Maliko14
1Ikali isigalie figono fivili hela kufikila lihungu lya Pasaka na lihungu lya mibumunda sevikilwe lisimika. Vatekechi vakomi na vawulanichi va malagicho vakali kusaka ng'asi cha udesi cha kumbata Yesu kwa ila na vamdoche.2Ila vakalongile, “Tubihile kumbata chipindi va lihungu lya Pasaka vanu viwesa kugita ndewo.”3Yesu akali Kubetania, kukaye lya Simoni yeali itamika ukalavilo. Peakali kuliya kyakuliya kya palumie, akaachile maye ali na bochobocho lya mafuta gya kunung'ilila unofu gyene samani ngomi. Akalidenyile lila libochobocho, na kumbaka Yesu mafuta palituwe lyake.4Vanu vevagehe bahala pala vakavipile mno, vakali vihuchana, “Wuli manung'ililo haga ga sendi ngomi giyaga hela?5Manung'ililo haga gageveswa kuguchwa kwa sendi cholofu mno na sendi hicho vagavilwe vanu vahangala!” Vakamlakie yula maye mno.6Ila Yesu akavalongile, “Mumleke, wuli mukumsumbula? Anigitile njowo nofu.7Vahangala mwigehe navo pamwinga figono fyonda, muvesa kuvatanga chipindi vovonda yemwikela. Ila nene sendivecha na nyenye figono fyonda.8Maye uyu agitile lyavesile. Kalongola kubaka mvili vangu manung'ililo, kuuvika unofu kwa magubukilo.9Ndikuvalongela ndakyene, peponda pa inyi Njowo Nofu pechidalikwa, gito ili cheagitile itambulwa kwa kumuwuka yumwene.”10Baho Yuda Sikaliyoti, yumwi va vala kumi na vavili, akahele kwa vatekechi vakomi neke kumseduka Yesu.11Vatekechi vakomi pevapulike njowo hilyo, vakedwike, vakamlongie kumgavila sendi. Suwe, Yuda akavangile kusaka chipindi va kumseduka.12Kigono kya kwansa lya lihungu lya mibumunda segivikwa lisimika, chipindi vakuhinja mwana kondolo va Pasaka, vachulila vake vakamuhuchile, “Ukela kulia kwii lihungu lya Pasaka?”13Suwe, Yesu akavalagiliche vachulila vake vavili kavalongile, “Muhelele kumwani na koya mwitang'ana na mgosi yumwi anyamuwe kichoba kya malenga. Mumfuate,14mbaka kukaye yeikwingila, mkamlongie mwene kaya, ‘Muwulanichi alongile, kigehe kwiya kyumba kyangu kya vagenji kyakulilya lihungu lya Pasaka pamwinga na vachulila vangu?’15Nave akuvawonesa kyumba kikomi kudali kitayaliswe sue. Mutwandalisiye mula.”16Vachulila vakahegile, vakahele kumwani, vakawene kila kinu kigehe unofu ngita Yesu avalongile. Ndena vakaandalisa kyakula kya lihungu lya Pasaka.17Peifikile palumiye, Yesu afikile pamwinga na vachulila vake kumi na vavili.18Pevagehe kulia kyakula, Yesu akavalongie, “Ndakyene ndikuvalongela, myenu yumwi yeilya sahani yimwinga na nene, akuniseduka.”19Bahala vachulila vake vakavanga kuswigima vakamuhucha Yesu, “Nde ani?”20Yesu akavalongiye, “Yumwi venu nyenye kyumi na vavili, yeichwika libumunda pamwi na nene mukimbundi.21Ndakyene Mwana va Munu ifua ngita Masimbo Mang'alile gyegilonga. Ila ole vake munu yula yeakumseduka Mwana va Munu! Ngiba munu uyu sehababilwe!”22Pevagehe kulya, Yesu kanyamula libumunda, akamuhongiche Nguluvi kadumula na kuvagavila vachulila vake peilonga, “Mnyamule, ugu ndi mvili vangu.”23Kangi, akanyamula kikombe kya difai, akamuhongiche Nguluvi, akavagavile vachulila vake, vonda vakanywelie kikombe kila,24akavalongie, “Iyi ndi danda lyangu yeisibitisa Lyagano lya Nguluvi, danda yeisukwika kwajili lya vanu volofu.25Ndakyene ndikuvalongela, sendinyuwa kangi difai lya sabibu mbaka kigono kila pendinyuwa umiya pa Ung'achale va