Yohani9
1Yesu peakali ichumba amuwonile munu yumwi, abofwike meho kuhuma pebabilwe.2Vachulila vake vakamuhucha, “Muwulanichi! Ndiani yeagitile sambi, munu uyu awu vala yevambabile?”3Yesu akahigile, “Uyu seagitile nongwa na vala yevambabile sevagitile sambi, ila ababilwe abofwike meho neke ludali cha Nguluvi iyonike ikigita kasi mugati lyake.4Kukiva ave palumie tuendelise kugita kasi cha yula yeandilagiliche, kwakuva pamie ukwacha munu seiwesa kugita kasi.5Pendave muinyi, nene ndi welu va inyi.”6Peamalile kulonga ago, akafunya miti panyi, akahanganise na uganga likahumila lidope, akambaka yula yeabofwike meho muwuso,7akamlongie, “Helele ukakalave mulitanda lya Siloamu.” Siloamu mana lyake ndi “Yealagilichwe” Baho yula yeabofwike meho akahelela, akakalava wuso, akawuya kuno akilola.8Vala vapepi vake na vala vevamuwonile pamwandi kuva muhangala, vakalonga, “Uyu munu seyula muhangala yeakali akwikala kuno akivasuka vanu?”9Vanu vamonga vakalonga, “Uyu mwene.” Vangi vakalonga, “Semwene ila awanine na mwene.” Ila yula yeabofwike meho akalonga, “Ndi nene!”10Vene vakamuhucha, “Nondee meho gako gadindwike wuliwuli?”11Mwene akahigila, “Yula munu yeakemelwa Yesu akayangasile uganga, akanibakile mumewo na akandilongie, helele ukakalave wuso mulitanda lya Siloamu. Baho, ndikahelela ndikakalava bahobaho ndikavanga kuwona.”12Vakamuhucha, “Munu uyu agehe kwii?”
Mwene akavahigile, “Nene sendichela!”13Baho vakamsindika yula munu yeabofwike meho kwa Mafwalisayo.14Kigono ikyo Yesu peangalise uganga na kumdindula meho munu uyo, ikali Kigono kya Kutulula.15Mafwalisayo vakamuhucha yula munu yeabofwike meho, “Undindweke wuliwuli meho gako?” Mwene akavalongie, “Andibakile uganga mumewo, na nene ndikakalave wuso na ino ndilola.”16Vafwalisayo vamonga vakalonga, “Munu uyu seahumile kwa Nguluvi, kwakuva seakolela Malagilicho gya Kigono kya Kutulula.”
Ila volofu vakalonga, “Munu munya sambi iwesa wuli kugita umunyitu fyandehe?” Vakainengile mugati yao.17Vakamuhucha kangi yula munu yeabofwike meho, “Veve wilonga wuli kugitila munu uyu?”
Mwene akavalongie, “Yula ndi mvichi va Nguluvi!”18Vilongochi va Vayawudi sevakadikila kuva munu uyu akali seilola pamwandi na nondee ilola, mbaka pevakemelwe vasasi vake.19Vene vakavahucha, “Uyu mwana venu mumbabile abofwike meho? Ino andindwike wulwuli meho gake na ino ilola?”20Vasasi vake vakahigile, “Tuchela kuva uyu mwana vetu na akababilwe ndena abofwike meho.21Nefwe setuchela kuva awesile wuli kulola na vala setuchela yula yeamdinduwe meho gake. Mumhuche mwenyekaye, kwakuva uyu ndi munu mkomi, iwesa kuywanga!”22Vasasi vake valongile ndena kwakuva vakavakogwipe filongochi va Vayawudi, vene valonganile munu yeyonda dayeilonga pawelu kuva Yesu ndi Kilisito yeaguliwe daidagwa kwivala lya ku kaye lya kutang'anila Vayawudi.23Ndena, vasasi vake vakalongie, “Mumhuche mwenekaye kwakuva ndi munu mkomi.”24Vakamkemela kangi yula munu yeabofwike meho, vakamlongie, “Longe undakyene pautalo lwa Nguluvi! Nefwe tuchela kuva munu uyu agitile nogwa kwa Nguluvi.”25Mwene akahigile, “Ngita ndi gitile nongwa nene sendichela. Ila kinu kimwi ndichela, ndikali ndibofwike meho na ino ndilola.”26Vene vakamuhucha, “Akakugitile liki? Akudinduwe wuli meho gako ago?”27Yula munu akavahigile, “Ndivalongile suwe, semkandipulikile, kwaliki mwikela kupulika kangi? Nyenye mwikela kuva vachulila vake?”28Ila filongochi va Vayawudi vakamligile vakilonga, “Veve ndi mchulila vake, nefwe ndi vachulila va Musa!29Nefwe twichela kuva Nguluvi aywangile na Musa, ila munu uyu setwichela ahumile kwii!”30Munu uyo akavahigile, “Lukani ulu lya kududwiva! Nyenye semchela ahumile kwii, ila andidindule meho gangu!31Twichela kuva Nguluvi seakuvapulikicha vanu vevagitile nongwa, ila akumpulika munu yeyonda yula yeigita gala gegakumkelesa Nguluvi.32Kuhuma peyiwumbilwe inyi kuhela munu yeyonda yeampulike munu amnaniche munu yeabofwike meho.33Ngita munu uyu seahumile kwa Nguluvi, ngaseiwesa kugita kinu kyokyonda!”34Vakamuhigile, “Veve ubabilwe na kulelwa mu nogwa, uwesa wuli kutuwulanicha nefwe?” Vakamdaga kwivala lya Kaye lya kufunyila.35Yesu peapulike kuva vamdagile munu yula. Akahele kumsaka, peamwene akamuhucha, “Wuli, veve umdikila Mwana va Munu?”36Munu yula akahigile, “Ndi ani? Ndilongele neke ndiwese kumdikila!”37Yesu akamlongie, “Umuwonile suwe, uyu yeuywanga nave.”38Munu yula akalonga, “Ndikudikila Mtwa!” Baho akamfugamile pautalo Yesu na kumfunya.39Yesu akalonga, “Nene ndachile ku inyi kuhiga nongwa vanu, neke vala yevabofwike meho vavese kulola na vala yevihocha vilola vaveche vabofwike meho.”40Vamonga va Mafwalisayo vevagehe pamwi na Yesu vakapulike gyealongile, vakamuhucha Yesu, “Ndakyene nefwe tubofwike meho?”41Yesu akavahigile, “Ngita mungali mubofwike meho, semungali na nogwa, ila nondee nyenye mwilonga, nefwe tulola, suwe muna na nongwa.”
