናቤታ

⁹ናቤታ ጊሻስ ታ ዎዚናይ ሜቂዴስ፤ታ ሜቄቲ ኡባይካ ኮኮሪዳ።ጎዳ ጋሶኒኔኢዛ ጌሻ ቃላ ጋሶንዎይኔ ኡሹ ኡዪዲማቲዛ ኣሳ ማላ ጊዳዲስ።¹⁰ቢታያ ላይማን ጻላ ኩማዱስ፤ቃንጌቲዳ ጊሻስ ዬካዉስ፤ባዞን ዲዛ ሜሄ ሄንሶሆቲ ሜሊዳ፤ናቤቲካ ጌላ ኦጌ ካሊዳ፤ባስ ኢሜቲዳ ማታዎጋይ ባይንዳ ጎኤቲዳ።¹¹ጎዳይ፥ «ናቤቲ፥ ቄሴቲጺሎቴ ኦጌራ ቤቴና፤ታ ኬ ጋርሳንካ ኢስቲኦዛ ኢታቴ ታ ቤኣዲስ።¹²ሄሳ ጊሻስ ኢስታ ኦጌይ ሃሊጻና፤ኢስቲካ ማን ኩንዳና፤ኢስቲ ጋንዲጋርዲ ኩንዳና፤ኢስቲ ቃጻዬቲዛ ዎዴታ ኢስታ ቦላ ፓላ ሚሽ ኤሃና።¹³ታኒ ሳማሪያን ዲዛ ናቤታ ቦላኡፋይሶንታ ሚሽ ቤኣዲስ፤ኢስቲ ባኣሌ ሱንንቲንቢቴ ዮቲዳ፤ታ ዴራ ኢስራኤሌካ ባሌዳ።¹⁴ዬሩሳላሜን ዲዛ ናቤታ ቦላዴጺዛ ኢታ ሚሽ ቤኣዲስ፤ኢስቲ ላይማቴቴስ፤ዎርዶቴን ዴኤቴስ፤ኦኒካ ባ ኢታ ኦሶፔሲሞንታ ማላኢታታ ሚንቴስ፤ታ ማታን ኢስቲ ኡባይካሶዶሜ ማላ፥ኢዚን ዲዛ ኣሳይካጋሞራ ማላ» ጌስ።¹⁵ሄሳ ጊሻስ ኡባፌ ዎልቃማ ጎዳይሃይታ ናቤታ ጊሻስ፥«ዬሩሳላሜን ዲዛ ናቤታፔቱና ሚሺ ኬዚዲቢታ ኡባን ላሌቲዳ ጊሻስታ ኢስታ ጫሞ ካ ሚዛና፤ቃሴ ማርዜቲዳሃ ኡሻና» ጌስ።

¹⁶ኡባፌ ዎልቃማ ጎዳይ፥«ሃይቲ ናቤቲ ቲንቢቴኢንቴስ ዮቲዛይሳ ሲዮፒቴ፤ኢስቲ ኢንቴናዎርዶ ሂዶታን ኩንቴስ፤ኢስቲ ጎዳፔ ጊዶንታባፔ ሜ ኤኪ ዮቴቴስ።¹⁷ታና ካዛይታ ኢስታስ፥‹ጎዳይ ኢንቴስሳሮ ጊዳና ጊዴስ› ጌቴስ፤ባንታ ዎዚና ሙሜቴካሊዛይታ ኡባኢስታስ፥ ‹ኢታ ሚሺኢንቴና ጋኬና› ጌቴስ።¹⁸ኢዛ ቃላ ሲያናሲኔ ኣዛዜታናስጎዳይ ዴኢዛ ሺቆን ኢስታፌኦኔ ኤቃናይ?ኢዛ ቃላ ኤዝጊ ሲዪዳይ ኦኔ?¹⁹ጎዳ ሃንቆይ ጎቴ ጫርኮ ማላ ዴንዳና፤ሚኖ ዳምባላይኢታ ኣሳታ ሁኤ ሾጫና።²⁰ኢዛ ዎዚና ቆፋሙሌራ ፖሎንታ ዲሼኢዛ ሃንቆይ ጮ ሃዳ ሲሜና፤ጉዬፔ ዪዛ ላይታን ሃይሳቆንጬን ኢንቴ ኤራና።²¹ሃይታ ሃ ናቤታ ታ ኪታቤኬ፤ጊዶ ኣቲን ኢስቲ ባንታ ኪታኤኪ ዎጼቴስ፤ታ ኢስታስ ዮቶንታቲንቢቴ ዮቴቴስ።²²ኢስቲ ታ ዞሬን ኤቂዳኮታ ቃላ ታ ዴራ ሲሳና፤ኢታ ኦጌፔኔ ኢታ ኦሶፔኢስታ ዛራና።²³ታኒ ማታስ ጻላ ጾሴ?ሃሆስካ ጾስ ጊዲኪና?²⁴ታኒ ቤኦንታ ማላ ጌማሶንቆቴቲ ኣታና ኣሲ ዲዜ?ሳሎኔ ሳኣ ኩሚዳይታና ጊዲኪና!» ጌስ ጎዳይ።²⁵ጎዳይ፥ «ታኒ ኣጉሜታዲስ፤ ታኒ ኣጉሜታዲስ» ጊሼ ታ ሱንን ዎርዶ ቲንቢቴ ሃሳይዛ ናቤታ ቃላ ሲያዲስ።²⁶ሃ ዮኦይ ባንታ ዎዚና ባሌን ዎርዶ ቲንቢቴ ሃሳይዛ ናቤታ ዎዚናን ኣይዴ ጋካናስ ጋምኣኔ?²⁷ኢስታ ኣዋቲ ባኣሌ ጌቴቲዛ ኤቃዛ ጋሶን ታ ሱን ዶጊዳ ማላ፥ ኢስቲ ኢሶይ ኢሳስ ዮቲዛ ኣጉሞን ታ ኣሳይ ታ ሱን ዶጋና ማላ ኦዳ ኢስታስ ሚሳቴስ።²⁸ኣጉሜቲዛ ናቤይ ባ ኣጉማ ዮቶ፤ ታ ቃላይ ኢዛን ዲዛዴይ ጊዲኮ ሄ ቃላ ኣማኔቴን ዮቶ፤ ሃፓሲኔ ካ ኣይፌስ ኣይ ጋይቶቴ ዲዜ?²⁹«ታ ቃላይ ታማ ማላኔ ሹች ቄሪዛ ናሪቃ ማላ ጊዴኔ?» ጌስ።³⁰ጎዳይ፥ «ሄሳ ጊሻስ ቃላ ኢሶይ ኢሳፌ ካይሲ ካይሲ ኤኪዲ ታፔ ኤኪዳ ማላ ዮቲዛ ናቤታራ ታ ኤቄታይስ።³¹ባንታ ዶና ጪንጫቴን፥ ‹ጎዳይ ሂዝጌስ› ጊዛ ናቤታራ ታ ኤቄታይስ» ጌስ።³²ጎዳይ፥ «ታኒ ዎርዶ ኣጉሞ ካሊዲ ቲንቢቴ ዮቲዛ ናቤታራ ኤቄታይስ፤ ታ ኪቶንታ ዲሺን ዎይኮ ታ ሹሞንታ ዲሺን ጻላቴን ዎርዶ ዮኦ ዮቴቴስ፤ ታ ዴሬዛካ ባሌቴስ፤ ሃይሳ ሃ ዴሬዛ ኣይኮካ ጎኤቴና» ጌስ።

