Luka4
1Yesu peawuyile kuhuma mumgoka Yolidani akiva apatile ludali lwa Muhe va Nguluvi na alongwichwe na Muhe va Nguluvi kudasi.2Ukoya akagechilwe na Setani kwa figono alubaini. Pafigono ifyo, sealiye kinu kyokyonda na pevichumbile figono fila njala ikamvavile.3Baho Setani akamlongie, “Ngita veve ni Mwana va Nguluvi, ulilongele liganga ilyi livecha libumunda.”4Yesu amhigile, “Masimbo gya Nguluvi gasimbilwe, ‘Munu sekwikala kwa libumunda hela.’”5Baho Setani akamlongocha pakidunda kitali, bahobaho akamwonise ung'achale weugehe kuinyi yonda.6Setani akamlongie, “Dandikugavila umwimike na finu fyonda ufitavale na dauvecha mkomi hilo, kwakuva fyonda ndigavilwe nene na nene ndivesa kumgavila munu yeyonda yendimkeliye.7Ifi fyonda fivecha fya veve, ngita ukunifunya.”8Yesu akamhigile, “Masimbo gya Nguluvi gasimbilwe, ‘Mfunye Mtwa Nguluvi vako na kugita njowo chonda na kumfunya Nguluvi weka hela.’”9Baho Setani akamlongoche mbaka kumwani ku Yelusalemu, akamvikile paneng'eneng'e pa kaye lya Nguluvi. Akamlongie, “Ngita veve ndi Mwana va Nguluvi, witage panyi.10Kwakuva masimbo gya Nguluvi gasimbilwe, ‘Nguluvi ekuvalagicha vandumindumi va kuluhano kwa Nguluvi vake vakudime.’11Kangi, ‘Vakukunyamula mumawoko gyawo, ubihile kwikwambadula ligulu lyako muliganga.’”12Ila Yesu akamhigile, “Mumasimbo gya Nguluvi gasimbilwe, ‘Ubihile kumgecha Mtwa Nguluvi vako.’”13Setani peasindile kumgecha kwa kila njowo, akamlekile ludodo.14Baho Yesu awuyile kumwani lya Galilaya akiva na ludali lwa Muhe va Nguluvi na njowo chake chikalutie ku Galilaya na muinyi chonda chechigehe pepi.15Mwene akali akuvawulanicha vanu mukaye lyawo lya kutang'anila Vayawudi na kila yumwi akamnjuma.16Baho Yesu akahele ku Nasaleti, pono paaleliwe na kigono kya Kutulula, aingie mukaye lya kutang'anila Vayawudi ngita pevigita kila kigono. Akaimile na imbile Masimbo gya Nguluvi kwa lichwi likomi.17Akagavilwe kiganulo cha mvichi va Nguluvi yeakemeliwe Isaya, akadindue na akawene pono pepasimbilwe,18“Muhe va Mtwa agehe mugati lyangu, Kwakuva anihague na anibakile mafuta Ndivasindikile vahangala njowo nofu. Anilagichile ndivadalikile vahopwa vilekelwa, Na vabofwike meho vilola, Na kuvalekela vanu yevigudwa,19Na kulanducha kuva chipindi chifikile, cha Mtwa kuvawokola vanu vake.”20Yesu peasindile kulanducha akakigubika kila kiganulo, akamgavila mnjangila, baho akalile panyi. Vanu vonda vevakali mukaye lya kutang'anila Vayawudi vakafulutule meho.21Mwene avangile kuvalongela, “Lisimbo ilyi lyempulike litimie neng'uli ngita pempulike pelikwimbwa.”22Vonda vakamkelile hilo, vakadudwive na njowo chake chechimemile usanzi gealongile. Vakalongile, “Uyu mwana va Yusufu hamu?”23Yesu akavolongie, “Ndakyene mwivesa kunilongela mufano ulu, ‘Mlami akwinanicha yumwene’ Kangi mwilonga ‘Njowo chonda che tupulike ugitile kula Kapelinaumu, gagite kangi baha ku mwani vako.’”24Yesu endelie kulonga, “Ndakyene ndikuvalongela, mvichi seichelwa kumwani lyake.25Ila mpulikiche, ndakyene ndikuvalongela kukali na vagane volofu painyi lya