Ibrani3
1Ai dodiao, ngini o nyawa o Gikimoi Awi nyawa winiaasoka la o sorogaka niwosa. Ma ngale o Yesus gena hika nimasosininga. Una gena o Gikimoi asa wisulo la wahino ngoneka, wodadi o Imam Wilalamo de powipipiricayaka.2O Gikimoi Awi manara, kiaka wositatapuka gena, Una magena lo asa waaka wokaeli, ka imatero maro ma nabi Musa waaka wokaeli o Gikimoi Awi tahu waleleani, ena gena o Yahudika ma nyawa yadadalaka.3Ka itiai o Yesus gena foloisi wihoromati de o Musa, maro o nyawa moi la kanaga o tahu wosigokoka, una magena foloisi wihoromati de o tahu kiaka wosigokosi.4Sababu o bi tahu moi-moi yosigogoko gena kanaga ka o nyawa yagaka, duma naguuna o bi moi-moi o kia naga gena ḋangodu wosidadadika, Una magena o Gikimoi masirete.5Nako o Musa gena, waaka wokaeli o Gikimoi Awi tahuka ona magena waleleani, duma una gena ka cawali o leleani moi. Una wasingangasu onaka ma ngale o kia naga done o orasi ma simaka o Gikimoi asa wosikelelo.6Duma nako ma Kristus gena, upa ka o leleani moi, Una he o Gikimoi ma Ngopa la kanaga waaka wokaeli o Gikimoi Awi tahu ma raba magena waaturu. De ngone gena to Una Awi tahu ma raba moi, hitilahi nanga siningaka asa pobarani pomasigocoho ḋaputuru la powingongano ma Kristuska.
o Yesus iwipiricayawa
7So hika ngini nimasosininga o sidapano ma demo o Gurumi Ḋatetebi wodedemo, kiaka iḋomaka isilelefo o Gikimoi Awi Jaji ma Buku ma rabaka itemo, <<Nakoso o wange manena ngini o Gikimoi Awi ili niise gena,8upa nia sininga niatogoimaro nia ete de nia topora iḋoḋomaka so ona Ngohi iholu, ma orasi o Musa o Mesir ma tonano wasisupuka,so yahika o tona ibobeleuka.Ngaroko ma deka o taungu moruha o bi nonako ihahairani lo Ngohi taaakaso ona o moi-moi magena yakelelo,duma ona magena asaisidadu-dadu Ngohi idahake de itailako.10Komagena so ma ngaleona magena Ngohi totemo,<Ilaha! To Ngohi Ai dupa gena ona yamotewa,de yoholu Ai ngeko gena yamote.>11So Ngohi manena tongamo de tosasi totemo, <Ce! Kagena o Kanaan ma tona lo tahihikeka,igogou ona gena asa tasimahawa yowosa de yogoge dede Ngohi.> >>12Ai dodiao nipipiricaya, hika nimasidodiahi. Upa sidago ngini moi lo de nia sininga ma dorou so nipiricaya kawa komagena, sidago o Gikimoi wooohoka gena niwidongosa.13Duma ngini manena, nia orasi ma deka kanaga de maenasi, so ngini o wange isigeto-geto bilasu ka nimatekesiduduga moi de moika. Upa sidago o dorou inikulaika so ngini nia sininga idadi ḋatogoi.14Sababu ngone de ma Kristus pomakangaho ḋaloha maro o dodiao moi, hitilahi igogou o kia naga ma nonomaka ngone popipiricayaka gena pomasigocoho ḋaputuru sidago o orasi ma dodoguka.15Komagena o demo magena ma edekati, kiaka o ayati iḋomaka pababaca itemo, <<Nakoso o wange manena ngini o Gikimoi Awi ili niise gena,upa nia sininga niatogoi,maro nia ete de nia topora iḋoḋomakaso ona Ngohi iholu.>>16Sababu nako o Yahudika ma nyawa la iḋomaka o Musa o Mesir ma tonano wasisupuka, ona magena ngaroko o Gikimoi Awi ili yoiseka, duma ma duuruka ona asa iwiholu.17Komagena so ma deka o taungu moruha gena Una asa ona wangamo. Ma ngale ona yangodu manga dorou, so kagena o tona ibobeleuka de yosoneka.18Igogou, iḋomaka o Gikimoi Awi sasi ma demo gena ma ngale o Yahudika ma nyawa, so ona magenaka wotemo, <<Ce! Ona gena tasimahawa yowosa la yogoge dede Ngohi.>> Una ona wasimahawa, sababu ona magegena Una wisigise iholu.19So ngone panako itiai ona yasimahawa yowosa la yogoge dede Una, sababu ona magena iholu iwipiricaya Unaka.The Seed Company