Read Gadda Ermiyaasii 5

Gadda Ermiyaasii5gax_twf

¹Ee Waaqa, waan nu irratti te'e qaabadhu;kunoo, salphinna keennalle dhaggi.

²Qabeenna keenna ormi,mana keenna alagaan fudhate.

³Nuuti ijoollee worri irraa du'e,ta abbaa hin qannee teeneerra;haadhotiin teennallehaadha hiyyeessaa te'aneeran.

⁴Bisaan unnuuf hin kaffalla;qoraanille hin bitanna.

⁵Akka horii waanjoo itti hidhaneeoofamiisaan guddoo dadhanneerra;fooralle nu dhoogganeeran.

⁶Sagalee quufiisaaf,worra Gibxi'iitii fi Asooriititti harka kennanne.

⁷Abbootiin teenna ta duriicubbuu hujjee dabarte;nuuti ammoo sababa cubbuu isaaniitiifrakkatiisatti jirra.

⁸Garbooleen nu bulchan;nami harka isaaniitii nu baasu hin jiru.

⁹Goomolee keessaijjeechaan waan jirtuuf,lubbuu teenna gurgurannee,sagalee dhagganna.

¹⁰Beela irraa ka ka'egogaan keennaakka suunsumaa gurraachoweera.

¹¹Dubartoota Xiyoon keessatti,durralle qachoota Yihuda'aa keessattihunnaan woliin rafane.

¹²Sooreyyiin harka isaaniitiin fannifante;jaarsoleen ulfinna dhadde.

¹³Dargaggoota dhiiraahunnaan daakuu daassifatane;ijoolleen dhiiraaqoraan guddaa ba'atanee tintimane .

¹⁴Jaarsoleenyaa'ii karra qacha'aa,dargaggootille sirba lakkitteerti.

¹⁵Gammadi gadhaa keenna keessaa badeera,sirbi keenna gara bowaa deebi'eera.

¹⁶Nuuti cubbuu waan hunyeef,ulfinni nu irraa ka'eera;nu'uuf aanne'e!

¹⁷Waan kanaaf gadhaan nu dhibameera;iltille nu cuurrotteerti.

¹⁸Sababa kanaaf gaarri Xiyoonii onee,jeedalti irra burraaxxi.

¹⁹Ee Waaqa, ati ammoo,haga bara baraa mooti'i;barcumaan mootummaa teetiilledhalootaa haga dhalootaatitti jiraata.

²⁰Ati maaf ijjumaa nu deete?Maaf haga kana mara nu lakkitte?

²¹Ee Waaqa, akka duriititti nu deebifadhu,nuutille hin deebina;bara keenna haaressii akka durii nuu tolchi.

²²Yoo kana hin tolchin ati nu gatteerta;akka maleelle nutti aarteerta.