Read ኤርማሳ ቲንቢቴ 22

ኤርማሳ ቲንቢቴ22gmv_etw

ኤርማሲ ዩሁዳ ካዎ ኬ ኣሳስ ዮቲዳ ቃላ

¹ጎዳይ፥ «ዱጌ ዩሁዳ ካዎ ሶ ባዳ፥²‹ኔኖ ዳዊቴ ካዎቴ ኣራታ ቦላ ኡቲዳ ዩሁዳ ካዎ! ኔኒኔ ኔ ሹሜቲ፥ ሃ ፔንጌታራ ጌሊዛ ኣስ ኡባይ ጎዳ ቃላ ሲዪቴ› ጋ» ጌስ።³ጎዳይ፥ «ሱሬ ፒርዳኔ ጺሎ ኦቴ፤ ቦንቄቲዳይታ ኡንኤዛይታ ኩሼፔ ኣሺቴ፤ ቤቴታ፥ ዪኦታኔ ኣምኤታ ቆሆፒቴ፤ ሃ ሶሆንካ ጺሎ ሱ ጉሶፍቴ።⁴ሃይታ ኣዛዞታ ኢንቴ ሎኤ ናጊኮ ዳዊቴ ካዎቴ ኣራታ ቦላ ኡቲዛ ካዎቲ ባ ሹሜታራኔ ባ ዴሬ ኣሳራ ፓራ-ጋሬኔ ፓራ ቶጊዲ ሃይሳ ካዎቴ ኬ ፔንጌራ ጌላናኔ ኬዛና።⁵ጊዶ ኣቲን ኢንቴ ታ ኣዛዞታ ናጎንታ ኢጺኮ፥ ‹ሃ ካዎቴ ኬይ ሙሌራ ያና› ጋዳ ታኒ ታርካ ታናን ጫቃይስ» ጊዴስ።⁶ጎዳይ ዩሁዳ ካዎ ኬስ፥«ኔኒ ታስ ጋላኣዴ ቢታኔሊባኖሴ ዙማ ጼራ ማላሎኢኮካ ታኒ ኔናኣዳፌ ባዞኔኣሲ ኢዛን ባይንዳካታማ ኦና።⁷ታኒ ኔና ኦሊዛይታ ሁኤን ሁኤንኦላ ሚሽ ኦይዳኔ ቦላ ዬዳና፤ኢስቲ ዚጋፔ ማሴቲዳ ቱቄታቃንጼሬዲ ታማን ዬጋና።⁸«ዱማ ዱማ ካዎቴፌ ዪዳ ኣሳይ ሃ ካታማይራ ኣ ቢሼ፥ ‹ጎዳይ ሃኖ ጊታ ካታማዮ ኣይስ ሃይሳ ኦዴ?› ጊዲ ባ ጋርሳን ሃሳዬታና።⁹«ኢስቲ፥ ‹ጎዳ ባንታ ጾሳራ ጫቄቲዳ ጫቆ ኣጊዲ ኤቃ ጾሳታስ ጎይኒዳ ጊሻሲኔ ኢስታስ ኦዳ ጊሻሳ› ጋና» ጌስ።

ኤርማሲ ሻሉሜ ጊሻስ ዮቲዳ ቃላ

¹⁰ሃይቂዳ ካዎኢዮሲያሳስ ዬኮፍቴዎይኮ ካዮቶፍቴ፤ሄሳ ኣጊዲ ዲኤቲ ቢዳሻሉሜስ ሚሼቲዲ ዬኪቴ።ጋሶይካ ኢዚ ሙሌካጉዬ ሲሜና፤ባ ዬሌቲዳ ቢታናምኣን ቤኤና።¹¹ባ ኣዋ ሶሆንዩሁዳን ካዎቲዲ ዲሼሃ ሶሆፔ ቢዳኢዮሲያሳ ና ሻሉሜ ጊሻስጎዳይ፥ «ኢዚ ሙሌካጉዬ ሲሜና።¹²ኢዚ ዲኤቲ ቢዳ ቢታንሄን ሃይቃና፤ሲሚ ዪዲ ሃ ቢታዮ ቤኤና።

ኤርማሲ ኢዮኣቄሜ ጊሻስ ዮቲዳ ቃላ

¹³«ባ ካዎቴ ኬጌኔን ኬጺዛይሳስ፥ፒርዳ ጌላሲዲፖቄ ኬጺዛይሳስ፥ኣስ ጮ ሜላ ኦሲሲዛይሳስ፥ኢዛ ዎልቃ ዋጋ ጪጎንታዴስ፥¹⁴ኢዚ፥ ‹ጊታ ፖቄኔኣሆ ካዎቴ ኬታስ ኬጻና› ጊዛዴስኣዬ ኣና!ኢዚ ባ ኬስጊታ ማስኮቴታ ኬሴስ፤ዚጋ ሚን ኣሌቂሴስ፤ዞኦ ቃላሜካ ቲዬስ።