Nguluvi.”26Kangi vakaimbile wimbo, vakahega, vakahelela pa kidunda va Miseituni.27Yesu akavalongie vachulila vake, “Nyenye vonda mwenileka, kwakuva Masimbo Mang'alile gyilonga, ‘Ndikumtova mtekechi, nawo kondolo viyaganika koya na koya.’28Ila pendichulubuka, ndikuvalongola kula ku Galilaya.”29Peteli akamlongie, “Hata ngita vangi vonda vekukuleka, nene sendikuleka ng'odo!”30Yesu akamlongie Peteli, “Ndakyene ndikukulongela, neng'uni, pamie hugu, kabula livisi seiwika mala chivili, ukunikanila mala chidatu.”31Ila Peteli kamlongela, “Hata ngita nditakilwa kufua pamwinga nave, sendikuleka ng'odo.” Vachulila vonda vakalongile ndeni.32Suwe, vakafikile pa mgunda mdodo ukemelwe Gatesemane. Yesu akavalongela vachulila vake, “Mwikale baha chipindi nene ndifunya.”33Baho akavanyamula peteli na Yakobo na Yohani, akavanga kuswigima na kutumama.34Akavalongie, “Numbula vangu imemile na lusugimo mkomi hata pepi kufua. Mwikale baha na mbihile kuvasa mkisuka.”35Akahela pautalo padodo, ague panyi lufuma akasuka akilonga, ngita ivechekanika seaichumbile saa hilyo lya magudo.36Akalonga, “Daada vangu, kwa veve makani gonda givesekanika. Unihechele kikombe hiki, ila seiveche ngita ndikelafyo nene, ila ukelafyo veve.”37Yesu awuyile kwa vachulila vala vadatu, akavawene vavasile. Suwe, akamuhucha Peteli, “Simoni, uvasile? Be seuvesile kuvecha meho hata lisaa limwi?”38Avalongie kangi, “Mveche meho na kusuka neke mbihile kwingila mmagecho. Muhe ikela, ila mvili uhela ludali.”39Akahele kusuka kangi akawuyila malichwi gagala.40Akawuyile kangi, akavawene vavasile. Kwakuva mewo gyaho gamemile tulo, sevachele lya kumuhiga.41Peachile mala lya udatu akavalongie, “Mwave mwivasa na kutulula? Ino mlamke! Vakati ufikile! Mwana va Munu vakumtawula kwa vanu vawofu venye sambi.42Mlamke na tuhelele setu lole yula mkanila vangu ekwacha.”43Yesu peali ave kuywanga, Yuda, yumwinga va vala kumi na vavili, akafikile pamwinga na lipinga lya vanu vevali na mipanga na findonga. Vanu havo valagilichwe na vatekechi vakomi, vawulanichi va malagicho na vavaha.44Yuda Isikalioti akali avagavile kimanyilo, “Yula yendikumnonela ndi mwene, mumbate na kumnyamula.”45Yuda peafikile hela, kamuheleliya Yesu, kamlongela, “Rabi” mana lyake “Muwulanichi!” Akamkumbatila.46Baho vala vanu vakambatile Yesu, na kumdima abihile kuhega.47Yumwi va vala vevakali vihimila bahala pala pamwinga na Yesu, akahomola lipanga lyake, akamtovile mnyengendwa va mtekechi mkomi na kumdumula lisigicha.48Yesu avalongie, “Wuli mwachile na mipanga na findonga kunibata ngita nene ndinyamula finu fya vanu kwa ludali?49Figono fyonda ndalipamwinga na nyenye pendiwulanicha pa Kaye lya Nguluvi, vala semwibatile. Ila ino yitakilwa Masimbo Mang'alile gyatimile.”50Bawo vachulila vonda vakamlekile, vakanyilile.51Kukali na mdimi yumwi yeakali amfutila Yesu akiva afwulile mgololo mvalafu. Navo vakasakile kumbata.52Ila mwene akasulubuka, akaulekile wula mgololo mvalafu, akanyilile bila mgololo mvalafu.53Suwe, vakamsindika Yesu kwa mtekechi mkomi na vatekechi vakomi vonda, vagogolo na vawulanichi va malagicho koya vilundise.54Peteli amfuatile Yesu kwa utali, akaingiye mulidamwa lwa mtekechi mkomi, akaliye pamwinga na vadimaji akilota lyoto.55Vatekechi vakomi na vanu vonda va Lidamo likomi vakasakile