Yohani15
1Yesu akalongie, “Nene ndi msabibu va undakyene na Daada vangu nde mgima.2Mwene edumula kila likwati lyeselibaba manunu na kila likwati lyelibaba akulihengelela neke libabe manunu myolofu.3Nyenye muveche suwe vanofu kwakuva lya wula unanzi wendivalongie.4Mwikale mugati lyangu na nene ndikale mugati lyenu. Ngita ndeni likwati selivesa weka kubaba manunu mbaka liveche mulibiki lya msabibu. Ndena semuwesa kugita kyeakela Nguluvi ngita semukwikala mugati lyangu.5“Nene ndi msabibu na nyenye ndi makwati. Yeakwikala mugati lyangu na nene ndikala mugati lyake, mwene ibaba manunu gyolofu, kwakuva ngajila nene semvesa kugita kyokyonda.6Munu yeyonda yeseakwikala mugati lyangu itagwa kwivala ngita likwati pelitagwa kwivala na kugama. Vanu vakulihola likwati lya indena na kulitaga mulyoto lipie.7Mukikala mugati lyangu na malichwi gyangu ngagakwikala mugati lyenu, msuke kyokyonda kyemkela na nyenye damwigavilwa.8Vanu davachela Daada vangu peagehe mkomi, kwa kugita makani gyegakumkesala Nguluvi na nyenye damwivecha vachulila vangu ndakyene.9Nene ndivakelie nyenye ngita ndena Daada peanikelie nene. Mwikale kwa kulongochwa kwa lukelo lwangu.10Pemukolela malagicho changu na nene dandikwendelela kuvakela mulukelo lwangu, ngita fila nene pendichidikile malagicho ga Daada vangu na ikwendelela kundikela.11“Nding'ang'a nyenye munikedukile nene na nene ndiendelele kuvakedukila nyenye ndikwakuva ndivalongie makani aga.12Iyi ndi lulagilicho lwangu, Muyikele nyenye kwa nyenye ngita nene pendivakele nyenye.13Ng'asi ngomi lya kuvawonesa kuva ukuvakela vaganja vako, ndi kula kufuwa neke vene vikale uwumi.14Ngita mwigita gala gendivalagiliche, nyenye ndi vaganja vangu.15Kuvangila nondee sendikuvakemela kangi vasutu vangu, kwakuva msutu seachela cheagita mtwa vake. Ila nene ndivakemele nyenye vaganja vangu, kwakuva ndivalongiye gyonda gyendilagilichwe na Daada kuhuma kuluhano.16Nyenye semunihaguwe nene, ila nene ndivahaguwe nyenye na kuvalagilicha muhelele mukavelete vangi vandidikile nene na manunu gyenu gya kwikala. Suwe, kyokyonda kyemusuka kwa umwimike vangu, Daada vangu daakuvagavila.17Suwe, ndikuvalagilicha nyenye, mwikele nyenye kwa nyenye.18“Ngita vanu va inyi iyi vakuvavipila nyenye, muwiuke kuva valonguwe kunivipila nene.19Ngita na nyenye ngamvechile vanu va inyi iyi, suwe, ngaavakelie na nyenye. Ila ndeni nyenye sevanu va inyi iyi, ila nene ndivahaguwe kuhuma muinyi iyi, nde kwakuva ikuvagita vavavipile nyenye.20Muwiuke gendivalongie kuva, ‘Msutu se mkomi kuchumba mtwa vake.’ Suwe, ngita vandigudise nene na nyenye davakuvagudisa, ila ngita vidikila mawulanicho gyangu, suwe, davawesa kudikila mawulanicho gyenu.21Ila davakuvagitila ago gyonda kwakuva lya kunidikila nene, kwakuva sevamchela yeanilagilichile nene.22Ngita ngasendachile kwa vene na kuvalongela unanzi kuhuma kwa Nguluvi, suwe ngasevagehe na nongwa, ila nondee sevawesa kwitasa kuva vihela nongwa pautalo lya Nguluvi.23Munu yeyonda yeakunivipila nene, ndenindeni akumvipila na Daada vangu.24Ndigitile umanyitu mikomi gyesegitilwe na munu yeyonda yula, ngita sengavawonile ngasevavechile na nongwa. Ila nondee vagawonile gyonda gendigitile, ata ndeni wave vakunivipila nene na ndenindeni vakumvipila Daada vangu.25Ila aga gyonda gahumile neke gyegasimbilwe Mumasimbo ga Nguluvi, gawese kuwoneka ga undakyene, ‘Vandivipile hela.’26“Dandikumlagicha Muhe va Nguluvi, yeihuma kwa Daada na daakuvawonesa undakyene. Muhe uyo akuvatanga nyenye na daavalongela undakyene kutigila nene pendigehe.27Kangi na nyenye damulonga makani gyangu, kwakuva mukali pamwi na nene kuhuma pamwandi.”
The Word for the World International