Read ኢሳያሳ ቲንቢቴ 44

ኢሳያሳ ቲንቢቴ44gmv_etw

ዶሬቲዳ ኢስራኤሌ

¹ጎዳይ፥ «ጊዶ ኣቲንታ ኣሽካራ ያቆቤ፥ታ ዶሪዳ ኢስራኤሌ፥ ሲያ።²ኔና ሜዳይ፥ኔ ኣዬይ ኡሎን ኦዳይ፥ኔና ማዲዛ ጎዳይ፥‹ታ ኣሽካራ ያቆቤ!ታኒ ዶሪዳ ዪሹሩኔ! ያዮፋ።³ታኒ ሳሜቲዳ ቢታንሃ ጉሳና፤ሜላ ቢታንካ ሻፋ ጎጊሳና።ታኒ ታ ኣያና ኔ ዜሬ ቦላ፥ታ ኣንጆ ኔስና ና ቦላ ጉሳና።⁴ኢስቲ ዴምባን ጪሊላ ማታ ማላ፥ሻፋ ዶናን ዲዛ ሚ ማላሞካና› ጌስ።⁵ኢሶይ፥ ‹ታኒ ጎዳሳ› ጋና፤ሃራይ ባና ያቆቤሱንን ጼይጋና፤ሃራይ ቃሴ ባ ኩሼ ቦላ፥‹ታኒ ጎዳሳ› ጊ ጻፋና፤ኢዚ ባና ኢስራኤሌ ሱንንጼይጋና» ጌስ።

ጎዳፔ ኣቲን ሃራ ጾሲ ዴና

⁶ኢስራኤሌ ካዎይኔ ኢስታ ዎዚዛይ፥ጎዳይ ኡባፌዎልቃማ ጾሳይ፥«ኮይሮይ ታና፤ ዉርሴካ ታና።ታፔ ሃራ ጾሲ ባዋ።⁷ታ ማላይ ኦኒ ዲዜ? ኣኔ ዮቶ፤ኮይሮ ታ ዴራስ ታ ዮች ዬጊሺንኣዚ ሃኒዳኮ፥ሲንፌካኣዚ ሃናናኮ ዮቶ፤ኣኔ ታስ ቆንጪሶ፤ቡሮ ሃናና ሚሻ ጊሻስሲንቲ ዮቶ፤ቡሮ ያናይሳ ካሴቲ ዮቶ።⁸ያዮፍቴ፤ ዳጋሞፍቴ።ሃይሳ ታኒ ኢንቴስዮታቤኪና?ቤኒሶፌ ታ ኢንቴናኤሪሳቤኪና?ሄሳስ ኢንቴ ታ ማርካታ።ታፔ ኣቲን ሃራ ጾሲ ዲዜ?ሙሌካ ዴና፤ዎይኮ ሃራ ዛላይ ዲዜ?ዴና፤ ታ ኦናካ ኤሪኬ» ጌስ።

⁹ኤቃ ሚስሌታ ሜዛይቲኡባቲ ሃዳ፤ሚስሌታ ኢስታፌኦዛ ሚሻቲካ ሃዳ፤ኢስታስ ዮቲዛይቲካ ቆቄ፤ኢስታስ ኤራቴ ዴና፤ኢስቲ ዬላታና።¹⁰ኣይኮካ ጎኦንታ ኤቃ ጾሳማሲ ጊግሲዛይ ኦኔ?¹¹ኤቃ ጾስ ሜዛይ ኣስ ኣቲንሃራ ጊዴና፤ኢዚኔ ኢዛ ሚሳቲዛይቲ ዬላታና፤ኡባይካ ሺቂዲኢሲ ቦላ ኤቄቶ፤ኢስቲ ዳጋማናኔ ዬላታና።

¹²ቢራታ ቆጺዛይ ናሪቃ ኦይኬስ፤ጺፋ ቦንቆ ቦላዎ ኦስ፤ኤቃ ጾስ ናሪቃን ቆጺዲሚስሌ ጊጊሴስ፤ባ ሚኖ ቄሴን ጊጊሴስ።ሄሳፌ ጉዬ ጋፌስ፤ዎልቃ ዬስ፤ሃ ሳሜቴስ፤ ዳቡሬስ።

¹³ማሲዛይ ዎዶሮን ዋስ፤ቾኬን ማላታ ዎስ፤ማርሳራ ዎጬስ፤ኢርሳሴን ኢዛ ቦላማላታ ዎስ፤ኣሳ ሚሳቲሲ ጊጊሴስ፤ኣሳ ማላ ፑላሴስ፤ጎይኖሶን ኤፊ ዎስ።¹⁴ዚጋ ሚ ቃንጼስ፤ዎላ ዎይኮ ሞቆ ዶሬስ፤ዎራን ዲዛ ሚታራኢሲፌ ዲጫና ማላ ኣጌስ፤ዎይኮ ጺዳ ቶኬስ፤ኢዛካ ኢራይ ዲቼስ።¹⁵ኣሲ ኤሶስ ጎኤቴስ፤ኢዛፔ ጉ ኤኪዲታማን ኤ ሆኤስ፤ኡኬካ ኢዛን ኡኬስ፤ኢዛፔ ማሲዲኤቃ ጾስ ጊጊሴስ፤ኢዛስካ ጎይኔስ።ኤቃ ጾስ ኦስ፤ኩንዲዲካ ኢዛስ ዚጌስ።¹⁶ባጋ ሚ ኤስ፤ኢዛ ቦላካ ቁማ ካስ፤ኣሾ ኢዛን ጺጺዲ ካሊ ሜስ፤ታማዛ ሆኢሼ፥«ኤሮሾ ታና ሆኢዴስ፤ታማዚካ ታስ ቤቴስ» ጌስ።¹⁷ቃሴ ኣቲዳ ሚዛባስ ኤቃ ጾስ ጊጊሴስ፤ሆኪዲ ኢዛስ ዚጌስ፤ኢዛካ ጎይኔስ፤ኢዛ ዎሲሼ፥«ኔኒ ታ ጾሳ ጊዲዳ ጊሻስታና ኣሻ» ጌስ።