malichwi gegakumgita Yesu kudochwa, ila sevaupatile.56Vanu volofu vakaimile na kulonga udesi neke kumlata Yesu, ila malichwi gyawo segawanine.57Vangi vahimile na kulonga udesi na kulonga,58“Tumpulike munu uyu ikilonga, ‘Ndikuiananga Kaya lya Nguluvi hilyi yevachengili kwa mawoko gya vanu na kwa figono fidatu ndichenga yingi yeselichengilwe kwa mawoko gya vanu.’”59Ila hata ifyo, malichwi gyawo segawanine.60Suwe, Mtekechi Mkomi imile pautalo lyawo, akamuhuchile Yesu, “Be veve seuvesa kuhiga malata haga ambago vanu hava valetile kukyanya lyako?”61Ila mwene akachikile, sealongile hata lichwi limwi. Mtekechi Mkomi akamuhucha kangi, “Be veve nde Kilisito yeaguliwe na Nguluvi, Mwana va Nguluvi Mfunyilwa?”62Yesu akahigile, “Ndakyene nene. Kangi, mukumuwona Mwana va Munu akalile ubali va kulia va Nguluvi munya ludali, ikwacha pa mafunde gya kuluhano.”63Baho Mtekechi Mkomi akatatula liingila lyake na akalonga, “Twikela malichwi liki kangi gya kumlata?64Mpulike peakumliga Nguluvi! Nyenye mulola wuli?”
Vonda vakamuhinga kuva akunjumwa kudochwa.65Suwe, vangi vakavanga kumfunyila miti, vakamuhopila mwenda meho, vakamtovile na kumlongela, “Lotele ani akutovile!” Vadima vakamnyamula na kumtova mimbata.66Peteli peakali ave panyi kulidamwa, akahachile yumwi va mnyingendwa va mdala va Mtekechi Mkomi,67peamuwonile Peteli akilota lyoto, akamuhumichie meho! Akamlongiye, “Hata veve ukali pamwinga na Yesu Mnasaleti.”68Ila Peteli akakanile, “Sendichele, vala sendimanya kyeulonga!” Baho Peteli akahegele, akahelela pono pakwiingilila. Baho livisi akawikile.69Yula mnyengendwa peamuwonile kangi Peteli, akavanga kangi kuvalongela vanu vevakali vihimile baho, “Munu uyu ndi yumwinga vawo.”70Peteli akakanila kangi. Pambele ludodo, vanu vevali vihimile baho vakamlongie Peteli, “Ndakyene veve ndi yumwinga vawo, kwakuva veve ndi Mgalilaya.”71Ila Peteli akavanga kukotola na kwiilapa, akavalongie, “Nene sendimchele munu uyu yemukumlonga njowo lwake.”72Baho livisi akawikile mala lya uvili. Suwe, Peteli iwikile pealongilwe na Yesu. “Kabula livisi kuwika mala chivili, ukunikanila mala chidatu.” Peteli avembile.
Vonda vakamuhinga kuva akunjumwa kudochwa.65Suwe, vangi vakavanga kumfunyila miti, vakamuhopila mwenda meho, vakamtovile na kumlongela, “Lotele ani akutovile!” Vadima vakamnyamula na kumtova mimbata.66Peteli peakali ave panyi kulidamwa, akahachile yumwi va mnyingendwa va mdala va Mtekechi Mkomi,67peamuwonile Peteli akilota lyoto, akamuhumichie meho! Akamlongiye, “Hata veve ukali pamwinga na Yesu Mnasaleti.”68Ila Peteli akakanile, “Sendichele, vala sendimanya kyeulonga!” Baho Peteli akahegele, akahelela pono pakwiingilila. Baho livisi akawikile.69Yula mnyengendwa peamuwonile kangi Peteli, akavanga kangi kuvalongela vanu vevakali vihimile baho, “Munu uyu ndi yumwinga vawo.”70Peteli akakanila kangi. Pambele ludodo, vanu vevali vihimile baho vakamlongie Peteli, “Ndakyene veve ndi yumwinga vawo, kwakuva veve ndi Mgalilaya.”71Ila Peteli akavanga kukotola na kwiilapa, akavalongie, “Nene sendimchele munu uyu yemukumlonga njowo lwake.”72Baho livisi akawikile mala lya uvili. Suwe, Peteli iwikile pealongilwe na Yesu. “Kabula livisi kuwika mala chivili, ukunikanila mala chidatu.” Peteli avembile.
The Word for the World International