Gogelelo16
Awi doosa gena yaguse
1Kagena de ngohi toise o Gikimoi Awi Suba ma Dadaru ma rabano o ili ilalamo moi itemo o malaikat yatumudingika, <<He! Hika nitagi la kiaka o Gikimoi Awi doosa o udo-udo tumudingi ma rabaka magena niakopola kugena o duniaku.>>2So o malaikat ma nonomaka asa wotagi awi udo-udo ma raba magena o duniaku wakopola. De tomatodoka o bi nyawa o haiwani ilalago, ena gena o giki yatotulada magenaka yasusuba de ona o nonako yamamake, ona magena yangoduka asa yadahe o guwu ilalago de ḋasisiri.3So o malaikat ma sinotoka magena awi udo-udo ma raba magena o ngolotoku wakopola kali. De tomatodoka o ngoloto ḋangodu magena imadadi o auka, maro o nyawa isosone manga au, sidago lo o bi moi-moi iooho o ngolotoka ḋangodu gena isoneka.4So o malaikat ma saangeka magena awi udo-udo ma raba gena o bi selera de lo o bi ake ma jobubuku wakopola kali. De tomatodoka o bi ake ḋangodu magena imadadi o auka.5Kagena de ngohi toise kali o malaikat ma somoa moi, una magena o bi ake ḋangodu wakokuasa, gena wotemo, <<Jou, ka Nonga nomatengo Ani sininga itotiai. Ngona lo kanaga o orasi manenabai lo iḋoḋomaka.De o bodito magenenama ngale o nyawa manga dorou nafanggaligena ka itiai.6Sababu ona gena to NgonaAni nyawa de lo Ani nabi-nabi yatoomaka,so manga au yakopola,komagena lo ona magegenakaNgona o au nahikeka la bilasu yaudo.Ma ngale o bodito nasikahika onakaAni fanggali magena lo itiai onaka.>>7Ato toise o suba o haiwani yatotola ma rihono o ili moi itemo, <<Igogou-gogou! Jou Nokokuasa,Ngona gena nako o dorou nositagali lo de o dorou gena,itiai de igogou.>>8So o malaikat ma ihaka magena awi udo-udo ma raba magena o wangeku wakopola kali. De tomatodoka o Gikimoi waaka so o wange magena ma sahu ḋasosihilo o bi nyawa yatupu so ma sahu ḋalodi ifoloi.9O nyawa ona magena yatupu de o wange ma sahu koloko o uku, sidago lo ona imatadahewa imatoba de imatoduba eko ona lo iwisigiliri iholuka. Duma ona asa o Gikimoi Awi ronga ma dorou yogaka de widoosa, sababu o bodito-bodito magena Una masirete wosulo.10So o malaikat ma motohaka awi udo-udo ma raba magena o haiwani ilalago ma pareta ma rihoku gena wakopola kali. De tomatodoka o haiwani ma bi nyawa yapopareta o duniaka manga goge ḋangodu gena idadi ḋapuputuka. So o bi nyawa magena lo asa yasiri ifoloi sidago manga laḋe lo yagoli.11Kagena de ona asa o Gikimoi Awi ronga ma dorou wigaka, sababu ona yasirika de o guwu ilalago yadaheka. Ngaroko to ona manga dorou ma lamo komagena, duma imatoba de imatoduba iholu.12So o malaikat ma butangaka wotagi awi udo-udo ma raba magena o Efrat ma Selera ilalamoku wakopola kali. De tomatodoka o selera magena asa ḋaduduka ma ngale isidailako o ngeko la o bi kolano o wange ma siwaka nogena yakahino.13Kagena de ngohi takelelo o toka ngai saange ma jamani koloko o bi pedeke. De ona moi-moi magena o naga ma uruno, de o haiwani ilalago ma uruno, de lo o nabi wokokulai awi uruno isupu.14Ena gena, o toka lo aku o nonako ihahairani yaaka. Ona magena itagi o dunia ma bi kolano yangodu yatolomu ma ngale o Gikimoi Wokokuasa Awi Wange ilalamoka de ona imatekekudoti.15O Yesus wotemo, <<He! Ngohi asa tahino nginika gena maro o nyawa wototosi moi. O nyawa nagoona gena asa yososanangi, nakoso manga oho yosidailako de manga baju gena salalu yahadoku manga dateka. Upa sidago ma orasika yotagi o nyawa manga simaka de ona ka imawatoka so done ona masirete yamaḋe.>>16So o toka magena itagi o bi kolano yangodu yatolomu o riho moika isigronga o Harmagedon, gena o Ibrani manga demo.17So o malaikat ma tumudingika wotagi awi udo-udo ma raba gena o ngawa-ngawaku wakopola kali. De tomatodoka o Gikimoi Awi Suba ma Dadaru ma rabaka kagena Awi pareta ma kursino toise o ili ilalamo moi itemo, <<O Gikimoi o nyawa wihoholu wasisangisara gena he ḋaboloka.>>18So kanaga lo o tatawi, o diwotu ma dupuru, o kuguru ma ili de lo o osu so o tona ihiti, gena o osu maro komagena idadi waasi ma orasi o nyawa o Gikimoi wasidadiku ma bati o orasi manena. So magena ifoloisi ilamo de ḋaputuru.19Kagena de o Babel o kota ilalamo magena asa ileta o regu saangeka, de lo o bangsa o Gikimoi wihoholu manga bi kota ḋangodu asa irubaka. Sababu o Gikimoi wososininga o kota ilalamo magena manga dorou moi-moi ilamo, so ona bilasu Una Awi doosa foloisi ilalamo yamake, gena maro o dalu ḋacucuka de ḋamamali yasiudo.20De lo o bi gura moi-moi ḋangodu asa isisaka, de o bi tala lo asa ihiwaka idadi ka o pido so ḋamaahika.21De o es ilalamo, moi ma duduga he o kilo moritoha, gena asa o dipaku isimuura de o bi nyawa yatapaḋu. So o nyawa magena asa o Gikimoi Awi ronga ma dorou yogaka, sababu o es ilalamo maro o muura gena igogou o bodito ifoloisi ḋatorou.The Seed Company