Read Josua 12

Josua12

Atul Ba Mosis Ga Go Ebta

¹A wo li Atul ba ndi nyia, ba anebe Isreel noko a bo, fere ga bo, fere taare adi ndi ebo go ero bi Jodan, bomo go edamme ji Anon rehng go egburu ewong ji Hemon, tob budu ero nfam bio bi Araba:²Sihon ntul no anebe Amor, ye ji kuumu go Hesbon. Á jo fili edi bomo go Aroe ji li nkpe edamme nyi Anon. Bomo go elka edaame, rehng go aya Jabok ma li nkonkon nyi anebe Amon. Ejang ejahbe ji Giled jolo budu o.³Á tob jo fili ero bio bi Araba bomo go aya ma Kinered tete rehng go agburu aya Araba ma li aya akang, song rehng go Bet-Jesimod, fere feere ejang eboblum, edamme jio ji Pisga.⁴Go ejang ndi bi Og ntula Basan, esˈkohro ntul no anebe Refa, ye ji jii jo fili Astarot abola Edrei.⁵Á fili edi bomo go ewong Hemon rehng go Saleka, Basan kpee tete rehng go nkonkon nyi anebe Gesur a Maaka, a ejang Giled rehng go nkonkon nyi Sihon ntula Hesbon.⁶Mosis nlokeltuma Jehova, a anebe Isreel ga bo. Wo Mosis faaka ndi ebo ka anebe Ruben, Gad, a ejang etˈtohngo ji anebe Manase, re jol ndi abo.

Atul Ba Josua Ga Go ebta

⁷Atul ba ndi nyia ba a, ba Josua a anebe Isreel noko a bo, fere ga bo, go ejang erede bi Jodan, bomo go Baal Gad ji li edamme ji Lebanon song rehng go ewong Halak ji li feere go Seir. Josua ka bo ndi atˈtohngo atˈtohngo ana ejum elehkelkv ebo.⁸Ndi nyi Josua bake no nya a; edi awong awong, a nya li go abangenahb awong erede nfam, Araba, a nkpale nkpale ewong, a elka emahng feere ejang eboblum - ndi nyio nyi anebe Hid, anebe Amor, anebe Kenan, anebe Pereji, anebe Hiv, a anebe Jebus:⁹ntula Jeriko, ntula Eai( ji li kohlo Betel)¹⁰ntula Jeusalem, ntula Hebron,¹¹ntula Jamud, ntula Lakis,¹²ntula Eglon, a ntula Geja,¹³ntula Debir, ntula Geda,¹⁴ntula Homa, a ntula Arad,¹⁵ntula Libna, ntul Adulam,¹⁶ntula Makkeda, ntula Betel,¹⁷ntula Tapua, ntula Hefa,¹⁸ntula Afek, ntula Lasaron,¹⁹ntula Madon, ntula Hajo,²⁰ntula Simron Meron, ntula Akisaf,²¹ntula Taanak, ntula Megido,²²ntula Kedesh, ntula Joknam go Kamel,²³ntula Dor ji jolo go Nafod Dor, ntula Goyim go Gilgal,²⁴a ntula Tirja. Bo kpee jolo eltahl atul awubu, a ntul awohng.