Vabulaniya6
1Suwe, tugaleke gala mawulanicho gyetukali tuwulanichwa petukali setuchela kinu kyokyonda kukyanya lya Kilisito. Ndeni, twendelele kutalo kwa gala gegikangiye na sekwendelela kugaywangila gala mumawulanicho ga pamwandi kukyanya lya magito segikumkelesa Nguluvi na kukyanya lya kumdikila Nguluvi,2mawulanicho gya ubatiso na kuvasukila kwa kuvavikila mawoko na mawulanicho gya uchulubuko na gya higilo lwa mbepali.3Kwa kugita ndeni, datuendelela kukula na kukangala muludikilo, Nguluvi daikela.4Kwakuva vanu vala vevachele undakyene va Nguluvi, vala vevawanuke finu fino kuhuma kuluhano kwa ng'asi lya Muhe va Nguluvi,5na vakuchela unofu kuva luchowo lwa Nguluvi ndi nofu na kangi vakuchela unofu ludali lwa lutavala lwa Nguluvi muinyi yeikwacha,6na vanu avo vakailekile ludikilo lwao, seiwesekana kuvapilusa avo vahongeche kangi. Avo vavene nde ngita vakumuvamba kangi Mwana va Nguluvi na kumgavila nyoni pautalo lwa vanu.7Nguluvi akafunyile mgunda weukwanuka ndonya yeitonya chipindi chonda na kumelecha mimelo ginofu, ikumtanga mgima, lyelifunyilwe na Nguluvi.8Ila mgunda weumelicha mihomi na misapi, seukumtanga kinu mgima, igehe pepi kukotoliwa na Nguluvi na pambele unyanywa lyoto.9Ila vakolo vangu, ata ngita ndivasimbiliye kwa njowo mang'ali, ata ndeni nene ndigehe na undakyene kuva mugita magito manofu gegiwonesa kuva mulowoliwe.10Nguluvi ndi msanzi na seasemuwe kasi yemugitile awu lukelo lwenu lwemuwonesile mwene kwa kuvatanga vanu kangi muendelela kuvatanga vanu vake.11Nefwe tung'ang'a kila munu mugati lyenu awonese lugangamalo mbaka mwiso, neke gala gyemukugahuvilila gahumile.12Suwe, setukela nyenye muveche vagata, ila muveche ngita vala vevadikila na kuhuvilila na kwanuka gala gyeajangile Nguluvi.13Nguluvi peamjangile Ibulahimu na akayilapile kwa litawa lyake mwene, kwakuva kuhela yeagehe mkomi kuchumba mwene.14Nguluvi akalongile, “Ndakyene dandikunemela na dandikugavila ulelo wolofu.”15Ibulahimu akachindile kwa luhuvilo na akawanuke kila kyeakalongiwe na Nguluvi.16Vanu pevikwilapa, vilapa kwa munu yumwi yeagehe mkomi kuchumba vao na kwilapila kuwonesa kuva kila kyekilongelwa ndakyene na kwilapa kwisinda malumbano.17Nguluvi akawonesile jangile kwa kwilapa na kwa ndeni akavawonise wachi vala yeavikile navo jangile seigalambucha jangile lyake.18Suwe, Nguluvi akagitile finu ifi fivili jangila na kilapo, akagitile finu ifi fivili neke atugangamiche numbula. Nefwe vetumuheleliye neke tukolele luhuvililo lweuvikile pautalo lyetu.19Tugehe na luhuvililo ngita nanga yeikolela meli lya uwumi vetu. Luhuvililo ulo lukwingila mbaka pono pala pepahaguliwe na Nguluvi ukoya kuluhano.20Yesu mwene akatulonguwe kwingila mula, kwakuva lya nefwe na akali mtekechi mkomi mbepali ngita peakali Melikisedeki.
The Word for the World International