¹⁸ኢስቲ ኣይኮካ ኤሬቴናኔኣኬኬቴና፤ኢስቲ ጼሎንታ ማላኢስታ ኣይፌይ ጎዜቲዴስ፤ኢስቲ ዩሺ ቆፖንታ ማላኢስታ ዎዚናይ ጎርዴቲዴስ።¹⁹ኦኒካ ታኪ ጊ ቆፒቤና፤ኤራቴ ዎይኮኣኬካይ ባይንዳ ጊሻስ፥«ባጋ ታማን ኤዲስ፤ኢዛ ቦንቆን ካ ካዲስ፤ኢዛን ኣሾ ጺጻዳ ማዲስ፤ሂስቲን ኣቲዳይሳን ዎስታዳታኒ ሃራሲዛ ሚሽ ኦኔ?ሚ ኣኖስ ታኒጎይናና ቤሲዜ?»ጋናስ ዳንዳይቤና።²⁰ኤያ ዎዚናይ ኢዛ ባሌንኢዚ ቢዲን ቃምኤስ፤ባና ኣሻና ዳንዳዬና፤«ሃይሲ ታስ ኡሻቻ ኩሼንዲዛይ ዎርዶ ጊዴኔ?ጋናስ ዳንዳይቤና።»²¹ጎዳይ፥ «ኢስራኤሌ ኔኒታ ኣሽካራ ጊዲዳ ጊሻስ፥‹ያቆቤ ሃይሳ ቆፓ፤ታኒ ኔና ኦዲስ፤ኔኒ ታ ኣሽካራ።ኢስራኤሌ ታኒ ኔና ዶጊኬ።²²ታኒ ኔ ሞሮ ሻራ ማላ፥ኔ ናጋራካ ማላዶ ቱላላ ማላቁጫ ይሳዲስ፤ታኒ ኔና ዎዚዳ ጊሻስሃ ታኮ ሲማ› » ጌስ።

²³ጎዳይ ሃይሳ ኦዳ ጊሻስሳሎቶ ዬጺቴ፤ጪማ ቢታቶ ኡፋይሳን ኢሊሊቴ።ኢንቴኖ ዙማቶ፥ኢንቴኖ ዎራቶ፥ሚቶ ኡባይ ኢሊሊቴ፤ጋሶይካ ጎዳይያቆቤ ዎዚዴስ፤ባ ቦንቾኢስራኤሌ ቦላ ቆንጪሲዴስ።

ዬሩሳላሜይ ኣሳ ዱሳሶ ጊዳና

²⁴ኔና ኣዪ ኡሎን ሜዲዎዚዳ ጎዳይ፥«ኡባ ሜዳሳሎታ ታርካ ፒዲሲዳይ፥ሳኣካ ሚጪዳይ ታና ጎዳ።²⁵ታኒ ዎርዶ ናቤታ ማላታሃዳ ኦና፤ቢቲዛይታካ ኤያ ኬሳና።ታኒ ኣ ኤራንቻታሺራ ዬጋና፤ኢስታ ኤራቴካሃዳ ኦና።²⁶ታ ኣሽካራዛ ቃላ ታ ፖላና፤ታ ኪቲዳይታ ዞሬ ታ ሚንና፤ታኒ ዬሩሳላሜ፥‹ኔኒ ኣሲ ዲዛሶ ጊዳና›፥ዩሁዳ ካታማታካ፥‹ኢስቲ ኬጼታና›፥ኢስታ ላሌካ፥‹ታኒ ኦራጺሳና› ጋና።²⁷ታኒ ጪማ ሃካ፥‹ኔ ሜላ ጊዳ!ኔ ሻፋታካታ ሜሊሳና› ጋና።²⁸ቂሮሴካ፥‹ኢዚ ታ ሄንንቻ፤ኢዚ ታ ሼኔ ፖላና› ጋና፤ዬሩሳላሜይካ፥‹ሲማ ኤቁ› ጋና፤ጾሳ ኬስ፥‹ኢዛ ዮቺ ዬጌቶ› ጋና» ጌስ።

ኢሳያሳ ቲንቢቴ 44 / gmv_etw

ዶሬቲዳ ኢስራኤሌ

ጎዳፔ ኣቲን ሃራ ጾሲ ዴና

ዬሩሳላሜይ ኣሳ ዱሳሶ ጊዳና

ኢሳያሳ ቲንቢቴ44gmv_etw