Mwene akavahigile, “Nene sendichela!”13Baho vakamsindika yula munu yeabofwike meho kwa Mafwalisayo.14Kigono ikyo Yesu peangalise uganga na kumdindula meho munu uyo, ikali Kigono kya Kutulula.15Mafwalisayo vakamuhucha yula munu yeabofwike meho, “Undindweke wuliwuli meho gako?” Mwene akavalongie, “Andibakile uganga mumewo, na nene ndikakalave wuso na ino ndilola.”16Vafwalisayo vamonga vakalonga, “Munu uyu seahumile kwa Nguluvi, kwakuva seakolela Malagilicho gya Kigono kya Kutulula.”
Ila volofu vakalonga, “Munu munya sambi iwesa wuli kugita umunyitu fyandehe?” Vakainengile mugati yao.17Vakamuhucha kangi yula munu yeabofwike meho, “Veve wilonga wuli kugitila munu uyu?”
Mwene akavalongie, “Yula ndi mvichi va Nguluvi!”18Vilongochi va Vayawudi sevakadikila kuva munu uyu akali seilola pamwandi na nondee ilola, mbaka pevakemelwe vasasi vake.19Vene vakavahucha, “Uyu mwana venu mumbabile abofwike meho? Ino andindwike wulwuli meho gake na ino ilola?”20Vasasi vake vakahigile, “Tuchela kuva uyu mwana vetu na akababilwe ndena abofwike meho.21Nefwe setuchela kuva awesile wuli kulola na vala setuchela yula yeamdinduwe meho gake. Mumhuche mwenyekaye, kwakuva uyu ndi munu mkomi, iwesa kuywanga!”22Vasasi vake valongile ndena kwakuva vakavakogwipe filongochi va Vayawudi, vene valonganile munu yeyonda dayeilonga pawelu kuva Yesu ndi Kilisito yeaguliwe daidagwa kwivala lya ku kaye lya kutang'anila Vayawudi.23Ndena, vasasi vake vakalongie, “Mumhuche mwenekaye kwakuva ndi munu mkomi.”24Vakamkemela kangi yula munu yeabofwike meho, vakamlongie, “Longe undakyene pautalo lwa Nguluvi! Nefwe tuchela kuva munu uyu agitile nogwa kwa Nguluvi.”25Mwene akahigile, “Ngita ndi gitile nongwa nene sendichela. Ila kinu kimwi ndichela, ndikali ndibofwike meho na ino ndilola.”26Vene vakamuhucha, “Akakugitile liki? Akudinduwe wuli meho gako ago?”27Yula munu akavahigile, “Ndivalongile suwe, semkandipulikile, kwaliki mwikela kupulika kangi? Nyenye mwikela kuva vachulila vake?”28Ila filongochi va Vayawudi vakamligile vakilonga, “Veve ndi mchulila vake, nefwe ndi vachulila va Musa!29Nefwe twichela kuva Nguluvi aywangile na Musa, ila munu uyu setwichela ahumile kwii!”30Munu uyo akavahigile, “Lukani ulu lya kududwiva! Nyenye semchela ahumile kwii, ila andidindule meho gangu!31Twichela kuva Nguluvi seakuvapulikicha vanu vevagitile nongwa, ila akumpulika munu yeyonda yula yeigita gala gegakumkelesa Nguluvi.32Kuhuma peyiwumbilwe inyi kuhela munu yeyonda yeampulike munu amnaniche munu yeabofwike meho.33Ngita munu uyu seahumile kwa Nguluvi, ngaseiwesa kugita kinu kyokyonda!”34Vakamuhigile, “Veve ubabilwe na kulelwa mu nogwa, uwesa wuli kutuwulanicha nefwe?” Vakamdaga kwivala lya Kaye lya kufunyila.35Yesu peapulike kuva vamdagile munu yula. Akahele kumsaka, peamwene akamuhucha, “Wuli, veve umdikila Mwana va Munu?”36Munu yula akahigile, “Ndi ani? Ndilongele neke ndiwese kumdikila!”37Yesu akamlongie, “Umuwonile suwe, uyu yeuywanga nave.”38Munu yula akalonga, “Ndikudikila Mtwa!” Baho akamfugamile pautalo Yesu na kumfunya.39Yesu akalonga, “Nene ndachile ku inyi kuhiga nongwa vanu, neke vala yevabofwike meho vavese kulola na vala yevihocha vilola vaveche vabofwike meho.”40Vamonga va Mafwalisayo vevagehe pamwi na Yesu vakapulike gyealongile, vakamuhucha Yesu, “Ndakyene nefwe tubofwike meho?”41Yesu akavahigile, “Ngita mungali mubofwike meho, semungali na nogwa, ila nondee nyenye mwilonga, nefwe tulola, suwe muna na nongwa.”
The Word for the World International