Isilaeli vakati va Elia. Vakati hugo ndonya seitonyile myaka midatu na mihechi sita, kukali na lumyayo inyi yonda.26Elia sealagichwe kwa mgane yeyonda yula, ila kwa mgane yumwi yeikalie ku Selefati muinyi lya Sidoni.27Kangi inyi lya Isilaeli vakati va mvichi Elisha kukali na vakalavilo volofu. Ila kukali kwihela munu yoyonda yeananile ila Namani weka hela munu va inyi lya Siliya.”28Vanu vonda vevakali pala kaye lya kutang'anila Vayahudi pevapulike ng'ani hicho, vakavipile hilo.29Vakaimile na vakamhechile kwivala pa mwani vawo weukali uchengilwe pakyanya lya kidunda, vakamsindike mbaka pa kineng'eneng'e hilo pa kidunda ikyo neke vamtage mu ligema.30Ila Yesu achumbile pagatigati lyawo, akahelela.31Baho Yesu akahele mbaka Kapelinaum mwani va Galilaya na pa Kigono kya Kutulula akavanga kuvawulanicha vanu.32Vakadudwive na mawulanichi gake, kwakuva mawulanichi gake gakali na umwimike.33Mugati mwa kaye lya kutang'anila Vayawudi pakali na munu yeakali na lihoka lihafu, abwatile akilonga,34“Vee Yesu va Nasaleti wisaka utugite liki? Wuli wachile kutuhananga? Ndikuchela veve ndi Mng'alili va Nguluvi!”35Yesu akamkemie lihoka lihafu akilonga, “Chike! Mhege munu huyu!” Baho yula lihoka lihafu likamgwisile panyi yula munu pautalo lyavo, akahegile bila kumlemacha.36Vanu vonda vakadudwive vakilonganila, “Ulu luchowo liki? Munu uyu agehe na umwimike na ludali akuvalongela mihoka mihafu vahege, nawo vihuma!”37Ndena njowo cha Yesu chikalutie pa mwani ponda pa Galilaya.38Yesu akahumile mula mu kaye lya kutang'anila Vayawudi, akahelela kukaye kwa Simoni. Koya akamwene mganafu va Simoni, akali itamika evawa ng'ali, navo vakamsukile Yesu amnaniche maye yula.39Yesu akaachile akaimile pepi na yula mtamwa, akailakalila evawa nalyo evawa ikamuhumile. Yula maye bahobaho akaimile na kuvanga kuvagundamikila.40Lichua pelikalidibala, vonda vevali na vatamwa vao vakavasindike kwa Yesu, nave akavavikile miwoko gyake pakyanya lya kila mtamwa, akavananiche vonda.41Mihoka mihafu yakavahumile vanu volofu, vatovile kyoo kuno vilonga, “Veve nde Mwana va Nguluvi!”
Ila Yesu akavalakie na kuvakanila kulonga, kwakuva vakachele mwene nde Kilisito.42Mbungamie, Yesu ahegile akahelela pono kwihela vanu. Vanu vakavangile kumsaka na pevamuwonile vanu vakamkanile abihile kuhega.43Ila akavalongie, “Ndena nditakilwa kuvadalikila vanu Njowo Nofu cha Ung'achale va Nguluvi kumwani gingi, kwakuva ikyo ndikyo Nguluvi andilagiche ndigite.”44Ndena endelie kuvadalikila vanu mukaye lya kutang'anila Vayawudi pa inyi yonda va Yudea.
Ila Yesu akavalakie na kuvakanila kulonga, kwakuva vakachele mwene nde Kilisito.42Mbungamie, Yesu ahegile akahelela pono kwihela vanu. Vanu vakavangile kumsaka na pevamuwonile vanu vakamkanile abihile kuhega.43Ila akavalongie, “Ndena nditakilwa kuvadalikila vanu Njowo Nofu cha Ung'achale va Nguluvi kumwani gingi, kwakuva ikyo ndikyo Nguluvi andilagiche ndigite.”44Ndena endelie kuvadalikila vanu mukaye lya kutang'anila Vayawudi pa inyi yonda va Yudea.
The Word for the World International