ዎርዶ ናቤታ ቲንቢቴ

³³ጎዳይ ታስ፥ «ሃ ዴሬይ፥ ዎይኮ ናቤይ፥ ዎይኮ ቄሴይ፥ ‹ጎዳስ ቶሆ ጊዲዳይ ኣዜ?› ጊዲ ኦይቺኮ፥ ‹ጎዳስ ቶሆይ ኢንቴና፤ ሄሳ ጊሻስ ታኒ ኢንቴና ዎራ ኦላና› ጌስ ጋ ዮታ።³⁴ናቤይ፥ ዎይኮ ቄሴይ፥ ዎይኮ ኣይ ኣሲካ፥ ‹ሃይሲ ጎዳ ቶሆ› ጊዲ ሃሳይኮ ታኒ ሄሳዴኔ ኢዛ ሶሆ ኣሳ ቃጻያና።³⁵ኢሶይ ኢሶይ ባ ላጌ ዎይኮ ባ ዳቦ፥ ‹ጎዳይ ኣይ ዛሮ ኢሚዴ?› ዎይኮ፥ ‹ጎዳይ ዮቲዳይ ኣዜ?› ጊዲ ኦይቻናስ ቤሴስ።³⁶ሃይሳፌ ጉዬን ጊዲኮ፥ ‹ጎዳ ቶሆ› ጊዲ ኢንቴ ሃሳያናስ ቤሴና። ጋሶይካ ኣስ ኡባስ ኢዚ ሃሳይዳ ቃላይ ኢዛስ ቶሆ ጊዲዛ ጊሻስ ዴኦ ጾሳ፥ ኡባፌ ዎልቃማ ጎዳ ኑ ጾሳ ቃላ ኢንቴ ቦኪሴታ።³⁷ሄሳ ጊሻስ ናቤዛስ፥ ‹ጎዳይ ኢንቴስ ኣይ ዛሮ ኢሚዴ?› ዎይኮ፥ ‹ጎዳይ ዮቲዳይ ኣዜ?› ጋዳ ኦይቻናስ ቤሴስ።³⁸ጊዶ ኣቲን ኢንቴ፥ ‹ሃይሲ ጎዳ ቶሆ› ጊኮ፥ ጎዳይ ታኒ ኢንቴና፥ ‹ሃይሲ ጎዳ ቶሆ› ጎፒቴ ጊንካ ኢንቴ፥ ‹ሃይሲ ጎዳ ቶሆ› ጊዴታ።³⁹ሄሳ ጊሻስ ኢንቴና፥ ቃሴካ ኢንቴሲኔ ኢንቴ ኣዋታስ ታ ኢሚዳ ካታማይራ ጋዳ ዬጋ ኣጋና፤ ታ ሲንፌካ ዎራ ኦላና።⁴⁰ሜርናስ ዶጌቶንታ ሜርና ዬላቴኔ ካዉሻቴ ታ ኢንቴ ቦላ ኤሃና» ጊዴስ።

ኤርማሳ ቲንቢቴ 23 / gmv_etw

ሲንፌ ያና ሂዶታ

ዎርዶ ናቤታ

ዎርዶ ናቤታ ቲንቢቴ

ኤርማሳ ቲንቢቴ23gmv_etw