¹⁵«ኔ ካዎቴ ኬዳሮ ዚጋ ሚን ኬጺዳይሲኔስ ካዎቲዳ ሚሳቲዜ?ኔ ኣዋይ ሱሬ ፒርዳኔጺሎ ኦዳ ጊሻስሚዛዚኔ ኡዪዛዚ ፓጪዴ?ኢዛስ ኡባ ሚሺካ ኢንጄቲዴስ።¹⁶ኢዚ ማንቆታሲኔ ሜቶታንቻታስፒርዳ ጌላሲቤና፤ሄሳ ጊሻስ ኡባሚሺካ ኢዛስ ኤኖ ጊዴስ፤ታስ ኤሮ ጉሲ ሄሳ ጊዴኔ?¹⁷ጊዶ ኣቲን ኔ ኣይፌይኔኔ ዎዚናይ ሼምፒዳይሃ ሄ ሾጬቾንዴሚዛ ጎኣን፥ጺሎታ ሱ ጉሶን፥ኣሳ ኡንኤኒኔጌኔ ኦሶና» ጌስ።

¹⁸ሄሳ ጊሻስ ጎዳይዩሁዳ ካዎ ኢዮሲያሳ ናኢዮኣቄሜ ጊሻስ፥«ዎ ታ ኢሻዉ!ዋይ ዋይ ታ ሚቼ!ቃሴ፥ ‹ታ ጎዳዉ ዎ ዎ!ኔ ጊታቴ ዎ ዎ!›ጊዲ ዚላሌቴና።¹⁹ሃሬይ ሞጌቲዛ ማላኢዚ ሞጌታና፤ኢዛ ኣሃይ ዬሩሳላሜፔንጌታፔ ጎሼቲዲካሬ ኦሌታና» ጌስ።

ዬሩሳላሜ ጊሻስ ኤርማሲ ዮቲዳ ቃላ

²⁰ጎዳይ ዬሩሳላሜ፥«ፑዴ ሊባኖሴ ባዳ ዋሳ፤ኔ ቃላካ ባሳኔን ሲሳ፤ኣባሪሜን ኤቃዳ ዋሳ፤ጋሶይካ ኔስ ኦላ ላጌቲኡባይ ዉሪዳ።²¹ኔኒ ሳሮ ዲሺንታ ኔስ ሚን ዮታዲስ፤ጊዶ ኣቲን ኔኒ፥ ‹ሲዪኬ› ጋዳሳ።ዬላጋቴፌ ዶሚንኔ ኦጌይ ሃይሳ፤ኔኒ ታስ ኣዛዜቶንታ ኢጻዳሳ።²²ኔ ሄንንቻታ ኡባጫርኮይ ኤፋና፤ኔ ላጌቲ ኡባይ ዲኤቲ ባና፤ኔ ኢታቴ ኡባ ጋሶንዬላታናኔ ካዉያና።²³ሃኔ ሊባኖሴን ዲዛሬ!ኔ ኬ ዚጋሚፌ ኬጺዳሬ!ሚጻይ ኦይኪዳ ማጫሳ ማላሜቶይ ኔ ቦላ ዪሺንዋና ዋሳንዲ!» ጌስ።²⁴ጎዳይ፥ « ‹ታኒ ታ ዴኦን ጫቃይስ› ዩሁዳ ካዎ ኢዮኣቄሜ ና ኢኮኒያኔ ኔኒ ታስ ኡሻቻ ኩሼ ቃላባቴ ማታሜ ጊዲዳኮካ ታ ኔና ኬሳ ኦላና።²⁵ኔና ዎናስ ኮይዛይታስ፥ ኔኒ ያዪዛ ባቢሎኔ ካዎ ናቡካዳናጾሬሲኔ ኢዛ ኦላንቻታስ ታኒ ኔና ኣ ኢማና።²⁶ታኒ ኔናካ ኔና ዬሊዳ ኔ ኣዬዮካ ኢንቴ ዬሌቶንታ ኣላጋ ቢታን ኦላ ኣጋና፤ ኢንቴካ ሄን ሃይቃና።²⁷ኢንቴ ሲማናስ ላሞቲዛ ቢታዮ ሙሌካ ሲሜኬታ» ጌስ።²⁸ሃይሲ ኢኮኒያኔይ ካቲዲሜቂዳ ኦቶ ማላኦኒካ ኮዮንታ ሚሼ?ኢዚኔ ኢዛ ናይቲኣይስ ካሬ ኦሌቲ ኣቲዶ?ኢስቲ ባ ኤሮንታ ኣላጋ ቢታንኣይስ ዬጌቲ ኣቲዶ?²⁹ሃኔ ቢታዬ፥ ሃኔ ቢታዬ!ጎዳ ቃላ ሲያ!³⁰ጎዳይ፥ «ዩሁዳ ኣይሳናስኣሲ ባይንዳ ጊሻስ፥ዳዊቴ ኣራታን ኡታናኢሳዴይካ ኬኦንታ ጊሻስ፥ኢሲ ፓጻ ኣሲ ኬዞንታ ጊሻስኢዛስ ዴኦ ላይኡባን ኢንጄቶንታን ኣስ ጊዲ ጻፍቴ» ጌስ።

ኤርማሳ ቲንቢቴ 22 / gmv_etw

ኤርማሲ ዩሁዳ ካዎ ኬ ኣሳስ ዮቲዳ ቃላ

ኤርማሲ ሻሉሜ ጊሻስ ዮቲዳ ቃላ

ኤርማሲ ኢዮኣቄሜ ጊሻስ ዮቲዳ ቃላ

ዬሩሳላሜ ጊሻስ ኤርማሲ ዮቲዳ ቃላ

ኤርማሳ ቲንቢቴ22gmv_etw