Aibraniyi4
Sibyiwyi-snusnu ntu Shekwoyi aza ɓo
1Ntucenu, shikwonyi ɓəgbeshi lolodna n əwo snusnu, kwo yé shilo nyi, fa ya zhni pəceye nabai to əzaho n əfye, wa gbakalá n əkwo loloi m.2Ntuge əyihni ce, a kwu nabagyi manai waazizhni ga yi, n ɓwasnu shi a ɓə zhni ga əɓa nyi. Ama waazi n ɓa ɓə wo nyi, kwo to ɓə n apmai n əɓa aba m, ntuge ɓa to ɓə kwnú ɓwadodna n aza yi gaiciyaganunui ɓəda, n ɓa ɓə kwu vyi əkwo gbetu nyi m.3Nsaiye əyi n yi kwu gaiciyaga nyi, yi lofyi lo n snusnu yi n ɓwasnu shi Shekwoyi wo kwu da nyi,“Ntulonu mi ɓə kwu nyasi si dna n əmi minagyi,‘Ɓa taa lofyi n əmi snusnu m nanyinanyi.’ ”Njesnu dudulonu əwo atnutnu ɓə kwu zozhni tunyi n anyì zhni əsa.4Ntuge n abaho, Shekwoyi ɓə kwu əɓo da ntu nyipyei tnaabayi ɓo, fyi ń aɓədagbma ye: “Njesnu dna nyipyei tnaabayi Shekwoyi waa snu n əwo atnutnu vnyanya.”5Njesnu dna n nyaka n kwo kpe n əshe nyi, wo gna lo, “Ɓa taa lofyi n əmi snusnu m, nanyinanyi.”6Ntucenu shi aba ye celo n azaho ɓa lofyi n snusnu yi nyi; ama shikwonyi aza yi n a ɓə kwu nabagyi manai waazizhni ga ɓa n sapa nyi, ɓa to ɓə lofyi m, ntu n əɓa tnaɓəgbetuvyi ɓo.7Shekwoyi njesnu wa shi nyipyei ədo woi yi kwo nge, “N naiye.” Wo ɓə zhni dəye, əsai la shedna n mwa, she wo ɓə daɓo n Dawuda əgbei, ngye nyaka n a la əkwo əɓo shniznu, a kwu da ge:“Nnaiye, n fya wo əwo bəgyefye to kpe əfye adu akalá m.”8Ntuge ndei Joshuwa ɓə gna waa snusnu ga ɓa, Shekwoyi to ɓə ɓa je nyipyei ədo ɓəda da, dna n əsado ntu əwyido ɓo m.9Nlonu, Sibyiwyi-snusnu ye shilo ntu Shekwoyi aza ɓo.10Ntuge zahozahoyi n wa lodna n Shekwoyi snusnu, wo ɓaa snu ce n əwohni atnutnu, n ɓwasnu shi Shekwoyi ɓə snu n əwo atnutnu nyi.11Ntucenu, fa ya əyihni mwakpe ya lofyi n snusnu yi, nabai to əzaho woi ɓwu ntu n əɓa ɓədogbe tnaɓəgbetuvyi nya ɓo m.12Ntuge Shekwoyi ɓədagbma kwo n wyewyeyi lo jesnu kwoi zhni tnutnu. Kwo gyígyíyi n du əbeyaakwo agbe-abada dəhodəhoi. Kwo byidna kwa gna bwugba ajeya n zafnui, akpi n lómwui; kwo da aɓənubwozhni owa n ədu alui.13Nyaho to lo n anyazhnizhni vnyanya n kwo ɓwushi lo n Shekwoyi awyeba m. Nyahonyahoi n kpekpeiya wulo jesnu n wu pəipəi n əwo awyeba n kwo zhni ɓəshishi nu yii ga əkwo nyadokwu nyi.Yeisu pirisiti dnagbmai yaakwo
14Ntucenu, shikwonyi yi n pirisiti Dnagbmai yaakwoi lo n wo la gwnulo əshemi, Yeisu Kirisiti Shekwoyi Nugwnu, fye fa ya kwu gaiciyaganunui shiɓwa kamkam, n yi kpema kwo nyi.15Ntuge yi to n pirisiti dnagbmai nu, n wo taa myi wa kpe əyi akalágba əɓo ye m, ama yi n zaknayii lo, n a ɓə kwu wo mwi n zokwo dəhodəhoi n ɓwasnu ngye əyi; dudulonu wo to ɓə zhni leifyi m.16Ntulonu fa ya yegwu Shekwoyi əbeshnikpegye shebmyashi nya n bwugbakalai, nabai ya gwo snusnugye jesnu ya ɓwa shebmyashi kwa bma yi zhni, dna n əsa əyi apmanya.Biblica, Inc.